Us ki gali main phir mujhe ek baar le chalo

Us ki gali mein phir mujhe ek baar ley chalo
Majboor kar ke mujhe mere yaar ley chalo

Shayed yeh mera vehm ho, mera khayal ho
Mumkin hai us ko mere baad, mera malal ho
Pachta raha ho ab mujhe, dar say utha ke woh
Baitha ho meri rah mein, aankhain biccha ke woh
Us ne bhi to kiya tha mujhe pyar, le chalo

Deewana keh ke logon ney her baat taal di
Dunya ne mere paaon mein zanjeer daal di
Chaho jo tum to mera muqadar sanwar do
Yaaron yeh mere paaon ki bedi utar do
Us ne kiya hai milne ka iqrar, ley chalo
 

Us ki gali mein phir mujhe ek baar ley chalo
Majboor kar key mujhe mere yaar ley chalo

                                                                                                   Next >>