Pareshaan raat saari hai sitaaro tum to so jao
 

Pareshaan raat saari hai sitaaro tum to so jao
Sakoot-e-murg taari hai sitaaro tum to so jao

Humain to aaj ki shub, po phate tuk jaagna ho ga
Yahi qismat humari hai sitaro tum to so jao

Tumhain kya aaj bhi koi ager milne nahin aaya
Yeh baazi hum ne haari hai sitaaro tum to so jao

Kahe jaate ho ro ro ke humara haal dunya say
Yeh kaisee raazdari hai sitaaro tum to so jao

Humain bhi neend aa jaye gi hum bhi so hi jain ge
Abhi kuch beqarari hai sitaaro tum to so jao

                                                                                   Next >>