Aankhain meri talwon se mil jaye to accha
 

Aankhain meri talwon se mil jaye to accha
Hai hasrat-e-paboos nikal jaye to accha

Woh subha ko aayen to karoon ba'aton mein dopehar
Aur chahoon ke din thora sa dhal jaye to accha

Dhal jaye din to karoon ba'aton main phir sham
Aur sham ko chahoun ke woh kal jaye to accha

Jab kal ho to phir wohi kahoon kal ki tarah se
Gar aaj ka din bhi younhi tal jaye to accha

Alqissa naheen chahta woh jayen yahan se
Dil uska yaheen garche bahal jaye to accha

Hai qatta rahe ishq main aye "Zoaq" adab-e-sh'art
Aye shama tu ab sar hi ke bal jaye to accha

Next >>