Sochte sochte phir mujhko Khayal aata hai
 

Sochte sochte phir mujhko Khayal aata hai
Woh mere ranj-o-masaib ka madawa to na thee
Rang-e-afshan thee mere dil ki khalaon mein magar
Ek aurat thee aelaj-e-gham-e-dunya to na thee

Meri idrak ke nasoor to riste rahe
Meri hokar bhi woh meri liye kya kar layti
Hasrat-o-yaas ke gambheer andhere mein bhala
Ek nazuk si kiran saath kahan tuk dayti

Usko rahna tha zar-o-seem ke aiwanon mein
reh bhi jaati woh mere saath to rehti kab tak
Ek maghroor sahukaar ki pyari baiti
Bhook aur pyas ki takleef ko sehti kab tak

Ek Shayar ki tamanaon ko dhoka de kar
Usne toree hai ager pyar bhare geet ki lay
Us pe afsoos hai kyun, Us pe taa'jub kaisa
Yeh mohabbat bhi to ahsaas ka ek dhoka hai

Phir bhi anjane mein jab shaher ki rahon mein kabhi
Dekh leta houn dosheeza jamalon ke hujoom
Rouh par phailne lagta hai udasi ka ghubaar
Zahn mein Raingne lagte hain khayalon ke hujoom

Sochte sochte phir mujh ko khayal aata hai

Next >>