Barsaat ki bhigi raaton mein phir koi suhani yaad aai
                                                                     (Qateel Shifai)

Barsaat ki bhigi raaton mein phir koi suhani yaad aai
Kuch apna zamana yaad aaya, kuch un ki jawani yaad aai

Kaliyon ki tarha jo chatki thi, un gulshan gulshan honton per
Lo baithe baithe aaj humain woh baat purani yaad aai

Hum bhool chuke thay kis ne humain dunya main akela cho'd dya
Jab ghor kya to ek surat jaani pehchani yaad aai

Kuch paaon ke chaale, kuch aansoo, kuch tanhai, kuch gard-e-safar
Us bich'de hue humrahi ki ek ek nishani yaad aai

Hum chak-e-gireban aap bhi thay, kiya kehtey Qateel zamane ko
Che'da jo pyar ka afsana, apni kahani yaad aai

Next >>