Os tres irmaus

   
     Había unha vez un pai que tiña tres fillos; un día o pai morreu e, como era moi pobre, só lle deixou ós fillos unha manta vella e pequena.
     Ó chega-la noite os tres irmaus fóronse deitar e cubríronse os tres coa manta; pero como esta non chegaba pra os cubrir ós tres, estaban toda a noite puxa dun lado, puxa do outro.
Entón o maor deles cavilou de enganar ó máis pequeno e pola mañá foi onda el e díxolle:

     - ¡Ai oh! ¿Sabes que podías vender a túa parte da manta?

     - Eu vendo, oh, vendo. Pro ha de ser coa condición de que me hei deitar entre volos dous.

     - ¡Pois xa está!

     E remataron o trato. Pola noite fóronse deitar e, como acordaran, o mais pequeno deitouse entre iles dous. O pouco tempo emprincipiaron os dos lados a puxar da manta, cada un do seu lado, e o máis pequeno, moi acochadiño entre iles, non faguía máis que dicir:

     -¡Coitadiño do que vende que non puxa nin estende!
     ¡Coitadiño do que vende que non puxa nin estende!

Páxina Principal