|
Bha sneachda na chuibhrig air ìseal is àrd, Am broinn an taigh òsda na seòmraichean làn; Bha Màiri is Iòsaph air tòir àite tàimh Am Bethlehem fhuadain 's an uair ann mu thràth. O c'àit' an robh fasgadh bhon chas-shileadh fhuar Dhan òigh a bha giùlan Fear-saoraidh an t-sluaigh? Ach threòraicheadh dìreach is cinnteach an ceum Dhan fhàrdaich a b'isle san tìr ud gu lèir. O, seall E na shìneadh gun rìomhadh na chòir; O, seall air a Mhàthair ga thàladh le deòin, 'S na h-ainglean a' fàilteachadh pàisde na h-òigh Bidh'n oidhche seo àraid an cànan 's an ceòl. Bha ceòl air a' ghaoith agus shoillsich an reul Mun cuairt air na cìobairean, 's shìn iad an ceum: 'S an uamha nan ainmhidhean thairg iad an gaol Dhan naoidhean aig Màiri, Rìgh-phàisde chlann-daoin'! |
This page hosted by
Get your own Free Home Page