Gäge:

Wondschmärze, Brandwonde, Chrampfodergschwür, Feschtle, OP-Wonde, Fuesspelz ond Naseverchruschtige.

Os:

Zwoi ghüüfte Doppelhänd Rengelblueme wo chli gschnette send.
500 Gramm guets Pflanzefett.

Das Fett werd so fescht erhetzt als wett mer Schnetzel bache.
Denn tuet mer d'Rengelblueme drii ond loht sie loh öberprassle, rühert ond zieht alles vo de Härdplatte weg.

Denn loht mer's zuedeckt en Tag stoh. Tags druuf erwärmt mer's liecht ond gett dere warme Masse noh echli Öl (Olive?) bii ond felteret s'ganze dor es Liintuech en es vorbereitets, suubers Gfäs.