repic:
Viva Viva Niça la Bèla
Totjorn ieu canterai
sota li tieus tornèlas
La tieu mar d'azur
lo tieu cièl pur
E totjorn criderai
En la mieu ritornèla
Viva Viva Niça la Bèla.
1.
Ò la mieu Bèla Niça
Regina de li flòts
Li tieus vièlhi taulissas
Ieu canterai totjorn
Canterai li montanhas
Lu tieus tant rics decòrs
Li tieus verdi campanhas
Lo tieu grand soleu d'òr.
2.
Canti la capelina
La ròsa, lo lillac,
Lo pòrt, e la marina
Palhon, Mascoinat!
Canti la sofieta
Dont naissan li cançons,
Lo fus la colonheta,
La mieu bèla Nanon!
3.
Canti li nòstri glòrias
L'antic e bèu calèn,
Dau Gonjon li victòrias,
L'odor dau tieu primtèmps!
Canti lo vièlh Sincaire,
E lo tieu blanc drapèu,
Pi lo brèç de ma maire
Dau monde lo pus bèu!