Lo romanin n'es pas la menta
Ni la menta n'es pas la sirventa
Ni la sirventa lo vailet
Ni una bleda n'es pas un caulet.
Un caulet n'es pas una bleda
Un moton n'es pas una feda
Ni una feda un moton
Ni una filha n'es pas un garçon.
Un garçon n'es pas una filha
Ni una filha una quilha
Ni una quilha n'es pas un quilhon
Ni una mina n'es pas lo credon
Lo credon n'es pas la mina
Ni lo gal n'es pas la galina
Ni la galina n'es pas lo gal
Ni la cabana n'es pas un ostal.
Un ostal n'es pas la cabana
Ni un grapaud n'es pas una rana
Ni una rana un grapaud
Ni una sauma n'es pas un caval
Un caval n'es pas una sauma
Ni un balon n'es pas una pauma
Ni una pauma un balon
Ni la fenèstra lo fenestron.
Lo fenestron n'es pas la fenèstra
Ni lo dedins n'es pas lo rèsta
Ni lo rèsta n'es pas lo dedins
Ni una figa n'es pas un rasim
Un rasim n'es pas una figa
Ni Margòt n'es pas Maria
Ni Maria n'es pas Margòt
Ni la savata n'es pas un esclòp.
Un esclòp n'es pas la savata
Ni un pesolh n'es pas una pata
Ni una pata un pesolh
Ni una pòrta n'es pas un varrolh
Un varrolh n'es pas una pòrta
Ni un garrèl n'es pas una tòrta
Ni una tòrta n'es pas un garrèl
Ni mai la tèrra n'es pas lo cèl.
Ni lo cèl n'es pas la tèrra
Ni la patz n'es pas la guèrra
Ni la guèrra n'es pas la patz
Ni la pèira n'es pas lo clapàs
Lo clapàs n'es pas una pèira
Ni la fam la sadolièira
La sadolièira n'es pas la fam
Ni mai la mèrda n'es pas lo pan blanc.