I 1 Domine deu devemps lauder We should praise the Lord God,
et a sos sancz honor porter; and give honor to his Saints;
in su' amor cantomps dels sanz Let us sing of the Saints, who,
qui por lui augrent granz aanz; for His love, suffered greatly;
et or es temps et si est biens now, it is time and is fitting,
que nos cantumps de sant Lethgier. that we sing of Saint Leger.
II 7 Primos didrai vos dels honors I will tell you first of the
que il auuret ab duos seniors; glory he gained from two Lords
apes ditrai vos dels aanz then I will tell you of the
que li suos corps susting si granz, great pains that he suffered in
et Evvruins, cil deumentiz, his body, and Ewruin, who lied,
que lui a grant torment occist. and sent him to a painful end.
III 13 Quant infans fud, donc a ciels temps At the time he was a child,
al rei lo duistrent soi parent, his parents sent him to the
qui donc regnevet a ciel di: king who reigned at that time:
cio fud Lothiers fils Baldequi.
il l'enamat; deu lo covit;
rovat que litteras apresist.
IV 19 Didun l'ebisque de Peitieus
luil comandat ciel reis Lothiers.
il lo reciut, tam ben en fist,
ab u magistre semprel mist
qu'il lo doist bien de ciel savier
don deu serviet por bona fied.
V 25 Et cum il l'aut doit de ciel' art,
rendel qui lui lo comandat.
il lo reciut, bien lo nodrit,
cio fud lonx tiemps ob se los ting.
deus l'exaltat cui el servid,
de sanct Maxens abbas divint.
VI 31 Ne fud nuls om del son juvent
qui mieldre fust donc a ciels temps;
perfectus fud in caritet,
fid aut il grand et veritiet,
et in raizons bels oth sermons,
humilitiet oth per trestoz.
VII 37 Cio sempre fud et ja si er:
qui fai lo bien, laudaz en er.
et sanz Letgiers sempre fud bons,
sempre fist bien o que el pod.
davant lo rei en fud laudiez;
cum il l'audit, fud li'namet.
VIII 43 A sel mandat et cio li dist,
a curt fust, sempre lui servist.
il l'exaltat e l'onarat,
sa gratia li perdonat,
et hunc tam bien que il en fist,
de Hostedun evesque en fist.
IX 49 Quandius visquet ciel reis Lothier,
bien honorez fud sancz Lethgiers.
il se fud morz, damz i fud granz;
cio controverent baron franc,
por cio que fud de bona fiet,
de Chielperig feissent rei.
X 55 Un compte i oth, pres en l'estrit:
ciel eps num auret Evrui.
ne vol reciuure Chielperin,
mis lo seu fredre Theotri.
nel condignet nuls de sos piers,
rei volunt fair' estre so gred.
XI 61 Il lo presdrent tuit a conseil,
estre so gret en fisdren rei.
et Evvruins ot en gran dol
porro que ventre nols en poth.
por cils tiel duol rovas clergier,
si s'en intrat in un monstier.
XII 67 Reis Chielperics tam bien en fist,
de sanct Lethgier consilier fist.
quandius al suo consiel edrat,
incontra deu ben s'i garda,
lei consentit et observat
et son regnet ben dominat.
XIII 73 Ja fud tels om, deu inimix,
qui l'encusat ab Chielpering.
l'ira fud granz cum de senior
et sancz Lethgiers oc s'ent pavor;
ja lo sot bien, il le celat,
a nuil omne nol demonstrat.
XIV 79 Quant ciel' ire tels esdevint,
paschas furent in eps cel di;
et sancz Lethgiers fist son mistier,
misse cantat, fist lo mul ben.
pobl' et lo rei communiet
et sens cumgiet si s'en ralet.
XV 85 Reis Chielperics cum il l'audit,
presdra sos meis, a luis tramist,
cio li mandat que revenist,
sa gratia por tot ouist.
et sancz Lethgiers nes soth mesfait;
cum vit les meis, a lui ralat.
XVI 91 Il cio li dist et adunat
'tos consilier ja non estrai,
meu evesquet nem lez tener
por te qui semprem vols aver.
en u monstier me laisse intrer,
posci non posc lau vol ester.'
XVII 97 Enviz lo fist, non voluntiers,
laisse l'intrar in u monstier:
cio fud Lusos ut il intrat.
clerj' Evvrui illo trovat.
cil Evvruins molt li vol miel
toth per enveia, non per el.
XVIIII 103 Et sancz Lethgiers fist so mistier,
Evvrui prist a castier;
ciel' ira grand et ciel corropt,
cio li preia laissas lo toth:
fus li por deu nel fus por lui,
cio li preia paias ab lui.
XIX 109 Et Evvruins fist fincta pais:
ciol demonstrat que s'i paias.
quandius in ciel monstier istud,
ciol demonstrat amix li fust;
mais en avant vos cio aurez,
cum ill edrat por mala fied.
XX 115 Rex Chielperings il se fud mors,
per lo regnet lo souurent toit.
vindrent parent e lor amic,
li sanct Lethgier, li Evvrui;
cio confortent ad ambes duos
que s'ent ralgent in lor honors.
XXI 121 Et sancz Lethgiers den fistdra bien,
que s'en ralat en s'evesquet;
et Evvruins den fistdra miel,
que donc deveng anatemaz;
son queu que il a coronet
toth lo laisera recimer.
XXII 127 Domine deu in cio laissat
et a diable-s comandat.
qui donc fud miels et a lui vint,
il voluntiers semper reciut.
cum fulc en aut grand adunat,
lo regne prest a devaster.
XXIII 133 A foc, a flamma vai ardant
et a gladies persecutan;
por quant il pot tan fai de miel,
por deu nel volt il observer.
ciel ne fud nez de medre vivs
qui tal exercite vidist.
XXIV 139 Ad Ostedun, a cilla ciu,
dom sanct Lethgier vai asalir.
ne pot intrer en la ciutat;
defors l'asist, fist i gran miel,
et sancz Lethgiers mul en fud trist
por ciel tile miel que defors vid.
XXV 145 Sos clerjes pres et revestit
et ob ses croix fors s'en exit.
por o n'exit, vo; li preier
que tot ciel miel laisses por deu.
ciel Evvruins, qual horal vid.
penrel rovat, lier lo fist.
XXVI 151 Hor' en aurez las poenas granz
que il en fisdra li tiranz.
li perfides tam fud cruels,
lis ols del cap li fai crever.
cum si l'aut fait mis l'en reclus:
ne soth nuls om qu'es devenguz.
XXVII 157 Ambas lavvras li fai talier,
hanc la lingua que aut in queu.
cum si l'aut toth vituperet,
dist Evvruins, qui tan fud miels,
'hor' a perdud dom deu parlier,
ja non podra amis deu laudier.'
XXVIII 163 A terra joth, mult fo afflicz,
non oct ob se cui en calsist.
super lis piez ne pod ester,
que toz los at li condemnets.
or' a perdud don deu parlier,
ja non podra mais deu laudier.
XXIX 169 Sed il non ad lingu' a parlier,
deus exaudis lis sos pensez;
er si el non ad ols carnels,
encor los ad espiritiels;
et si en corps a grand torment,
l'anima n'auura consolament.
XXX 175 Guenes oth num cuil comandat;
la jus en cartres l'en menat,
et enfes cant in ciel monstier.
illo reclusdrent sanct Lethgier.
domine deus in ciel flaiel
i visitet Lethgier son servv.
XXXI 181 La labia li restaurat:
si cum desanz deu pres laudier.
et hanc en aut merci si grand,
parlier lo fist si cum desanz.
donc pres Lethgiers a predier,
poble ben fist credre in deu.
XXXII 187 Et Evvruis, cum il l'audit,
credre nel pot antro quel vid.
cum il lo vid, fud corroptios;
donc oct ab lui dures raizons;
el cor exasprat al tirant,
peis li promest ad en avant.
XXXIII 193 A grand furor, a gran flaiel
sil recomanda Laudebert.
cio li rova et noit et di
meil li fesist dentro qu'el viu.
ciel Laudebert fura buons om,
et sancz Lethgiers duis a son dom.
XXXIV 199 Il li vol faire mult amet;
beuure li rova aporter.
garda, si vid grand claritet,
de cel vindre, fud de par deu;
si cum roors in cel es granz
et si cum flammes clar ardanz.
XXXV 205 Cil Laudeberz, qual horal vid,
torne s'als altres, si lor dist
'ciest omne tiel mult aima deua
por cui tels causa vind de ciel.'
por ciels signes que vidret tels
due presdrent mult a conlauder.
XXXVI 211 Tuit li omne de ciel pais
trestuit apresdrent a venir;
et sancz Lethgiers lis prediat,
domine deu il les lucrat;
rendet ciel fruit spirituel
que deus li avret perdonat.
XXXVII 217 Et Evvruins, cum il l'audit,
creder nel pot antro quel vid.
cil biens qu'el fist cil li pesat,
occidere lo commandat.
quatr' omnes i tramist armez
que lui alessunt decoller.
XXXVIII 223 Li tres vindrent a sanct Lethgier,
jus se giterent a sos pez.
de lor pechietz que avrent faiz
il los absols et personet.
lo quarz, uns fel, nom aut Vadart,
ab un ispieth lo decollat.
XXXIX 229 Et cum il l'aud tollut lo queu,
lo corps estera sobrels piez;
cio fud lonx dis que non cadit.
lai s'aprosmat que lui firid;
entrol talia los pez de jus:
lo corps estera sempre sus.
XL 235 Del corps asaz l'avez audit
et dels flaiels que grand sustint.
l'anima reciut dominedeus,
als altres sanz en vai en cel.
il nos aiud ob ciel senior
por cui sustinc tels passions.
FINIT. FINIT LUCENDO DICIT;
Get your own Free Home Page