St. John

5
45 . . . . žatei ik wrohidedjau izwis du attin; ist saei wrohida izwis, Moses, du žammei jus weneiž.
46 jabai allis Mose galaubidedeiž, ga-žau-laubidedeiž mis; bi mik auk jains gamelida.
47 žande nu jainis melam ni galaubeiž, hwaiwa meinaim waurdam galaubjaiž?

6
1 Afar žata galaiž Iesus ufar marein žo Galeilaie jah Tibairiade.
2 jah laistida ina manageins filu, unte gasehwun taiknins žozei gatawida bi siukaim.
3 usiddja žan ana fairguni Iesus jah jainar gasat miž siponjam seinaim.
4 wasuh žan nehwa pasxa, so dulžs Iudaie.
5 žaruh ushof augona Iesus jah gaumida žammei manageins filu iddja du imma, qažuh du Filippau: hwažro bugjam hlaibans, ei matjaina žai?
6 žatuh žan qaž fraisands ina; iž silba wissa žatei habaida taujan.
7 andhof imma Filippus: twaim hundam skatte hlaibos ni ganohai sind žaim, žei nimai hwarjizuh leitil.
8 qaž ains žize siponje is, Andraias, brožar Paitraus Seimonaus:
9 ist magula ains her, saei habaiž .e. hlaibans barizeinans jah .b. fiskans; akei žata hwa ist du swa managaim?
10 iž Iesus qaž: waurkeiž žans mans anakumbjan. wasuh žan hawi manag ana žamma stada. žaruh anakumbidedun wairos ražjon swaswe fimf žusundjos.
11 namuh žan žans hlaibans Iesus jah awiliudonds gadailida žaim anakumbjandam; samaleiko jah žize fiske, swa filu swe wildedun.
12 žanuh biže sadai wauržun, qaž du siponjam seinaim: galisiž žos aflifnandeins drauhsnos, žei waihtai ni fraqistnai.
13 žanuh galisun jah gafullidedun .ib. tainjons gabruko us fimf hlaibam žaim barizeinam, žatei aflifnoda žaim matjandam.
14 žaruh žai mans gasaihwandans žoei gatawida taikn Iesus, qežun žatei sa ist bi sunjai praufetus sa qimanda in žo manasež.
15 iž Iesus kunnands žatei munaidedun usgaggan jah wilwan ei tawidedeina ina du žiudana, afiddja aftra in fairguni is ains.
16 iž swe seižu warž, atiddjedun siponjos is ana marein,
17 jah usstigun in skip, iddjedunuh ufar marein in Kafarnaum. jah riqis južan warž jah ni atiddja nauhžan du im Iesus.
18 iž marei winda mikilamma waiandin urraisida was.
19 žaruh farjandans swe spaurde .k. jah .e. aižžau .l. gasaiwhand Iesu gaggandan ana marein jah nehwa skipa qimandan jah ohtedun sis.
20 žaruh is qaž : ik im, ni ogeiž izwis.
21 žaruh wildedun ina niman in skip, jah sunsaiw žata skip warž ana airžai ana žoei eis iddjedun.
22 iftumin daga managei sei stož hindar marein, sehwun žatei skip anžar ni was jainar alja ain, jah žatei miž-ni-qam siponjam sainaim (sic) Iesus in žata skip, ak ainai siponjos is galižun.
23 anžara žan skipa qemun us Tibairiadau nehwa žamma stada, žarei matidedun hlaif, ana žammei awiliudoda frauja.
24 žaruh žan gasahw managei žatei Iesus nist jainar nih siponjos is, gastigun in skipa jah qemun in Kafarnaum sokjandans Iesu.
25 jah bigetun ina hindar marein qežunuh du imma: rabbei, hwan her qamt?
26 andhof im Iesus jah qaž: amen amen qiža izwis, sokeiž mik, ni žatei sehwuž taiknins jah fauratanja, ak žatei matideduž žize hlaibe jah sadai wauržuž.
27 waurkjaiž ni žana mat žana fralusanan, ak mat žana wisandan du libainai aiweinon, žanei sunus mans gibiž izwis; žanuh auk atta gasiglida guž.
28 žaruh qežun du imma: hwa taujaima, ei waurkjaima waurstwa gudis?
29 andhof Iesus jah qaž du im: žat-ist waurstw gudis, ei galaubjaiž žammei insandida jains.
30 qežun du imma: ažžan hwa taujis žu taikne, ei saihwaima jah galaubjaima žus? hwa waurkeis?
31 attans unsarai manna matidedun ana aužidai, swaswe ist gameliž: hlaif us himina gaf im du matjan.
32 žaruh qaž im Iesus: amen amen qiža izwis, ni Moses gaf izwis hlaif us himina, ak atta meins gaf izwis hlaif us himina žana sunjeinan.
33 sa auk hlaifs gudis ist, saei atstaig us himina jah gaf libain žizai manasedai.
34 žanuh qežun du imma: frauja, framwigis gif unsis žana hlaif.
35 jah qaž du im Iesus: ik im sa hlaifs libainais; žana gaggandan du mis ni huggreiž jah žana galaubjandan du mis ni žaurseiž hwanhun.
36 akei qaž izwis žatei gasehwuž mik jah ni galaubeiž.
37 all žatei gaf mis atta, du mis qimiž, jah žana gaggandan du mis ni uswairpa ut;
38 unte atstaig us himina, nih žeei taujau wiljan meinana, ak wiljan žis sandjandins mik.
39 . . . .
40 žatuh žan ist wilja žis sandjandins mik, ei hwazuh saei saihwiž žana sunu jah galaubiž du imma, aigi libain aiweinon, jah urraisja ina ik in spedistin daga.
41 birodidedun žan Iudaieis bi ina, unte qaž: ik im hlaifs sa atsteigands us himina,
42 jah qežun: niu sa ist Iesus sa sunus Iosefis, žizei weis kunžedum attan jah aižein? hwaiwa nu qižiž sa žatei us himina atstaig?
43 andhof žan Iesus jah qaž du im: ni birodeiž miž izwis misso.
44 ni manna mag qiman at mis, nibai atta saei sandida mik atžinsiž ina, jah ik urraisja ina in žamma spedistin daga. .
45 ist gameliž ana praufetum: jah wairžand allai laisidai gudis. hwazuh nu sa gahausjands at attin jah ganam gaggiž du mis.
46 ni žatei attan sehwi hwas, nibai saei was fram attin, sa sahw attan.
47 amen amen qiža izwis: saei galaubeiž du mis aih libain aiweinon.
48 ik im sa hlaifs libainais.
49 attans izwarai matidedun manna in aužidai jah gaswultun.
50 sa ist hlaifs saei us himina atstaig, ei saei žis matjai, ni gadaužnai.
51 ik im hlaifs sa libanda, sa us himina qumana; jabai hwas matjiž žis hlaibis, libaiž in ajukduž; jah žan sa hlaifs žanei ik giba, leik mein ist žatei ik giba in žizos manasedais libainais.
52 žanuh sokun miž sis misso Iudaieis qižandans: hwaiwa mag sa unsis leik giban du matjan?
53 žaruh qaž du im Iesus: amen amen qiža izwis, nibai matjiž leik žis sunaus mans jah driggkaiž is blož, ni habaiž libain in izwis silbam.
54 saei matjiž mein leik jah driggkiž mein blož, aih libain aiweinon, jah ik urraisja ina in žamma spedistin daga.
55 žata auk leik meinata bi sunjai ist mats, jah žata blož mein bi sunjai ist draggk.
56 saei matjiž mein leik jah driggkiž mein blož, in mis wisiž jah ik in imma.
57 swaswe insandida mik libands atta, jah ik liba in attins, jah saei matjiž mik, jah sa libaiž in meina.
58 sa ist hlaifs saei us himina atstaig, ni swaswe matidedun attans izwarai manna jah gadaužnodedun; iž saei matjiž žana hlaif libaiž in ajukduž.
59 žata qaž in swnagoge laisjands in Kafarnaum.
60 žanuh managai gahausjandans žize siponje is qežun: hardu ist žata waurd, hwas mag žis hausjon?
61 iž witands Iesus in sis silbin žatei birodidedun žata žai siponjos is, qaž du im: žata izwis gamarzeiž?
62 jabai nu gasaihwiž sunu mans ussteigan, žadei was fauržis?
63 ahma ist saei liban taujiž, žata leik ni boteiž waiht. žo waurda žoei ik rodida izwis, ahma ist jah libains ist,
64 akei sind izwara sumai, žaiei ni galaubjand. wissuh žan us frumistja Iesus hwarjai sind žai ni galaubjandans, jah hwas ist saei galeiweiž ina.
65 jah qaž: duže qaž izwis žatei ni ainshun mag qiman at mis, nibai ist atgiban imma fram attin meinamma.
66 uzuh žamma mela managai galižun siponje is ibukai jah žanaseižs miž imma ni iddjedun.
67 žaruh qaž Iesus du žaim twalibim: ibai jah jus wileiž galeižan?
68 jah weis galaubidedum jah ufkunžedum žatei žu is Xristus, sunus gudis libandins.
70 andhof im Iesus: niu ik izwis .ib. gawalida jah izwara ains diabaulus ist?
71 qažuh žan žana Iudan Seimonis, Iskariotu, sa auk habaida ina galewjan, ains wisands žize twalibe.

7
1 Jah hwarboda Iesus afar žata in Galeilaia; ni auk wilda in Iudaia gaggan, unte sokidedun ina žai Iudaieis usqiman.
2 wasuh žan newha dulžs Iudaie, so hležrastakeins.
3 žanuh qežun du imma brožrjus is: usleiž žažro jah gagg in Iudaian, ei jah žai siponjos <žeinai> saihwaina waurstwa žeina žoei žu taujis.
4 ni manna auk in analaugnein hwa taujiž jah sokeiž sik uskunžana wisan. jabai žata taujis, bairhtei žuk silban žizai manasedai.
5 ni auk žai brožrjus is galaubidedun imma.
6 žaruh qaž im Iesus: mel mein ni nauh ist, iž mel izwar sinteino ist manwu.
7 ni mag so manasežs fijan izwis, iž mik fijaiž; unte ik weitwodja bi ins žatei waurstwa ize ubila sind.
8 jus galeižiž in dulž žo, iž ik ni nauh galeiža in žo dulž, unte meinata mel ni nauh usfulliž ist.
9 žatuh žan qaž du im wisands in Galeilaia.
10 iž biže galižun žai brožrjus is, žanuh jah is galaiž in žo dulž ni andaugjo, ak swe analaugniba.
11 žanuh Iudaieis sokidedun ina in žizai dulžai jah qežun: hwar ist jains?
12 jah birodeins mikila was in managein: sumaih qežun žatei sunjeins ist; anžarai qežun: ne, ak airzeiž žo managein.
13 nih žan ainshun swežauh balžaba rodida bi ina in agisis Iudaie.
14 iž južan ana midjai dulž usstaig Iesus in alh jah laisida.
15 jah sildaleikidedun manageins qižandans: hwaiwa sa bokos kann unuslaisižs?
16 andhof žan Iesus jah qaž: so meina laiseins nist meina, ak žis sandjandins mik.
17 jabai hwas wili wiljan is taujan, ufkunnaiž bi žo laisein framuh guda sijai, žau iku fram mis silbin rodja.
18 saei fram sis silbin rodeiž, hauhiža seina sokeiž; iž saei sokeiž hauhiža žis sandjandins sik, sah sunjeins ist jah inwindiža in imma nist.
19 niu Moses gaf izwis witož? jah ni ainshun izwara taujiž žata witož; hwa mik sokeiž usqiman?
20 andhof so managei jah qežun: unhulžon habais; hwas žuk sokeiž usqiman?
21 andhof Iesus jah qaž du im: ain waurstw gatawida, jah allai sildaleikeiž.
22 dužže Moses atgaf izwis bimait, ni žatei fram Mose sijai, ak us attam, jah in sabbato bimaitiž mannan.
23 jabai bimait nimiž manna in sabbato, ei ni gatairaidau witož žata Mosezis; iž mis hatizož, unte allana mannan hailana gatawida in sabbato?
24 ni stojaiž bi siunai, ak žo garaihton staua stojaiž.
25 qežunuh žan sumai žize Iairusaulwmeite: niu sa ist žammei sokjand usqiman?
26 jah sai, andaugiba rodeiž jah waiht du imma ni qižand; ibai aufto bi sunjai ufkunžedun žai reiks žatei sa ist bi sunjai Xristus?
27 akei žana kunnum, hwažro ist; iž Xristus, biže qimiž, ni manna wait hwažro ist.
28 hropida žan in alh laisjands Iesus jah qižands: jah mik kunnuž jah wituž hwažro im; jah af mis silbin ni qam, ak ist sunjeins saei sandida mik, žanei jus ni kunnuž.
29 iž ik kann ina, unte fram imma im, jah is mik insandida.
30 sokidedun žan ina gafahan, jah ni ainshun uslagida ana ina handu, unte nauhžanuh ni atiddja hweila is.
31 iž managai žizos manageins galaubidedun imma jah qežun: Xristus, žan qimiž, ibai [ei] managizeins taiknins taujai žaimei sa tawida?
32 hausidedun žan Fareisaieis žo managein birodjandein bi ina žata. inuhsandidedun andbahtans žai Fareisaieis jah žai auhumistans gudjans, ei gafaifaheina ina.
33 žanuh qaž Iesus: nauh leitila hweila miž izwis im, jah žan gagga du žamma sandjandin mik.
34 sokeiž mik jah ni bigitiž, jah žarei im ik, jus ni maguž qiman.
35 žaruh qežun žai Iudaieis du sis misso: hwadre sa skuli gaggan, žei weis ni bigitaima ina? nibai in distahein žiudo skuli gaggan, jah laisjan žiudos?
36 hwa sijai žata waurd, žatei qaž: sokeiž mik jah ni bigitiž, jah žarei im ik, jus ni maguž qiman?
37 iž in spedistin daga žamma mikilin dulžais stož Iesus jah hropida qižands: jabai hwana žaursjai, gaggai du mis jah driggkai.
38 saei galaubeiž du mis, swaswe qaž gameleins ahwos us wambai is rinnand watins libandins.
39 žatuh žan qaž bi ahman žanei skuldedun niman žai galaubjandans du imma, unte ni nauhžanuh was ahma sa weiha ana im, unte Iesus nauhžanuh ni hauhižs was.
40 managai žan žizos manageins hausjandans žize waurde qežun: sa ist bi sunjai sa praufetes.
41 sumaih qežun: sa ist Xristus. sumaih qežun: ibai žau us Galeilaia Xristus qimiž?
42 niu gameleins qaž žatei us fraiwa Daweidis jah us Bežlaihaim weihsa, žarei was Daweid, Xristus qimiž?
43 žanuh missaqiss in žizai managein warž bi ina.
44 sumaih žan ize wildedun fahan ina; akei ni ainshun uslagida ana ina handuns.
45 galižun žan žai andbahtos du žaim auhumistam gudjam jah Fareisaium; žaruh qežun du im jainai: duhwe ni attauhuž ina?
46 andhofun žai andbahtos: ni hwanhun aiw rodida manna, swaswe sa manna.
47 andhofun žan im žai Fareisaieis: ibai jah jus afairzidai sijuž?
48 sai, jau ainshun žize reike galaubidedi imma aižžau Fareisaie?
49 alja so managei, žaiei ni kunnun witož, fraqižanai sind.
50 qaž Nikaudemus du im, saei atiddja du imma in naht, sums wisands izei:
51 ibai witož unsar stojiž mannan, nibai fauržis hauseiž fram imma jah ufkunnaiž hwa taujai?
52 andhofun jah qežun du imma: ibai jah žu us Galeilaia is? ussokei jah saihw žatei praufetus us Galeilaia ni urreisiž.

8
12 Aftra du im Iesus rodida qažuh: ik im liuhaž manasedais; saei laisteiž mik ni gaggiž in riqiza, ak habaiž liuhaž libainais.
13 žanuh qežun du imma žai Fareisaieis: žu bi žuk silban weitwodeis; so weitwodiža žeina nist sunjeina.
14 andhof Iesus jah qaž du im: jah jabai ik weitwodja bi mik silban, sunja ist so weitwodiža meina, unte wait hwažro qam jah hwaž galeiža, iž jus ni wituž hwažro qima, aižžau hwaž galeiža.
15 jus bi leika stojiž, iž ik ni stoja ainnohun.
16 jaž-žan jabai stoja ik, staua meina sunjeina ist, unte ains ni im, ak ik jah saei sandida mik atta.
17 jah žan in witoda izwaramma gameliž ist žatei twaddje manne weitwodiža sunja ist.
18 ik im saei weitwodja bi mik silban, jah weitwodeiž bi mik saei sandida mik atta.
19 qežun žan du imma: hwar ist sa atta žeins? andhof Iesus: ni mik kunnuž nih attan meinana; iž mik kunžedeiž, jah žau attan meinana kunžedeiž.
20 žo waurda rodida in gazaufwlakio, laisjands in alh; jah ainshun ni faifah ina, unte nauhžanuh ni qam hweila is.
21 žanuh qaž aftra du im Iesus: ik galeiža, jah sokeiž mik, jah in frawaurhtai izwarai gadaužniž. žadei ik gagga, jus ni maguž qiman.
22 qežun žan Iudaieis: nibai usqimai sis silbin, ei qižiž: žadei ik gagga, jus ni maguž qiman?
23 jah qaž du im Iesus: jus us žaim dalažro sijuž, iž ik us žaim iupažro im; jus us žamma fairhwau sijuž, iž ik ni im us žamma fairhwau.
24 qaž nu izwis žatei gadaužniž in frawaurhtim izwaraim.
25 žaruh qežun du imma: žu hwas is? jah qaž du im Iesus: anastodeins, žatei jah rodja du izwis.
26 manag skal bi izwis rodjan jah stojan; akei saei sandida mik sunjeins ist; jah ik žatei hausida at imma žata rodja in žamma fairhwau.
27 ni frožun žatei attan im qaž.
28 qažuh žan du im Iesus: žan ushauheiž žana sunu mans, žanuh ufkunnaiž žatei ik im, jah af mis silbin tauja ni waiht, ak swaswe laisida mik atta meins, žata rodja.
29 jah saei sandida mik miž mis ist; ni bilaiž mis ainamma atta, unte ik žatei leikaiž imma tauja sinteino.
30 žata imma rodjandin managai galaubidedun imma.
31 žanuh qaž Iesus du žaim galaubjandam sis Iudaium: jabai jus gastandiž in waurda meinamma, bi sunjai siponjos meinai sijuž,
32 jah ufkunnaiž sunja, jah so sunja frijans izwis briggiž.
33 andhofun imma: fraiw Abrahamis sijum jah ni mannhun skalkinodedum aiw hwanhun; hwaiwa žu qižis žatei frijai wairžiž?
34 andhof im Iesus: amen amen, qiža izwis žatei hwazuh saei taujiž frawaurht, skalks ist frawaurhtai.
35 sah žan skalks ni wisiž in garda du aiwa, sunus wisiž du aiwa.
36 jabai nu sunus izwis frijans briggiž, bi sunjai frijai sijuž.
37 wait žatei fraiw Abrahamis sijuž; akei sokeiž mis usqiman, unte waurd mein ni gamot in izwis.
38 ik žatei gasahw at attin meinamma rodja, jah jus žatei hausideduž fram attin izwaramma taujiž.
39 andhofun jah qežun du imma: atta unsar Abraham ist. qaž im Iesus: iž barna Abrahamis weseiž, waurstwa Abrahamis tawidedeiž.
40 iž nu sokeiž mik usqiman, mannan izei sunja izwis rodida, žoei hausida fram guda; žatuh Abraham ni tawida.
41 jus taujiž toja attins izwaris. žanuh qežun imma: weis us horinassau ni sijum gabauranai; ainana attan aigum, guž.
42 qaž du im Iesus: jabai guž atta izwar wesi, friodedeiž žau mik, unte ik fram guda urrann jah qam; nih žan auk fram mis silbin ni qam, ak is mik insandida.
43 duhwe mažlein meina ni kunnuž? unte ni maguž hausjan waurd mein.
44 jus us attin diabaulau sijuž jah lustuns žis attins izwaris wileiž taujan. jains manamauržrja was fram frumistja jah in sunjai ni gastož; unte nist sunja in imma. žan rodeiž liugn, us žeinaim rodeiž, unte liugnja ist jah atta is.
45 iž ik, žatei sunja rodida, ni galaubeiž mis.
46 hwas izwara gasakiž mik bi frawaurht? žande sunja qiža, duhwe ni galaubeiž mis?
47 sa wisands us guda waurda gudis hauseiž; duže jus ni hauseiž, unte us guda ni sijuž.
48 andhofun žan žai Iudaieis jah qežun du imma: niu waila qižam weis žatei Samareites is žu jah unhulžon habais?
49 andhof Iesus: ik unhulžon ni haba, ak swera attan meinana, jah jus unsweraiž mik.
50 ik ni sokja hauhein meina; ist saei sokeiž jah stojiž.
51 amen amen qiža izwis: jabai hwas waurd mein fastaiž, daužu ni gasaihwiž aiwa dage.
52 žanuh qežun du imma žai Iudaieis: nu ufkunžedum žatei unhulžon habais. Abraham gadaužnoda jah praufeteis, jah žu qižis: jabai hwas mein waurd fastai, ni kausjai daužau aiwa dage.
53 ibai žu maiza is attin unsaramma Abrahama, saei gadaužnoda? jah praufeteis gadaužnodedun. hwana žuk silban taujis žu?
54 andhof Iesus: jabai ik hauhja mik silban, so hauheins meina ni waihts ist; ist atta meins saei hauheiž mik, žanei jus qižiž žatei guž unsar ist.
55 jah ni kunnuž ina; iž ik kann ina; jah jabai qežjau žatei ni kunnjau ina, sijau galeiks izwis liugnja; ak kann ina jah waurd is fasta.
56 Abraham atta izwar sifaida ei gasehwi dag meinana, jah gasahw jah faginoda.
57 žanuh qežun žai Iudaieis du imma: fimf tiguns jere nauh ni habais jah Abraham sahwt?
58 qaž im Iesus: amen amen qiža izwis: fauržizei Abraham waurži, im ik.
59 žanuh nemun stainans, ei waurpeina ana ina; iž Iesus žan gafalh sik jah usiddja us alh usleižands žairh midjans ins, jah hwarboda swa.

9
1 Jah žairhgaggands gaumida mann blindamma us gabauržai.
2 žaruh frehun ina siponjos is qižandans: rabbei, hwas frawaurhta, sau žau fadrein is, ei blinds gabaurans warž?
3 andhof Iesus: nih sa frawaurhta nih fadrein is, ak ei bairhta wauržeina waurstwa gudis ana imma.
4 ik skal waurkjan waurstwa žis sandjandins mik, unte dags ist; qimiž nahts žanei ni manna mag waurkjan.
5 žan in žamma fairhwau im, liuhaž im žis fairhwaus.
6 žata qižands gaspaiw dalaž, jah gawaurhta fani us žamma spaiskuldra, jah gasmait imma ana augona žata fani žamma blindin,
7 jah qaž du imma: gagg žwahan in swumsl Siloamis, žatei gaskeirjada insandižs galaiž jah afžwoh jah qam saihwands.
8 žanuh garaznans jah žai saihwandans ina fauržis, žatei is bidagwa was, qežun: niu sa ist saei sat aihtronds?
9 sumaih qežun: žatei sa ist; sumaih žatei galeiks žamma ist; iž is qaž: žatei ik im.
10 žanuh qežun du imma: hwaiwa usluknodedun žus žo augona?
11 andhof jains jah qaž: manna haitans Iesus fani gawaurhta jah bismait mis augona jah qaž mis: gagg afžwahan in žata swumfsl Siloamis; iž ik galaiž jah bižwahands ussahw.
12 qežun žan du imma: hwar ist sa? iž is qaž: ni wait.
13 gatiuhand ina du Fareisaium, žana saei was blinds.
14 wasuh žan sabbato, žan žata fani gawaurhta Iesus jah uslauk imma augona.
15 aftra žan frehun ina jah žai Fareisaieis hwaiwa ussahw; iž is qaž jah žaim: fani galagida mis ana augona jah afžwoh, jah saihwa.
16 qežun žan sumai žize Fareisaie: sa manna nist fram guda, žande sabbate daga ni witaiž. sumaih qežun: hwaiwa mag manna frawaurhts swaleikos taiknins taujan? jah missaqiss warž miž im.
17 qežunuh du žamma fauržis blindin aftra: žu hwa qižis bi žana ei uslauk žus augona? iž is qažuh: žatei praufetus ist.
18 ni galaubidedun žan Iudaieis bi ina žatei is blinds wesi jah ussehwi, unte atwopidedun žans fadrein is, žis ussaihwandins.
19 jah frehun ins qižandans: sau ist sa sunus izwar žanei jus qižiž žatei blinds gabaurans waurži? hwaiwa nu saihwiž?
20 andhofun žan im žai fadrein is jah qežun: witum žatei sa ist sunus unsar, jah žatei blinds gabaurans warž;
21 iž hwaiwa nu saihwiž ni witum, aižžau hwas uslauk imma žo augona weis ni witum; silba uswahsans ist, ina fraihniž, silba bi sik rodjai.
22 žata qežun žai fadrein is, unte ohtedun sis Iudaiuns; južan auk gaqežun sis Iudaieis, ei, jabai hwas ina andhaihaiti Xristu, utana swnagogais wairžai.
23 duhže žai berusjos is qežun žatei uswahsans ist, silban fraihniž.
24 atwopidedun žan anžaramma sinža žana mannan saei was blinds, jah qežun du imma: gif hauhein guda! weis witum žatei sa manna frawaurhts ist.
25 žanuh andhof jains: jabai frawaurhts ist, ik ni wait; žait-ain wait ei blinds was, iž nu saiwha.
26 žanuh qežun aftra: hwa gatawida žus? hwaiwa uslauk žus augona?
27 andhof im: qaž izwis ju jah ni hausideduž; hwa aftra wileiž hausjan? ibai jah jus wileiž žamma siponjos wairžan?
28 žanuh lailoun imma jah qežun: žu is siponeis žamma, iž weis Mose siponjos sijum.
29 weis witum žatei du Mose rodida guž, iž žana ni kunnum, hwažro ist.
30 andhof sa manna jah qaž du im: auk in žamma sildaleik ist, žatei jus ni wituž hwažro ist, jah uslauk mis augona.
31 witumuh žatei guž frawaurhtaim ni andhauseiž ak jabai hwas gudblostreis ist jah wiljan is taujiž, žamma hauseiž.
32 fram aiwa ni gahausiž was žatei uslukiž hwas augona blindamma gabauranamma.
33 nih wesi sa fram guda, ni mahtedi taujan ni waiht.
34 andhofun jah qežun du imma: in frawaurhtim žu gabaurans warst alls jah žu laisis unsis? jah uswaurpun imma ut.
35 hausida Iesus žatei uswaurpun imma ut, jah bigat ina qažuh du imma; žu ga-u-laubeis du sunau gudis?
36 andhof jains jah qaž: an hwas ist, frauja, ei galaubjau du imma?
37 qaž žan imma Iesus: jah gasahwt ina jah saei rodeiž miž žus, sa ist.
38 iž is qažuh: galaubja, frauja; jah inwait ina.
39 jah qaž Iesus: du stauai ik in žamma fairhwau qam, ei žai unsaihwandans saihwaina jah žai saihwandans blindai wairžaina.
40 jah hausidedun žize Fareisaie sumai žata, žai wisandans miž imma, jah qežun du imma: ibai jah weis blindai sijum?
41 qaž im Iesus: iž blindai weseiž, ni žau habaidedeiž frawaurhtais; iž nu qižiž žatei gasaihwam; ižan frawaurhts izwara žairhwisiž.

10
1 Amen amen qiža izwis, saei inn ni atgaggiž žairh daur in gardan lambe, ak steigiž aljažro, sah hliftus ist jah waidedja.
2 iž sa inngaggands žairh daur hairdeis ist lambe.
3 žammuh daurawards uslukiž, jah žo lamba stibnai is hausjand, jah žo swesona lamba haitiž bi namin jah ustiuhiž žo.
4 jah žan žo swesona ustiuhiž, faura im gaggiž, jah žo lamba ina laistjand, unte kunnun stibna is.
5 iž framažjana ni laistjand, ak žliuhand faura imma, unte ni kunnun žize framažjane stibna.
6 žo gajukon qaž im Iesus: iž jainai ni frožun hwa was, žatei rodida du im.
7 žanuh qaž aftra du im Iesus: amen qiža izwis žatei ik im daur žize lambe.
8 allai swa managai swe qemun, žiubos sind jah waidedjans; ak ni hausidedun im žo lamba.
9 ik im žata daur. žairh mik jabai hwas inngaggiž, ganisiž, jah inngaggiž jah utgaggiž jah winja bigitiž.
10 žiubs ni qimiž, nibai ei stilai jah ufsneižai jah fraqistjai; iž ik qam, ei libain aigeina jah managizo aigeina.
11 ik im hairdeis gods. hairdeis sa goda saiwala seina lagjiž faur lamba.
12 iž asneis jah saei nist hairdeis, žizei ni sind lamba swesa, gasaihwiž wulf qimandan jah bileižiž žaim lambam jah žliuhiž, jah sa wulfs frawilwiž žo jah distahjiž žo lamba.
13 iž sa asneis afžliuhiž, unte asneis ist jah ni kar-ist ina žize lambe.
14 ik im hairdeis sa goda jah kann meina jah kunnun mik žo meina,
15 swaswe kann mik atta jah ik kann attan, jah saiwala meina lagja faur žo lamba.
16 jah anžara lamba aih žoei ni sind žis awistris, jah žo skal briggan, jah stibnos meinaizos hausjand, jah wairžand ain aweži, ains hairdeis.
17 duhže atta mik frijož, unte ik lagja saiwala meina, ei aftra nimau žo.
18 ni hwashun nimiž žo af mis silbin; waldufni haba aflagjan žo, jah waldufni haba aftra niman žo. žo anabusn nam at attin meinamma.
19 žanuh missaqiss aftra warž miž Iudaium in žize waurde.
20 qežunuh managai ize: unhulžon habaiž jah dwalmož; hwa žamma hauseiž?
21 sumaih qežun: žo waurda ni sind unhulžon habandins; ibai mag unhulžo blindaim augona uslukan?
22 warž žan inniujiža in Iairusaulwmai, jah wintrus was.
23 jah hwarboda Iesus in alh in ubizwai Saulaumonis.
24 žanuh birunnun ina Iudaieis jah qežun du imma: und hwa saiwala unsara hahis? jabai žu sijais Xristus, qiž unsis andaugiba.
25 andhof Iesus: qaž izwis, jah ni galaubeiž; waurstwa žoei ik tauja in namin attins meinis, žo weitwodjand bi mik;
26 akei jus ni galaubeiž, unte ni sijuž lambe meinaize, swaswe qaž izwis.
27 lamba meina stibnai meinai hausjand, jah ik kann žo, jah laistjand mik.
28 jah ik libain aiweinon giba im, jah ni fraqistnand aiw; jah ni frawilwiž hwashun žo us handau meinai.
29 atta meins žatei fragaf mis, maizo allaim ist, jah ni aiw ainshun mag frawilwan žo us handau attins meinis.
30 ik jah atta meins ain siju.
31 nemun aftra stainans žai Iudaieis, ei waurpeina ana ina.
32 andhof im Iesus: managa goda waurstwa ataugida izwis us attin meinamma, in hwarjis žize waurstwe staineiž mik?
33 andhofun imma žai Iudaieis: in godis waurstwis ni stainjam žuk, ak in wajamereins, jah žatei žu manna wisands taujis žuk silban du guda.
34 andhof im Iesus: niu ist gameiliž in witoda izwaramma: ik qaž, guda sijuž?
35 jabai jainans qaž guda, du žaimei waurd gudis warž, jah ni maht ist gatairan žata gamelido;
36 žanei atta gaweihaida jah insandida in žana fairhwu, jus qižiž žatei wajamerjau, unte qaž: sunus gudis im?
37 niba taujau waurstwa attins meinis, ni galaubeiž mis;
38 iž jabai taujau, niba mis galaubjaiž, žaim waurstwam galaubjaiž, ei ufkunnaiž jah galaubjaiž žatei in mis atta jah ik in imma.
39 sokidedun ina aftra gafahan, jah usiddja us handum ize.
40 jah galaiž aftra ufar Iaurdanu in žana stad žarei was Iohannes frumist daupjands, jah salida jainar.
41 jah managai qemun at imma jah qežun žatei Iohannes gatawida taikne ni ainohun; iž allata žatei qaž Iohannes bi žana, sunja was.
42 jah galaubidedun managai du imma jainar.

11
1 Wasuh žan sums siuks, Lazarus af Bežanias, us haimai Marjins jah Maržins, swistrs izos.
2 wasuh žan Marja, soei salboda fraujan balsana jah biswarb fotuns is skufta seinamma, žizozei brožar Lazarus siuks was.
3 insandidedun žan žos swistrjus is du imma qižandeins: frauja, sai, žanei frijos siuks ist.
4 iž is gahausjands qaž: so siukei nist du daužau, ak in hauheinais gudis, ei hauhjaidau sunus gudis žairh žata.
5 frijoduh žan Iesus Maržan jah swistar izos jah Lazaru.
6 swe hausida žatei siuks was, žanuh žan salida in žammei was stada twans dagans.
7 žažroh žan afar žata qaž du siponjam: gaggam in Iudaian aftra.
8 qežun du imma žai siponjos: rabbei, nu sokidedun žuk afwairpan stainam Iudaieis, jah aftra gaggis jaind?
9 andhof Iesus: niu twalif sind hweilos dagis? jabai hwas gaggiž in dag, ni gastiggqiž, unte liuhaž žis fairhwaus gasaihwiž;
10 ažžan jabai hwas gaggiž in naht, gastiggqiž, unte liuhad nist in imma.
11 žo qaž jah afar žata qižiž du im: Lazarus, frijonds unsar, gasaizlep; akei gaggam, ei uswakjau ina.
12 žanuh qežun žai siponjos is: frauja, jabai slepiž, hails wairžiž.
13 qažuh žan Iesus bi daužu is; iž jainai hugidedun žatei is bi slep qeži.
14 žanuh žan qaž du im Iesus swikunžaba: Lazarus gaswalt,
15 jah fagino in izwara, ei galaubjaiž, unte ni was jainar; akei gaggam du imma.
16 žanuh qaž žomas saei haitada Didimus žaim gahlaibam seinaim: gaggam jah weis, ei gaswiltaima miž imma.
17 qimands žan Iesus bigat ina južan fidwor dagans habandan in hlaiwa.
18 wasuh žan Bežania nehwa Iairusaulwmi[a]m, swaswe ana spaurdim fimftaihunim.
19 jah managai Iudaie gaqemun bi Maržan jah Marjan, ei gažrafstidedeina ijos bi žana brožar izo.
20 iž Marža, sunsei hausida žatei Iesus qimiž, wižraļddja ina; iž Marja in garda sat.
21 žanuh qaž Marža du Iesua: frauja, iž weseis her, ni žau gadaužnodedi brožar meins.
22 akei jah nu wait, ei žishwah žei bidjis guž, gibiž žus guž.
23 qaž izai Iesus: usstandiž brožar žeins.
24 qaž du imma Marža: wait žatei usstandiž in usstassai in žamma spedistin daga.
25 qaž žan Iesus: ik im so usstass jah libains; saei galaubeiž du mis, žauh ga-ba-daužniž, libaid;
26 jah hwazuh saei libaiž jah galaubeiž du mis, ni gadaužniž aiw. galaubeis žata?
27 qaž imma: jai, frauja, ik galaubida žatei žu is Xristus, sunus gudis, sa in žana fairhwu qimanda.
28 jah žata qižandei galaiž jah wopida Marjan, swistar seina, žiubjo qižandei: laisareis qam jah haitis žuk.
29 iž jaina, sunsei hausida, urrais sprauto jah iddja du imma.
30 niž-žan nauhžanuh qam Iesus in weihsa, ak was nauhžanuh in žamma stada žarei gamotida imma Marža.
31 Iudaieis žan žai wisandans miž izai in garda žrafstjandans ija, gasaihwandans Marjan žatei sprauto usstož jah ussiddja, iddjedunuh afar izai qižandans žatei gaggiž du hlaiwa, ei greitai jainar.
32 iž Marja, sunsei qam žarei was Iesus, gasaihwandei ina draus imma du fotum qižandei du imma: frauja, iž weiseis her, ni žauh gaswulti meins brožar.
33 žanuh Iesus, sunsei gasahw ija greitandein jah Iudaiuns žaiei qemun miž izai gretandans, inrauhtida ahmin jah inwagida sik silban.
34 jah qaž: hwar lagideduž ina? qežun du imma: frauja, hiri jah saihw.
35 jah tagrida Iesus.
36 žaruh qežun žai Iudaieis: sai, hwaiwa frioda ina.
37 sumai žan ize qežun: niu mahta sa izei uslauk augona žamma blindin gataujan ei jah sa ni gadaužnodedi?
38 žanuh Iesus aftra inrauhtižs in sis silbin gaggiž du žamma hlaiwa. wasuh žan hulundi jah staina ufarlagida was ufaro.
39 qaž Iesus: afnimiž žana stain. qaž du imma swistar žis daužins Marža: frauja, ju fuls ist; fidurdogs auk ist.
40 qaž izai Iesus: niu qaž žus žatei jabai galaubeis, gasaihwis wulžu gudis?
41 ushofun žan žana stain žarei was. iž Iesus uzuhhof augona iup jah qaž: atta, awiliudo žus, unte andhausides mis;
42 jah žan ik wissa žatei sinteino mis andhauseis; akei in manageins žizos bistandandeins qaž, ei galaubjaina žatei žu mik insandides.
43 jah žata qižands stibnai mikilai hropida: Lazaru, hiri ut!
44 jah urrann sa dauža gabundans handuns jah fotuns faskjam, jah wlits is auralja bibundans. qaž du im Iesus: andbindiž ina jah letiž gaggan.
45 žanuh managai žize Judaiei žai qimandans at Marjin jah saihwandans žatei gatawida, galaubidedun imma.
46 sumaiž-žan ize galižun du Fareisaium jah qežun du im žatei gatawida Iesus.
47 galesun žan žai auhumistans gudjans jah žai Fareisaieis . . . .

12
1 . . . . in Bežanijin, žarei was Lazarus sa dauža, žanei urraisida us daužaim Iesus.
2 žaruh gawaurhtedun imma nahtamat jainar, jah Marža andbahtida; iž Lazarus was sums žize anakumbjandane miž imma.
3 iž Marja nam pund balsanis nardaus pistikeinis filugalaubis, jah gasalboda fotuns Iesua, jah biswarb fotuns is skufta seinamma; iž sa gards fulls warž daunais žizos salbonais.
4 qaž žan ains žize sižonje is, Judas Seimonis sa Iskariotes, izei skaftida sik du galewjan ina:
5 duwhe žata balsan ni frabauht was in .t. skatte jah fradailiž wesi žarbam?
6 žatuž-žan qaž, ni žeei ina žize žarbane kara wesi, ak unte žiubs was jah arka habaida jah žata innwaurpano bar.
7 qaž žan Iesus: let ija; in dag gafilhis meinis fastaida žata.
8 iž žans unledans sinteino habaiž miž izwis, iž mik ni sinteino habaiž.
9 fanž žan manageins filu Iudaie žatei Iesus jainar ist, jah qemun, ni in Iesuis ainis, ak ei jah Lazaru saihweina žanei urraisida us daužaim.
10 munaidedunuž-žan auk žai auhumistans gudjans, ei jah Lazarau usqemeina,
11 unte managai in žis garunnun Iudaie jah galaubidedun Iesua.
12 iftumin daga manageins filu sei qam at dulžai, gahausjandans žatei qimiž Iesus in Iairausaulwmai,
13 nemun astans peikabagme, jah urrunnun wižra gamotjan imma, jah hropidedun: osanna, žiužida sa qimanda in namin fraujins, žiudans Israelis.
14 bigat žan Iesus asilu, jah gasat ana ina, swaswe ist gameliž:
15 ni ogs žus, dauhtar Sion, sai, žiudans žeins qimiž sitands ana fulin asilaus.
16 žatuž-žan ni kunžedun siponjos is frumist; ak biže gasweraižs was Iesus, žanuh gamundedun žatei žata was du žamma gameliž, jah žata gatawidedun imma.
17 weitwodida žan so managei, sei was miž imma, žan Lazaru wopida us hlaiwa jah urraisida ina us daužaim.
18 dužže iddjedun gamotjan imma managei, unte hausidedun ei gatawidedi žo taikn.
19 žanuh žai Fareisaieis qežun du sis misso: saihwiž žatei ni boteiž waiht; sai, so manaseds afar imma galaiž.
20 wesunuž-žan sumai žiudo žize urrinnandane, ei inwiteina in žizai dulžai.
21 žai atiddjedun du Filippau, žamma fram Bežsaeida Galeilaie, jah bedun ina qižandans: frauja, wileima Iesu gasaihwan.
22 gaggiž Filippus jah qižiž du Andraiin, jah aftra Andraias jah Filippus qežun du Iesua.
23 iž Iesus andhof im qižands: qam hweila ei sweraidau sunus mans.
24 amen amen qiža izwis: nibai kaurno hwaiteis gadriusando in airža gaswiltiž, silbo ainata aflifniž: iž jabai gaswiltiž, manag akran bairiž.
25 saei frijož saiwala seina, fraqisteiž izai, jah saei fiaiž saiwala seina in žamma fairhwau, in libainai aiweinon bairgiž izai.
26 jabai mis hwas andbahtjai, mik laistjai; jah žarei im ik, žaruh sa andbahts meins wisan habaiž; jah jabai hwas mis andbahteiž, sweraiž ina atta.
27 nu saiwala meina gadrobnoda, jah hwa qižau? atta, nasei mik us žizai hweilai. akei dužže qam in žizai hweilai.
28 atta, hauhei namo žeinata! qam žan stibna us himina: jah hauhida jah aftra hauhja.
29 managei žan sei stož gahausjandei, qežun žeihwon wairžan; sumaih qežun: aggilus du imma rodida.
30 andhof Iesus jah qaž: ni in meina so stibna warž, ak in izwara.
31 nu staua ist žizai manasedai, nu sa reiks žis fairhwaus uswairpada ut.
32 jah ik jabai ushauhjada af airžai, alla atžinsa du mis.
33 žatuž-žan qaž bandwjands hwileikamma daužau skulda gadaužnan.
34 andhof imma so managei: weis hausidedum ana witoda žatei Xristus sijai du aiwa; jah hwaiwa žu qižis žatei skulds ist ushauhjan sa sunus mans? hwas ist sa sunus mans?
35 qaž žan du im Iesus: nauh leitil mel liuhaž in izwis ist. gaggiž žande liuhaž habaiž, ei riqiz izwis ni gafahai; jah saei gaggiž in riqiza, ni wait hwaž gaggiž.
36 žande liuhaž habaiž, galaubeiž du liuhada, ei sunjus liuhadis wairžaiž. žata rodida Iesus, jah galaiž jah gafalh sik faura im.
37 swa filu imma taikne gataujandin in andwairžja ize, ni galaubidedun imma,
38 ei žata waurd Esaeiins praufetaus usfullnodedi žatei qaž: frauja, hwas galaubida hauseinai unsarai? jah arms fraujins hwamma andhuližs warž?
39 dužže ni mahtedun galaubjan; unte aftra qaž Esaeias:
40 gablindida ize augona jah gadaubida ize hairtona, ei ni gaumidedeina augam jah frožeina hairtin, jah gawandidedeina jah ganasidedjau ins.
41 žata qaž Esaeias, žan sahw wulžu is jah rodida bi ina.
42 žanuh žan swežauh jah us žaim reikam managai galaubidedun du imma, akei faura Fareisaium ni andhaihaitun, ei us swnagogein ni uswaurpanai wauržeina.
43 frijodedun auk mais hauhein manniska žau hauhein gudis.
44 iž Iesus hropida jah qaž: saei galaubeiž du mis ni galaubeiž du mis, ak du žamma sandjandin mik.
45 jah saei saihwiž mik, saihwiž žana sandjandan mik.
46 ik linhad in žamma fairhwau qam, ei hwazuh saei galaubjai du mis, in riqiza ni wisai.
47 jah jabai hwas meinaim hausjai waurdam jah galaubjai, ik ni stoja ina; nih žan qam ei stojau manased, ak ei ganasjau manased.
48 saei frakann mis jah ni andnimiž waurda meina, habaid žana stojandan sik. waurd žatei rodida, žata stojiž ina in spedistin daga.
49 unte ik us mis silbin ni rodida, ak saei sandida mik atta, sah mis anabusn atgaf . . . .

13
11 . . . . qaž: ni allai hrainjai sijuž.
12 Bižeh žan usžwoh fotuns ize jah nam wastjos seinos, anakumbjands aftra qaž du im: witudu hwa gatawida izwis?
13 jus wožeid mik: laisareis jah frauja. waila qižiž, im auk.
14 jabai nu usžwoh izwis fotuns, frauja jah laisareis, jah jus skuluž izwis misso žwahan fotuns.
15 du frisahtai auk atgaf izwis, ei swaswe ik gatawida izwis, swa jus taujaiž.
16 amen amen qiža izwis: nist skalks maiza fraujin seinamma, nih apaustaulus maiza žamma sandjandin sik.
17 žande žata wituž, audagai sijuž, jabai taujiž žata.
18 ni bi allans izwis qiža. ik wait hwarjans gawalida; ak ei usfulliž waurži žata gamelido: saei matida miž mis hlaib, ushof ana mik fairzna seina.
19 fram himma qiža izwis, fauržizei waurži, ei biže wairžai, galaubjaiž žatei ik im.
20 amen amen qiža izwis: saei andnimiž žana žanei ik insandja, mik andnimiž; iž saei mik andnimiž, andnimiž žana sandjandan mik.
21 žata qižands Iesus indrobnoda ahmin jah weitwodida jah qaž: amen amen, qiža izwis žatei ains izwara galeweiž mik.
22 žanuh sehwun du sis misso žai siponjos, žagkjandans bi hwarjana qeži.
23 wasuh žan anakumbjands ains žize siponje is in barma Iesuis, žanei frijoda Iesus.
24 bandwiduh žan žamma Seimon Paitrus du fraihnan hwas wesi, bi žanei qaž.
25 anakumbida žan jains swa ana barma Iesuis qažuh imma: frauja, hwas ist?
26 andhof Iesus: sa ist žammei ik ufdaupjands žana hlaif giba. jah ufdaupjands žana hlaif gaf Iudin Seimonis, Skariotau.
27 jah afar žamma hlaiba žan galaiž in jainana Satana. qaž žan du imma Iesus: žatei taujis, tawei sprauto.
28 žatuh žan ainshun ni wissa žize anakumbjandane, duhwe qaž imma.
29 sumai mundedun, ei unte arka habaida Iudas, žatei qeži imma Iesus: bugei žizei žaurbeima du dulžai, aižžau žaim unledam ei hwa gibau.
30 biže andnam žana hlaib jains, suns galaib ut. wasuh žan nahts, žan galaib ut.
31 qaž žan Iesus: nu gasweraids warž sunus mans, jah guž hauhižs ist in imma.
32 jabai nu guž hauhižs ist in imma, jah guž hauheiž ina in sis jah suns hauhida ina.
33 barnilona, nauh leitil mel miž izwis im. sokeiž mik, jah swaswe qaž du Iudaium, ei žadei ik gagga, jus ni maguž qiman, jah izwis qiža nu.
34 anabusn niuja giba izwis, ei frijož izwis misso swe ik frijoda izwis, žei jah jus frijož misso izwis.
35 bi žamma ufkunnand allai, žei meinai siponjos sijuž, jabai friažwa habaid miž izwis misso.
36 žanuh qaž du imma Seimon Paitrus: frauja, hwad gaggis? andhafjands Iesus qaž: žadei ik gagga, ni magt mik nu laistjan; iž biže laisteis.
37 žaruh Paitrus qaž du imma: frauja, duhwe ni mag žuk laistjan nu? saiwala meina faur žuk lagja.
38 andhof Iesus: saiwala žeina faur mik lagjis? amen amen qiža žus, žei hana ni hrukeiž, unte žu mik afaikis kunnan žrim sinžam.

14
1 Ni indrobnai izwar hairto; galaubeiž du guda jah du mis galaubeiž.
2 in garda attins meinis saližwos managos sind; ažžan niba weseina, aižžau qežjau du izwis: gagga manwjan stad izwis.
3 jah žan jabai gagga, manwja izwis stad, aftra qima jah franima izwis du mis silbin, ei žarei im ik, žaruh sijuž jah jus.
4 jah žadei ik gagga kunnuž, jah žana wig kunnuž.
5 žaruh qaž imma Žomas: frauja, ni witum hwaž gaggis, jah hwaiwa magum žana wig kunnan?
6 qaž imma Iesus: ik im sa wigs jah sunja jah libains. ainshun ni qimiž at attin, niba žairh mik.
7 iž kunžedeiž mik, aižžau kunžedeiž jah attan meinana; jah žan fram himma kunnuž ina jah gasaihwiž ina.
8 iž Filippus qažuh du imma: frauja, augei unsis žana attan; žatuh ganah unsis.
9 žaruh qaž imma Iesus: swalaud melis miž izwis was, jah ni ufkunžes mik, Filippu? saei gasahw mik, gasahw attan, jah hwaiwa žu qižis: augei unsis žana attan?
10 niu galaubeis žatei ik in attin jah atta in mis ist ? žo waurda žoei ik rodja izwis, af mis silbin ni rodja, ak atta saei in mis ist, sa taujiž žo waurstwa.
11 Galaubeiž mis žatei ik in attin jah atta in mis; iž jabai , in žize waurstwe galaubeiž mis.
12 amen amen qiža izwis: saei galaubeid mis, žo waurstwa žoei ik tauja, jah is taujiž jah maizona žaim taujiž; unte ik du attin gagga.
13 jah žatei hwa bidjiž in namin meinamma, žata tauja, ei hauhjaidau atta in sunau.
14 jabai hwis bidjiž mik in namin meinamma, ik tauja.
15 jabai mik frijož, anabusnins meinos fastaid.
16 jah ik bidja attan, jah anžarana parakletu gibiž izwis, ei sijai miž izwis du aiwa,
17 ahma sunjos, žanei so manaseižs ni mag niman, unte ni saihwiž ina, nih kann ina; iž jus kunnuž ina, unte is miž izwis wisiž jah in izwis ist.
18 ni leta izwis widuwairnans; qima at izwis.
19 nauh leitil, jah so manaseižs mik ni žanaseižs saihwiž; iž jus saihwiž mik, žatei ik liba, jah jus libaiž.
20 in jainamma daga ufkunnaiž jus žatei ik in attin meinamma jah jus in mis jah ik in izwis.
21 Saei habaid anabusnins meinos jah fastaiž žos, sa ist saei frijož mik: jah žan saei frijož mik, frijoda fram attin meinamma, jah ik frijo ina jah gabairhtja imma mik silban.
22 žaruh qaž imma Iudas, ni sa Iskarjotes: frauja, hwa warž ei unsis munais gabairhtjan žuk silban, iž žizai manasedai ni?
23 andhof Iesus jah qaž du imma: jabai hwas mik frijož, [jah] waurd mein fastaiž, jah atta meins frijož ina, jah du imma galeižos jah saližwos at imma gataujos.
24 iž saei ni frijož mik, žo waurda meina ni fastaiž; jah žata waurd žatei hauseiž nist mein, ak žis sandjandins mik attins.
25 žata rodida izwis at izwis wisands.
26 ažžan sa žarakletus, ahma sa weiha, žanei sandeiž atta in namin meinamma, sa izwis laiseiž allata jah gamaudeiž izwis allis žatei qaž du izwis.
27 gawairži bileiža izwis, gawairži mein giba izwis; ni swaswe so manasežs gibiž, ik giba izwis. ni indrobnaina izwara hairtona nih faurhtjaina.
28 Hausideduž ei ik qaž izwis: galeiža jah qima at izwis; jabai frijodedeiž mik, aižžau jus faginodedeiž ei ik gagga du attin: unte atta meins maiza mis ist.
29 jah nu qaž izwis, fauržizei waurži, ei biže wairžai galaubjaiž.
30 žanaseižs filu ni mažlja miž izwis; qimiž saei žizai manasedai reikinož, jah in mis ni bigitiž waiht.
31 ak ei ufkunnai so manasežs žatei ik frijoda attan meinana, jah swaswe anabaud mis atta, swa tauja. urreisiž, gaggam žažro.

15
1 Ik im weinatriu žata sunjeino, jah atta meins waurstwja ist.
2 all taine in mis unbairandane akran gož, usnimiž ita: jah all akran bairandane, gahraineiž ita, ei managizo akran bairaina.
3 ju jus hrainjai sijuž in žis waurdis žatei rodida du izwis.
4 wisaiž in mis jah ik in izwis. swe sa weinatains ni mag akran bairan af sis silbin, niba ist ana weinatriwa, swah nih jus, niba in mis sijuž.
5 ik im žata weinatriu, iž jus weinatainos; saei wisiž in mis jah ik in imma, sa bairiž akran manag, žatei inuh mik ni maguž taujan ni waiht.
6 niba saei wisiž in mis, uswairpada ut swe weinatains, jah gažaursniž jah galisada, jah in fon galagjand jah inbrannjada.
7 ažžan jabai sijuž in mis, jah waurda meina in izwis sind, žatahwah žei wileiž, bidjiž, jah wairžiž izwis.
8 in žamma hauhižs ist atta meins, ei akran manag bairaiž jah wairžaiž meinai siponjos.
9 swaswe frijoda mik atta, swah ik frijoda izwis; wisaiž in friažwai meinai.
10 jabai anabusnins meinos fastaid, sijuž in friažwai meinai, swaswe ik anabusnins attins meinis fastaida, jah wisa in friažwai is.
11 žata rodida izwis, ei fahežs meina in izwis sijai, jah faheds izwara usfulljaidau.
12 žata ist anabusns meina, ei frijož izwis misso, swaswe ik frijoda izwis.
13 maizein žizai friažwa[i] manna ni habaiž, ei hwas saiwala seina lagjiž faur frijonds seinans.
14 jus frijonds meinai sijuž, jabai taujiž žatei ik anabiuda izwis.
15 žanaseižs izwis ni qiža skalkans; unte skalks ni wait hwa taujiž is frauja, iž ik izwis qaž frijonds, unte all žatei hausida at attin meinamma, gakannida izwis.
16 ni jus mik gawalideduž, ak ik gawalida izwis, ei jus sniwaiž jah akran bairaiž, jah akran izwar du aiwa sijai, ei žatahwah žei bidjaiž attan in namin meinamma, gibiž izwis.
17 žata anabiuda izwis ei frijož izwis misso.
18 jabai so manaseds izwis fijai, kunneiž ei mik fruman izwis fijaida.
19 jabai žis fairhwaus weseiž, aižžau so manaseds swesans frijodedi; ažžan unte us žamma fairhwau ni sijuž, ak ik gawalida izwis us žamma fairhwau, dužže fijaid izwis so manasežs.
20 gamuneiž žis waurdis žatei ik qaž du izwis: nist skalks maiza fraujin seinamma. jabai mik wrekun, jah izwis wrikand; jabai mein waurd fastaidedeina, jah izwar fastaina.
21 ak žata allata taujand izwis in namins meinis, unte ni kunnun žana sandjandan mik.
22 nih qemjau jah rodidedjau du im, frawaurht ni habaidedeina: iž nu inilons ni haband bi frawaurht seina.
23 saei mik fijaiž, jah attan meinana fijaiž.
24 iž žo waurstwa ni gatawidedjau in im žoei anžar ainshun ni gatawida, frawaurht ni habaidedeina; iž nu jah gasehwun mik jah fijaidedun jah mik jah attan meinana.
25 ak ei usfullnodedi waurd žata gamelido in witoda ize: ei fijaidedun mik arwjo.
26 ažžan žan qimiž parakletus žanei ik insandja izwis fram attin, ahman sunjos izei fram attin urrinniž, sa weitwodeiž bi mik.
27 jah žan jus weitwodeiž, unte fram fruma miž mis sijuž.

16
1 Žata rodida izwis, ei ni afmarzjaindau.
2 us gaqumžim dreiband izwis; akei qimiž hweila, ei sahwazuh izei usqimiž izwis, žuggkeiž hunsla saljan guda.
3 jah žata taujand, unte ni ufkunžedun attan nih mik.
4 akei žata rodida izwis, ei biže qimai so hweila ize, gamuneiž žize žatei ik qaž izwis. iž žata izwis fram fruma ni qaž, unte miž izwis was.
5 Iž nu gagga du žamma sandjandin mik, jah ainshun us izwis ni fraihniž mik: hwaž gaggis?
6 akei unte žata rodida izwis, gauriža gadaubida izwar hairto.
7 akei ik sunja izwis qiža: batizo ist izwis ei ik galeižau; unte jabai ik ni galeiža, parakletus ni qimiž at izwis; ažžan jabai gagga, sandja ina du izwis.
8 jah qimands is gasakiž žo manasež bi frawaurht jah bi garaihtiža jah bi staua;
9 bi frawaurht raihtis, [žata] žatei ni galaubjand du mis;
10 iž bi garaihtiža, žatei du attin meinamma gagga, jah ni žanaseižs saihwiž mik;
11 iž bi staua, žatei sa reiks žis fairhwaus afdomižs warž.
12 Nauh ganoh skal qižan izwis, akei ni maguž frabairan nu.
13 iž žan qimiž jains, ahma sunjos, briggiž izwis in allai sunjai; nih žan rodeiž af sis silbin ak swa filu swe hauseiž rodeiž, jah žata anawairžo gateihiž izwis.
14 jains mik hauheiž, unte us meinamma nimiž jah gateihiž izwis.
15 all žatei aih atta, mein ist; duhže qaž žatei us meinamma nimiž jah gateihiž izwis.
16 Leitil nauh jah ni saihwiž mik; jah aftra leitil jah gasaihwiž mik, unte ik gagga du attin.
17 žaruh qežun us žaim siponjam du sis misso: hwa ist žata žatei qižiž unsis: leitil ei ni saihwiž mik, jah aftra leitil jah gasaihwiž mik, jah žatei ik gagga du attin?
18 qežunuh: žata hwa sijai žatei qižiž: leitil, ni witum hwa qižiž.
19 iž Iesus wissuh žatei wildedun ina fraihnan jah qaž im: bi žata sokeiž miž izwis misso žatei qaž: leitil jah ni saihwiž mik, jah aftra leitil jah gasaihwiž mik.
20 amen, amen, qiža izwis žei greitiž jah gaunož jus, iž manasežs faginož; jus saurgandans wairžiž, akei so saurga izwara du fahedai wairžiž.
21 qino, žan bairiž, saurga habaid, unte qam hweila izos; iž biže gabauran ist barn, ni žanaseižs ni gaman žizos aglons faura fahedai, unte gabaurans warž manna in fairhwau.
22 jah žan jus auk nu saurga habaiž, iž aftra saihwa izwis jah faginož izwar hairto, jah žo fahed izwara ni ainshun nimiž af izwis.
23 jah in jainamma daga mik ni fraihniž waihtais. amen amen, qiža izwis žatei žishwah žei bidjiž attan in namin meinamma, gibiž izwis.
24 und hita ni beduž ni waihtais in namin meinamma; bidjaiž jah nimiž, ei fahežs izwara sijai usfullida.
25 žata in gajukom rodida izwis; akei qimiž hweila, žanuh izwis ni žanaseižs in gajukom rodja, ak andaugiba bi attan gateiha izwis.
26 in jainamma daga in namin meinamma bidjiž, jah ni qiža izwis žei ik bidjau attan bi izwis;
27 ak silba atta frijož izwis, unte jus mik frijodeduž jah galaubideduž žatei ik fram guda urrann.
28 uzuhiddja fram attin jah atiddja in žana fairhwu; aftra bileiža žamma fairhwau jah gagga du attin.
29 žaruh qežun žai siponjos is: sai, nu andaugiba rodeis jah gajukono ni ainohun qižis.
30 nu witum ei žu kant alla, jah ni žarft ei žuk hwas fraihnai; bi žamma galaubjam žatei žu fram guda urrant.
31 andhof im Iesus: nu galaubeiž?
32 sai, qimiž hweila jah nu qam, ei distahjada hwarjizuh du seinaim, jah mik ainana bileižiž; jah ni im ains, unte atta miž mis ist.
33 žata rodida izwis, žei in mis gawairži aigeiž. in žamma fairhwau aglons habaid; akei žrafsteiž izwis, ik gajiukaida žana fairhwu.

17
1 Žata rodida Iesus uzuhhof augona seina du himina jah qaž: atta, qam hweila, hauhei žeinana sunu, ei sunus žeins hauhjai žuk;
2 swaswe atgaft imma waldufni allaize leike, ei all žatei atgaft imma, gibai im libain aiweinon.
3 soh žan ist so aiweino libains, ei kunneina žuk ainana sunjana guž jah žanei insandides, Iesu Xristu.
4 ik žuk hauhida ana airžai; waurstw ustauh žatei atgaft mis du waurkjan.
5 jah nu hauhei mik, žu atta, at žus silbin žamma wulžau, žanei habaida at žus, fauržizei sa fairhwus wesi.
6 gabairhtida žeinata namo mannam žanzei atgaft mis us žamma fairhwau. žeinai wesun jah mis atgaft ins, jah žata waurd žeinata gafastaidedun.
7 nu ufkunža ei alla žoei atgaft mis, at žus sind;
8 unte žo waurda žoei atgaft mis, atgaf im, jah eis nemun bi sunjai žatei fram žus urrann, jah galaubidedun žatei žu mik insandides.
9 ik bi ins bidja; ni bi žo manasež bidja, ak bi žans žanzei atgaft mis, unte žeinai sind.
10 jah meina alla žeina sind jah žeina meina, jah hauhižs im in žaim.
11 ni žanaseižs im in žamma fairhwau; iž žai in žamma fairhwau sind, jah ik du žus gaggs. atta weiha, fastai ins in namin žeinamma, žanzei atgaft mis, ei sijains ain swaswe wit.
12 žan was miž im in žamma fairhwau, ik fastaida ins in namin žeinamma. žanzei atgaft mis gafastaida, jah ainshun us im ni fraqistnoda, niba sa sunus fralustais, ei žata gamelido usfulliž waurži.
13 iž nu du žus gagga, jah žata rodja in manasedai, ei habaina fahed meina usfullida in sis.
14 ik atgaf im waurd žeinata; jah so manasežs fijaida ins, unte ni sind us žamma fairhwau, swaswe ik us žamma fairhwau ni im.
15 ni bidja ei usnimais ins us žamma fairhwau, ak ei bairgais im faura žamma unseljin.
16 us žamma fairhwau ni sind, swaswe ik us žamma fairhwau ni im.
17 weihai ins in sunjai; waurd žeinata sunja ist.
18 swaswe mik insandides in manasež, swah ik insandida ins in žo manased.
19 jah fram im ik weiha mik silban, ei sijaina jah eis weihai in sunjai.
20 ažžan ni bi žans bidja ainans, ak bi žans galaubjandans žairh waurda ize du mis,
21 ei allai ain sijaina, swaswe žu, atta, in mis jah ik in žus, ei jah žai in uggkis ain sijaina, ei so manasežs galaubjai žatei žu mik insandides.
22 jah ik wulžu žanei gaft mis, gaf im, ei sijaina ain, swaswe wit ain siju.
23 ik in im jah žu in mis, ei sijaina ustauhanai du ainamma, jah kunnei so manasežs žatei žu mik insandides jah frijodes ins, swaswe mik frijodes.
24 atta, žatei atgaft mis, wiljau ei žarei im ik, jah žai sijaina miž mis, ei saihwaina wulžu meinana žanei gaft mis, unte frijodes mik faur gaskaft fairhwaus.
25 atta garaihta, jah so manasežs žuk ni ufkunža; iž ik žuk kunža. jah žai ufkunžedun žatei žu mik insandides.
26 jah gakannida im namo žeinata jah kannja, ei friažwa žoei frijodes mik, in im sijai jah ik in im.

18
1 Žata qižands Iesus usiddja miž siponjam seinaim ufar rinnon žo Kaidron, žarei was aurtigards, in žanei galaiž Iesus jah siponjos is.
2 wissuh žan jah Iudas sa galewjands ina žana stad, žatei ufta gaļddja Iesus jainar miž siponjam seinaim.
3 iž Iudas nam hansa jah žize gudjane jah Fareisaie andbahtans, iddjuh jaindwairžs miž skeimam jah haizam jah wepnam.
4 iž Iesus witands alla žoei qemun ana ina, usgaggands ut qaž im: hwana sokeiž?
5 andhafjandans imma qežun: Iesu, žana Nazoraiu. žaruh qaž im Iesus: ik im. stožuh žan jah Iudas sa lewjands ina miž im.
6 žaruh swe qaž im žatei ik im, galižun ibukai jah gadrusun dalaž.
7 žažroh žan ins aftra frah: hwana sokeiž? iž eis qežun: Iesu, žana Nazoraiu.
8 andhof Iesus: qaž izwis žatei ik im; jabai nu mik sokeiž, letiž žans gaggan.
9 ei usfullnodedi žata waurd žatei qaž, ei žanzei atgaft mis, ni fraqistida ize ainummehun.
10 iž Seimon Paitrus habands hairu, uslauk ina jah sloh žis auhumistins gudjins skalk jah afmaimait imma auso taihswo; sah žan haitans was namin Malkus.
11 žaruh qaž Iesus du Paitrau: lagei žana hairu in fodr. stikl žanei gaf mis atta, niu drigkau žana?
12 žaruh hansa jah sa žusundifažs jah andbahtos Iudaie undgripun Iesu jah gabundun ina,
13 jah gatauhun ina du Annin frumist; sa was auk swaihra Kajafin, saei was auhumists weiha žis atažnjis.
14 wasuh žan Kajafa, saei garaginoda Iudaium žatei batizo ist ainana mannan fraqistjan faur managein.
15 žaruh laistida Iesu Seimon Paitrus jah anžar siponeis. sah žan siponeis was kunžs žamma gudjin jah mižinngalaiž miž Iesua in rohsn žis gudjins.
16 iž Paitrus stož at daurom uta. žaruh usiddja ut sa siponeis anžar, saei was kunžs žamma gudjin, jah qaž daurawardai jah attauh inn Paitru.
17 žaruh qaž jaina žiwi, so daurawardo, du Paitrau: ibai jah žu žize siponje is žis mans? iž is qaž: ni im.
18 žaruh stožun skalkos jah andbahtos haurja waurkjandans, unte kald was, jah warmidedun sik; jah žan was miž im Paitrus standands jah warmjands sik.
19 iž sa auhumista gudja frah Iesu bi siponjans is jah bi laisein is.
20 andhof imma Iesus: ik andaugjo rodida manasedai; ik sinteino laisida in gaqumžai jah in gudhusa, žarei sinteino Iudaieis gaqimand, jah žiubjo ni rodida waiht.
21 hwis mik fraihnis? fraihn žans hausjandans hwa rodidedjau du im; sai, žai witun žatei qaž ik.
22 iž žata qižandin imma, sums andbahte standands gaf slah lofin Iesua qažuh: swau andhafjis žamma reikistin gudjin?
23 andhof Iesus: jabai ubilaba rodida, weitwodei bi žata ubil, aižžau jabai waila, duhwe mik slahis?
24 žanuh insandida ina Annas gabundanana du Kajafin, žamma maistin gudjin.
25 iž Seimon Paitrus was standands jah warmjands sik. žaruh qežun du imma: niu jah žu žize siponje žis is? iž is afaiaik jah qaž: ne, ni im.
26 qaž sums žize skalke žis maistins gudjins, sah nižjis was žammei afmaimait Paitrus auso: niu žuk sahw ik in aurtigarda miž imma?
27 žaruh aftra afaiaik Paitrus, jah suns hana hrukida.
28 iž eis tauhun Iesu fram Kajafin in praitoriaun. žanuh was maurgins. iž eis ni iddjedun in praitoria, ei ni bisaulnodedeina, ak matidedeina pasxa.
29 žaruh atiddja ut Peilatus du im jah qaž: hwo wrohe bairiž ana žana mannan?
30 andhofun jah qežun du imma: nih wesi sa ubiltojis, ni žau weis atgebeima žus ina.
31 žaruh qaž im Peilatus: nimiž ina jus jah bi witoda izwaramma stojiž ina. iž eis qežunuh du imma Iudaieis: unsis ni skuld ist usqiman manne ainummehun.
32 ei waurd fraujins usfullnodedi, žatei qaž, bandwjands hwileikamma daužau skulda gaswiltan.
33 <žaruh> galaiž in praitauria aftra Peilatus jah wopida Iesu qažuh imma: žu is žiudans Iudaie?
34 andhof Iesus: abu žus silbin žu žata qižis žau anžarai žus qežun bi mik?
35 andhof Peilatus: waitei ik Iudaius im? so žiuda žeina jah gudjans anafulhun žuk mis; hwa gatawides?
36 andhof Iesus: žiudangardi meina nist us žamma fairhwau; iž us žamma fairhwau wesi meina žiudangardi, aižžau andbahtos meinai usdaudidedeina, ei ni galewižs wesjau Iudaium. iž nu žiudangardi meina nist žažro.
37 žaruh qaž imma Peilatus: an nuh žiudans is žu? andhafjands Iesus : žu qižis ei žiudans im ik. ik du žamma gabaurans im jah du žamma qam in žamma fairhwau ei weitwodjau sunjai. hwazuh saei ist sunjos, hauseiž stibnos meinaizos.
38 žanuh qaž imma Peilatus: hwa ist so sunja! jah žata qižands galaiž ut du Iudaium jah qaž im: ik ainohun fairino ni bigita in žamma.
39 iž ist biuhti izwis ei ainana izwis fraletau in pasxa; wileidu nu ei fraletau izwis žana žiudan Iudaie?
40 iž eis hropidedun aftra allai qižandans: ne žana, ak Barabban; sah žan was sa Barabba waidedja.

19
1 Žanuh žan nam Peilatus Iesu jah usblaggw.
2 jah žai gadrauhteis uswundun wipja us žaurnum jah galagidedun imma ana haubid jah wastjai paurpurodai gawasidedun ina,
3 jah qežun: hails žiudans Iudaie! jah gebun imma slahins lofin.
4 atiddja aftra ut Peilatus jah qaž im: sai, attiuha izwis ina ut, ei witeiž žatei in imma ni ainohun fairino bigat.
5 žaruh usiddja ut Iesus bairands žana žaurneinan waip jah žo paurpurodon wastja. jah qaž im: sa ist sa manna.
6 žaruh biže sehwun ina žai maistans gudjans jah andbahtos, hropidedun qižandans: ushramei, ushramei ina! qaž im Peilatus: nimiž ina jus jah hramjiž. iž ik fairina in imma ni bigita.
7 andhofun imma Iudaieis: weis witož aihum, jah bi žamma witoda unsaramma skal gaswiltan, unte sik silban gudis sunu gatawida.
8 biže gahausida Peilatus žata waurd, mais ohta sis.
9 jah galaiž in praitauria aftra jah qaž du Iesua: hwažro is žu? iž Iesus andawaurdi ni gaf imma.
10 žaruh qaž imma Peilatus: du mis ni rodeis? niu waist žatei waldufni aih ushramjan žuk jah waldufni aih fraletan žuk?
11 andhof Iesus: ni aihtedeis waldufnje ainhun ana mik, nih wesi žus atgiban iupažro; duhže sa galewjands mik žus maizein frawaurht habaid.
12 Framuh žamma sokida Peilatus fraletan ina. iž Iudaieis hropidedun qižandans: jabai žana fraletis, ni is frijonds kaisara; sahwazuh izei žiudan sik silban taujiž, andstandiž kaisara.
13 žanuh Peilatus hausjands žize . . . .