Skeireins

1
1 ". . . . saei fražjai aižžau sokjai guž. allai uswandidedun, samana unbrukjai wauržun", jah ju uf daužaus atdrusun stauai.
2 inuh žis qam gamains allaize nasjands, allaize frawaurhtins afhrainjan, ni ibna nih galeiks unsarai garaihtein, ak silba garaihtei wisands, ei, gasaljands sik faur uns hunsl jas-sauž guda, žizos manasedais gawaurhtedi uslunein.
3 žata nu gasaihwands Iohannes, žo sei ustauhana habaida wairžan fram fraujin, garehsn, miž sunjai qaž: "sai, sa ist wižrus gudis, saei afnimiž frawaurht žizos manasedais."
4 mahtedi swežauh jah inu mans leik, waldufnja žataine gudiskamma galausjan allans us diabulaus anamahtai; akei kunnands žatei swaleikamma waldufnja mahtais naužs ustaiknida wesi jan-ni žanaseižs fastaida garaihteins garehns, ak naužai gawaurhtedi manne ganist.
5 jabai auk diabulau fram anastodeinai nih naužjandin, ak uslutondin mannan jah žairh liugn gahwotjandin ufargaggan anabusn-žatuh wesi wižra žata gadob, ei frauja qimands mahtai gudiskai jah waldufuja, žana galausidedi jah naužai du gagudein gawandidedi; nei auk žuhtedi žau in garaihteins gaagwein ufargaggan žo faura ju us anastodeinai garaidon garehsn?
6 gadob nu was mais žans swesamma wiljin ufhausjandans diabulau du ufargaggan anabusn gudis, žanzuh aftra swesamma wiljin gaqissans wairžan nasjandis laiseinai jah frakunnan unselein žis fauržis uslutondins, iž sunjos kunži du aftraanastodeinai žize in guda usmete gasatjan.
7 inuh žis nu jah leik mans andnam, ei laisareis uns wairžai žizos du guda garaihteins; swa auk skulda, du galeikon seinai frodein, jah mans aftra galažon waurdam jah waurstwam jah spilla wairžan aiwaggeljons usmete.
8 iž in žizei nu witodis gaaggwei ni žatain gawandeinai . . . .

2
1 . . . . seinai galaubeinai wairžands ju faur ina balžeiž, in mela raihtis žulainais, leik is afar žulain swikunžaba miž Ioseba usfilhands, gaswikunžjands ei ni afwandida sik in fauramažlje hwotos.
2 inuh žis jah nasjands nauh mižžan anastodjands ustaiknida žana iupa briggandan in žiudangardjai gudis wig, qižands: "amen amen, qiža žus, niba saei gabairada iupažro, ni mag gasaihwan žiudangardja gudis."
3 'iupažro' žan qaž žo weihon jah himinakundon gabaurž anžara žairh žwahl usžulan.
4 žammuh žan ni frož Nekaudemus, in žis ei mižžan frumist hausida fram laisarja, inuh žis qaž: "hwaiwa mahts ist, manna gabairan alžeis wisands?
5 ibai mag in wamba aižeins seinaizos aftra galeižan jaggabairaidau?"
6 sah, unkunnands auk nauh wisands jah ni kunnands biuhti jah žo leikeinon us wambai munands gabaurž, in tweifl atdraus.
7 inuh žis qaž: "hwaiwa mahts ist, manna alžeis wisands gabairan? ibai mag in wamba aižeins seinaizos aftra galeižan jah gabairaidau?"
8 iž nasjands žana anawairžan dom is gasaihwands jah žatei in galaubeinai žeihan habaida, gaskeirjands imma, swe mižžan unkunnandin, qižands: "amen amen, qiža žus, niba saei gabairada us watin jah ahmin, ni mag inngaleižan in žiudangardja gudis."
9 naudižaurfts auk was jah gadob wistai du garehsn daupeinais andniman, at raihtis mann us missaleikom wistim ussatidamma, us saiwalai raihtis jah leika, jah anžar žize anasiun wisando, anžaruh žan ahmein - dužže gatemiba and žana žize laist jah twos ganamnida waihts, swesa bajožum du daupeinais garehsnai[s], jah žata raihtis anasiunjo wato jah žana andažahtan ahman, ei raihtis žata gasaihwan . . . .

3
1 ". . . . managa wesun jainar; žaruh qemun jah daupidai wesun.
2 ni nauhžanuh galagižs was in karkarai Iohannes."
3 žatuh žan qižands aiwaggelista ataugida, ei so garehsns bi ina nehwa andja was žairh Herodes birunain.
4 akei faur žata, at bajožum daupjandam jah ainhwažarammeh seina anafilhandam daupein, miž sis misso sik undrunnun sumai, ni kunnandans, hwažar skuldedi maiza.
5 žažroh žan warž sokeins us siponjam Iohannes miž Iudaium bi swiknein"; in žizei ju jah leikis hraineino inmaidižs was sidus jah so bi guž hrainei anabudana was, ni žanaseižs judaiwiskom ufarranneinim jah sinteino daupeinim brukjan usdaudjaina, ak Iohanne hausjandans žamma faurrinnandin aiwaggeljon.
6 wasuh žan jah frauja žo ahmeinon anafilhands daupein; eižan garaihtaba warž bi swiknein sokeins gawagida.
7 unte witož žize unfaurweisane missadede ainaizos witož raidida, azgon kalbons gabrannidaizos utana bibaurgeinais; afaruh žan žo in wato wairpandans hrain jah hwssopon jah wullai raudai ufartrusnjandans, swaswe gadob, žans ufarmiton munandans.
8 iž Iohannes idreigos daupein merida jah missadede aflet žaim ainfalžaba gawandjandam gahaihait; iž frauja at afleta frawaurhte jah fragift weihis ahmins jah fragibands im žatei sunjus žiudangardjos wairžaina.
9 swaei sijai daupeins Iohannes ana midumai twaddje ligandei, ufaržeihandei raihtis witodis hrainein, iž minnizei filaus aiwaggeljons daupeinai; inuh žis bairhtaba uns laiseiž qižands: "ažžan ik in watin izwis daupja, iž sa afar mis gagganda swinžoza mis ist, žizei ik ni im wairžs ei anahneiwands andbindau skaudaraip skohis is; sah žan izwis daupeiž in ahmin weihamma."
10 bi garehsnai nu . . . .

4
1  "So nu fahežs meina usfullnoda. jains skal wahsjan, iž ik minznan."
2 eižan nu siponjam seinaim, žaim bi swiknein du Judaium sokjandam jah qižandam sis: "rabbei, saei was miž žus hindar Jaurdanau, žammei žu weitwodides, sai sa daupeiž, jah allai gaggand du imma" - nauh unkunnandans žo bi nasjand; inuh žis laiseiž ins qižands: "jains skal wahsjan, iž ik minznan."
3 ažžan so bi ina garehsns du leitilamma mela raihtis bruks was jah fauramanwjandei saiwalos žize daupidane fralailot aiwaggeljons mereinai: iž fraujins laiseins anastodjandei af Iudaia jah and allana midjungard gažaih, and hwarjano žeihandei und hita nu, jah aukandei, all manne du gudis kunžja tiuhandei.
4 inuh žis jah skeirs wisandei.
5 mikilduž fraujins wulžaus kannida qižands: "sa iupažro qimands ufaro allaim ist".
6 ni žatei ufaro wisandan sware kannidedi, ak jah swalauda is mikildužais maht insok jah himinakundana jah iupažro qumanana qižands, iž sik airžakundana jah us airžai rodjandan, in žizei wistai manna was: jažže weihs jažže praufetus wisands jag garaihtein weitwodjands, akei us airžai was jah us waurdahai wistai rodjands.
7 iž sa us himina qumana, jabai in leika wisan žuhta, akei ufaro allaim ist, "jah žatei gasahw jag-gahausida žata weitwodeiž, jah žo weitwodida is ni ainshun nimiž".
8 jah žauhjabai us himina an airžai in manne garehsnais qam, akei ni že haldis airžeins was nih us žai rodjands, ak himinakunda anafilhands fulhsnja žoei gasahw jag-gahausida at attin.
9 žo nu insakana wesun fram Iohanne ni in žis žatainei, ei fraujins mikilein gakannidedi, ak du gatarhjan jah gasakan žo afgudon haifst Sabailliaus jah Markaill[i]aus, žaiei ainana anananžidedun qižan attan jah sunu.
10 iž anžar s weiha . . . .

5
1 . . . . ma du attin swerižos, at allamma waurstwe ainaizos anabusnais beidiž.
2 iž žatei raihtis žana frijondan anžaranuhžan žana frijo[n]dan, anžarana taiknjandan anžaranuhžan galeikondan jainis waurstwam - žatuh žan insok kunnands žize anawairžane airzein, ei galaisjaina sik bi žamma twa andwairžja attins jah sunaus andhaitan jah ni mižqižaina.
3 anduh žana laist skeiris brukjands waurdis qaž: "swaswe auk atta urraiseiž daužans jah liban gataujiž, swa jah sunus žanzei wili liban gataujiž", ei swesamma wiljin jah swesai mahtai galeikonds žamma fauržis gaqiujandin daužans, gahaitands žize ungalaubjandane žrasabalžein andbeitands gasoki.
4 "nih žan atta ni stojiž ainohun, ak staua alla atgaf sunau".
5 iž nu ains jah sa sama wesi bi Sabailliaus insahtai, missaleikaim bandwižs namnam, hwaiwa stojan jah ni stojan sa sama mahtedi?
6 ni auk žatainei namne inmaideins twaddje andwairžje anžarleikein bandweiž, ak filaus mais waurstwis ustaikneins, anžarana raihtis ni ainnohun stojandan, ak fragibandan sunau stauos waldufni, jah is andnimands bi attin žo sweriža jah alla staua bi jainis wiljin taujands, "ei allai sweraina sunu, swaswe swerand attan".
7 skulum nu allai weis at swaleikai jah swa bairhtai insahtai guda unbauranamma andsaljan sweriža jah ainabaura sunau gudis guž wisan anakunnan, eižan galaubjandans sweriža ju hwažaramme usgibaima bi wairžidai; unte žata qižano: "ei allai sweraina sunu, swaswe swerand attan", ni ibnon ak galeika sweriža usgiban uns laiseiž.
8 jah silba nasjands bi siponjans bidjands du attin qaž: "ei frijos ins, swaswe frijos mik".
9 ni ibnaleika frijažwa ak galeika žairh žata ustaikneiž.
10 žammuh samin haidau . . . .

6
1 . . . . nands, unswikunžozei warž bi naužai jainis insahts, swe silba is qižiž: "jains skal wahsjan, iž ik minznan," in žizei nu du leitilai hweilai galaubjan Iohanne hausjan žuhtedun, iž afar ni filu ufarmaudein žo bi ina atgebun, eižan waila ins maudeiž qižands: "jains was lukarn brinnando jah liuhtjando, iž jus wildeduž swignjan du hweilai in liuhada is.
2 ažžan ik haba weitwodiža maizein žamma Iohanne; žo auk waurstwa žoei atgaf mis atta, ei ik taujau žo, žo waurstwa žoei ik tauja, weitwodjand bi mik, žatei atta mik insandida."
3 jains auk manniskaim waurdam weitwodjands tweifljan žuhta, sunjeins wisands, žaim unkunnandam mahta; iž attins žairh meina waurstwa weitwodei alla ufar insaht manniskodaus Iohannes unandsok izwis undredan mag kunži.
4 unte hwarjatoh waurde at mannam innuman maht ist anžarleikein inmaidjan, iž žo weihona waurstwa, unandsakana wisandona, gaswikunžjand[ona] žis waurkjandins dom, bairhtaba gabandwjandona žatei fram attin insandižs was us himina.
5 inuh žis qižiž: "jah saei sandida mik atta, sah weitwodeiž bi mik."
6 ažžan missaleiks jah in missaleikaim melam attins bi in[n]a warž weitwodeins, suman žairh praufete waurda, sumanuhžan žairh stibna us himina, sumanuhžan žairh taiknins.
7 iž in žizei žaim swa wauržanam hardizo žizei ungalaubjandane warž hairto, inuh žis garaihtaba anaaiauk qižands: "nih stibna is hwanhun gahausideduž nih siun is gasehwuž, jah waurd is ni habaiž wisando in izwis, žande žanei insandida jains, žammuh jus ni galaubeiž".
8 unte at žaim gahwairbam frakunnan ni skuld ist, iž sumai jah stibna is gahausidedun, sumai žan is siun sehwun: "audagai" auk žan qaž "žai hrainjahairtans, unte žai guž gasaihwand."
9 jah ju žažro swe wadi žairh . . . .

7
1 . . . . ahun kunnandins fraujins maht jah andžaggkjandins sik is waldufneis.
2 nih st ains ak jah Andraias, saei qaž: "ist magula ains her, saei habaiž ·e· hlaibans barizeinans jah twans fiskans", analeiko swe Filippus gasakada, ni waiht mikilis hugjands nih wairžidos laisareis andžaggkjands, žairh žoei usbar qižands: "akei žata hwa ist du swa managaim?"
3 iž frauja andtilonds ize niuklahein qaž: "waurkeiž žans mans anakumbjan."
4 iž eis at hauja managamma wisandin in žamma stada, žo filusna anakumbjan gatawidedun, fimf žusundjos waire inuh qinons jah barna swe at mikilamma nahtamata anakumbjandans at ni wisandin aljai waihtai ufar žans fimf hlaibans jah twans fiskans, žanzei nimands jah awiliudonds gažiužida, jah swa managai ganohjands ins wailawiznai ni žatainei ganauhan žaurftais im fragaf, ak filaus maizo; afar žatei matida so managei, bigitan was žizei hlaibe ·ib· tainjons fullos, žatei aflifnoda.
5 "samaleikoh žan jah andnemun žize fiske, swa filu swe wildedun."
6 nih žan ana žaim hlaibam ainaim seinaizos mahtais filusna ustaiknida, ak jah in žaim fiskam.
7 swa filu auk [swe] gamanwida ins wairžan, swaei ainhwarjammeh, swa filu swe wilda andniman is, gatawida; jah ni in waihtai waninassu žizai filusnai wairžan gatawida, akei nauh us žamma filu mais siponjans fullafahida jah anžarans gamaudida gaumjan, žatei is was sa sama, saei in aužidai ·m· jere attans ize fodida.
8 "žanuh biže sadai wauržun, qaž siponjam seinaim: galisiž žos aflifnandeins drausnos, ei waihtai ni fraqistnai. žanuh galesun jah gafullidedun ·ib· tainjons gabruko us žaim ·e· hlaibam barizeinam jah ·b· fiskam, žatei aflifnoda at žaim . . . .

8
1 ". . . . ainshun uslagida ana na handuns", t weihai auk is mahtai unanasiuniba unselein ize nauh disskaidandein jah ni uslaubjandein faur mel sik gahaban.
2 "aližun žan žai andbahtos du žaim auhumistam gudjam jah Fareisaium.
3 žaruh qežun du im [jai]jainai: duhwe ni attauhuž ina?
4 ndhofun žan žai andbahtos qižandans: žatei ni hwanhun aiw rodida manna swaswe sa manna."
5 soh žan andahafts du gasahtai, maizuh žan du afdomeinai jainaize ungalaubeinai warž.
6 andhofun auk jainaim anahaitandam im, in žizei ni attauhun ina, ni andsitandans jainaize unselein, žize anahaitandane im, ak mais sildaleikjandans fraujins laisein swikunžaba in allaim alamannam faurawisan rahnidedun.
7 iž jainai in unseleins seinaizos balžein ize ni usžulandans miž hatiza andhofun wižra ins qižandans: "ibai jah jus airzidai siuž? sai, jau ainshun žize reike galaubidedi imma aižžau žize Fareisaie, alja so managei, žaiei ni kunnun witož, fraqižanai sind."
8 žoh žan miž baitrein[s] žwairheins rodidedun, in žammei liugandans bigitanda, ei ni ainhun reike aižžau Fareisaie galaubidedi imma, at Neikaudaimau bi garehsnai gudis qimandin at imma in naht jah miž balžein faur sunja insakandin jah qižandin im: "ibai witož unsar stojiž mannan" . . . .
9 . . . . at jainaim qižandam žatei ni ainshun žize reike jah Fareisaiei galaubida, ni fražjandans žatei sa raihtis Fareisaius was jah ragineis Judaie jah ains reike ustaiknižs us žaim fraqižanam was galaubjands fraujin, du gasahtai jainaize unseleins faur ina rodjands.
10 iž eis ni usžulandans žo gasaht andhofun qižandans: "ibai jah žu us Galeilaia is? ussokei jah saihw žatei . . . ."