Bagme Bloma

By J.R.R Tolkien

Brunaim bairiş bairka bogum
laubans liubans liudandei,
gilwagroni, glitmunjandei,
bagme bloma, blauandei,
fagrafahsa, lişulinşi,
fraujinondei fairguni.

Wopjand windos, wagjand lindos,
lutiş limam laikandei;
slaihta, raihta, hweitarinda,
razda rodeiş reirandei,
bandwa bairhta, runa goda,
şiuda meina şiuşjandei.

Andanahti milhmam neipiş,

liuhteiş liuhmam lauhmuni;
laubos liubai fliugand lausai,
tulgus, triggwa, standandei.
Bairka baza beidiş blaika
fraujinondei fairguni.