The tile of Capua

II

išveitule ilucve apirase lethamsul ilucu cuieschu perpri cipen apires racvanies huth zusle rithnaitul tei snuza intehamaithi cuveis cathnis f[a]nir marza inthamaithi tal sacr utus ecunzai itialchu scuvse rithnaitul tei ci zusle acunsiri ci ma nuntheri eth išuma zuslevai apire nuntheri avthleaium vacil ia lethasul nuntheri vacil ia rithnaita eth athene ica perpri celutule apirase unialthi turza eschathce ei išum unialth ara epn icei nunthcu ci iei turzai rith[n]aita ei tva halch apertule a es ilucu vacil zichne elfa rithnaitul traisvanec calus zusleva atu(---)ne inpa vinalth acas a es ci tartiria ci turza rithnaitula snenaziulas travai user hivus nithusc rithnaitula hivus travai user sne[na]ziulas

III

Išveitule ilucve anpilie laruns ilucu hu-ch šanti hušialchu eschathca nulis muluri zile zizri inpa [--]an acasri tiniantule lethamsul ilucu perpri šanti arvus ta aius nuntheri

IV

acalve apertule saluzie lethamsul ilucu perpri šanti ma vilutule itir šver falanthur husilitule velthurt[-- ni]sc lavtun icni seril turza eschathce // pacusnašie thanurari turza eschathce nisc lavtun icni zusle šelace iulese salche icala iei cle[--]ai stizai tei zal rapa zal [t]a[rtir]iac lavtun icni seril turza eschathce lachuth nuntheri [--]ei tu casri lachth turzais eschathce veci[l]thi acas eth zusleva stizai tei acasri pacus[n]ašiethur lathiumiai zusle išicha iei tartiriiai fanusei papthiai ratu cechiniai tei turza eschathce eth [zus]l[e]

V

parthumi ilucve išveitule tinunusse thumsalc ilucu perpri cipen tartiria vac fulinušn[---]v[-] etul ana tinusnal ilucu ituna fulinušnai thenunt eth u[--]