europeano
BREVE NOTA SUPER GIUSEPPE PEANO
(Cuneo,1858-Torino,1932)
AD QUI HOMINE ES DEDICATO NOSTRE SITU
Giuseppe Peano nasce ad Cuneo, precisamente in localitate Tetti Galant, ad Spinetta, quinto filio de uno familia de agricultores.
Peano habe face suo studios elementario et medio ad Cuneo, post vade ad Torino ad studia Mathematica, consequentemente laurea ad viginti due annos in 1880. In 1884 fi habilitato ad libero docentia de Calculo Infinitesimale presso Facultate de Mathematica de Universitate de Torino.
Veni post nominato professore stabile ad Reale Academia de Artilleria et Genio. In anno, 1887, illo habe sposato, dante vita ad unione felice, etiam se non allietato de nascita de filios. Scelse de habita ad Cavoretto, presso Torino, preferente quietudine agreste ad vita urbano, probabilemente ancora legato ad ambiente contadino de qui habe proveni.
In 1890 fi nominato professore de Calculo Infinitesimale sempre ad Torino, cathedra qhe occupa fino ad 1931, anno in qui passa ad cathedra de Mathematica Complementario.
Mori improvisamente ad termino de diurnata de habituale labore, in aprile del 1932, post vita frugale et modesto, que permite de conservare intacto grande intelligentia et operositate usque suo fino ultimo.
Opera mathematica de Peano es characterizato de recerca multo personale et geniale, non conditionato de labore de predecessores et contemporaneos.
Peano face contributiones in numeroso sectore de mathematica, de analise ad logica, de geometria differentiale ad teoria de numeros. Se occupa in particulare de theoria de equationes differentiale, de logica symbolico et de critica suo fundamentos de arithmetica et de geometria.
Ad solo quattuor annos de consequimento de laurea, publica, non ad suo nome, tractato de Calculo Infinitesimale in que reformula definitione de area de superficie de curva, contemporaneamente et indipendentemente de tedesco Schwarz. Plus tarde da definitione de longitudine de arco de curva quo modo extremo superiore de longitudine de poligonales inscripte. Recorda famoso curva de Peano, paradoxale curva que plena quadrato, et memora nos de ideas moderno de fractales. Peano se occupa etiam de logica, contribuente, trans introductione de symbolos usque nunc in uso per tote mathematicos. Peano sustene fortemente idea de costruhe calculo de propositiones simile ad calculo algebraico, in que face reintra omni forma de rationamento mathematico.
Digno de nota es etiam labore volto ambito de theoria de numeros, ubi Peano da definitione axiomatico de classe de numeros integro absoluto partente de tres concepto primitivo de numero, zero, successivo de uno numero et stabilente cinque propositione fundamentale; de isto classe costruhe geneticamente altere classes numerical.
Peano sposa altere theoria suo postulato de congruentia, affirmante que, ad base de equalitate de entitate geometrico, es movimento que determina trasformatione apto ad satisface tale equalitate. Recorda etiam peculiare attentione de Peano per linguistica: illo crea lingua internationale, nominato latino sine flexione, dotato de grammatica plus tosto simplice et de lexico de origine latino.
Peano funda et es directore de "Revue de Mathematique" et "Formulario Mathematico"; et es presidente de Academia pro interlingua.
Es curioso discuperi que Peano, in suo magnanimo idealismo, es in favore de abolitione de votos et examines de profitto, que secundo illo preveni disamore que suo studantes habe per studios, ad qui debe dedica se per puro passione de apprende. Et in vice illo es in favore de examines de concurso.
In futuro nos habe disponibile plus amplio informatione de Giuseppe Peano.
Isto articulo es originalemente publicato per: Liceo Scientifico de Cuneo
|
|
|
"INTERLINGUA
de PEANO"
|
