MAGISTER --- Salvete, pueri; scholam statim incìpimus. Surge, Luci,

                        dic mihi, quid - in fabula Phaedri poetae - lupus

                        exclamavit ?

 LUCIUS --- << Ante hos sex menses maledixisti me ! >>.

 MAGISTER --- Minime vero, puer ! erravisti.

 LUCIUS --- Cur erravi ? Nescio quidem.

 MAGISTER --- Marius tibi respondeat.

 MARIUS --- Quod verbum << maledìcere >> casum dativum rècipit,

                    non accusativum. Ideo lupus dixit: << mihi - non me -

                    maledixisti >>.

                    Nam lupus, quamvis saeva et improba belua esset, tamen

                    pura et recta et emendata vocabula semper usurpabat.

 MAGISTER --- Optime, Mari: nunc diligentissimus discipulus es, postea 

                    homo doctissimus erit et bene eruditus.

                    Saepissime mali et impii homines, dum improbitates et

                    maleficia cogitant, politum et ornatum sermonem usurpant.

 Lupus et agnus ad rivum eundem venerunt: supra bibebat lupus, infra bibebat

 agnus.

 Tunc lupus, improba inedia incitatus, discordiae causam quaesivit.

 -- Cur, dixit, turbulentam mihi, qui bibo, aquam facis ?

 Et làniger timens:

 -- Quòmodo possum, quaeso, facere quod affirmas, lupe ?

 A te ad meam buccam aqua decurrit.

 Repulsus lupus veritatis viribus: -- Ante hos sex menses, exclamavit,

 maledixisti mihi !

 Respondet agnus: -- Tunc quidem natus non eram.

 -- Pater tuus, hercule, maledixit mihi !

 Atque ita pravus et ìmprobus lupus miserum agnum crudeliter còrripit et

 dilaniat.

 Haec fabula illis homìnibus scripta est qui fictis causis infirmos et innoxios

 òpprimunt.