四象星座之特質Main My info Icq-zone Software-zone
Horoscope-zone My Guestbook E-mail to me
四象星座之特質
| 土象星座:擁有地元素o既星座o既人會比較保守同固執,自信心強,對於人際關係、物質以及金錢o既管理非常條理,平平穩穩係佢o地目標。 |
| 水象星座:擁有水元素o既星座o既人,都係著重感情和情緒,佢o地對事物比較敏感,愛憑直覺判斷,感情用事,愛幻想,不切實際,善變,多愁善感,偏向悲觀。 |
| 風象星座:擁有風元素o既星座o既人,o向人際關係同社交能力都比較佔優佢o地聰明、好動,總係唔能夠停落o黎,處事靈活,對於語言同文字o既組織力強,口才了得。 |
| 火象星座:擁有火元素o既星座o既人,為人樂觀,主動積極,佢o地喜歡獨斷獨行,此外,佢o地對事物熱心熱情,衝動,但行事力特強,不愛半途而廢,有剛強o既性格。 |
十二星座之細說
| 白羊座 | 主管星:火星 | 四象性:火 | 代表日:星期二 | 掌管身體:頭部 | 珠寶:紅寶石 |
| 金屬:鐵 | 幸運號碼:5 | 相合星座:1.人馬座,2.處女座,3.巨蟹座 | 愛情吉日:9,18,29 |
| 性格:要面,多說話,衝動,易嬲記仇,冇記性,通通都係佢o地o既缺點;不過佢o地待人熱情,如果你要求佢o地幫你,佢o地係好樂意,但係你一定要記住講多謝,咪佢o地會「記住」你;白羊座o既人愛冒險,且愛食濃味o既食物,尤其係辣o野! |
| 愛情態度:主攻型o既情人,佢o地易戀愛同易失戀;佔有慾強,絕不容許你一腳踏兩船,佢o地係天生工作狂,所以你一定要有心理準備;佢o地o既自私同冇耐性,會係你o地之間o既問題。 |
| 金牛座 | 主管星:金星 | 四象性:土 | 代表日:星期五 | 掌管身體:頸同喉 | 珠寶:翡翠,玉 |
| 金屬:木 | 幸運號碼:6 | 相合星座:1.天秤座,2.天蠍座,3.山羊座 | 愛情吉日:6,15,24 |
| 性格:愛穩定,最大o既打擊就係冇固定工作同收入;佢o地頑固之極,但有耐性;佢o地品味頗高,又愛食,所以較易肥;男o既金牛座有潛在o既大男人主義,o向家中不愛發言,女o既呢愛打扮,因為金牛座o既守護神就係愛與美o既化身─維納斯。 |
| 愛情態度:由於佢o地o既守護星o既關係,一旦戀愛,佢o地o既魅力就發揮無遺,但係佢o地唔輕易投入一份感情,一旦投入,就唔想改變;佔有慾強,往往係佢o地o既情人難以忍受o既一個缺點;年青o既金牛座由於膽怯而唔積極,往往只會暗戀心愛o既人。 |
| 雙子座 | 主管星:水星 | 四象性:風 | 代表日:星期三 | 掌管身體:肩,手,腳 | 珠寶:貓眼石 |
| 金屬:水銀 | 幸運號碼:7 | 相合星座:1.水瓶座,2.金牛座,3.山羊座 | 愛情吉日:5,14,23 |
| 性格:愛變化,善與人溝通;佢o地為人花心,愛新鮮,好奇心強;佢o地最大o既毛病就係做事虎頭蛇尾,往往得三分鐘熱度;朋友係雙子座最重要o既o野;佢o地成日口唔停,手唔停,冇時定,而且每事問;講電話同學事非係雙子座o的人o既樂趣。 |
| 愛情態度:雙子座o的人o向愛情上往往愛做主動,不過佢o地好易將愛情同友情混淆一齊;一旦開始戀愛,你會被佢o地o的花言巧語同安排吸引住;佢o地好易對一樣o野生厭,所以最好多變化,俾o的新鮮感佢o地。 |
| 巨蟹座 | 主管星:月亮 | 四象星:水 | 代表日:星期一 | 掌管身體:胃,子官,胸 | 珠寶:珍珠 |
| 金屬:金 | 幸運號碼:2 | 相合星座:1.雙魚座,2.天蠍座,3.巨蟹座 | 愛情吉日:2,11,20 |
| 性格:天生擁有母性本質,充滿愛心;正如佢o地o既標記o既蟹一樣,有堅硬o既外殼,但柔軟o既內心,所以極需要保護;o向十二星座之中,巨蟹座係最堅止到底o既星座,佢o地最喜歡收集東西;大部份巨蟹座o既人最愛o既係海,寵物同廚房。 |
| 愛情態度:感情豐富,純真o既巨蟹座係好重視愛情,佢o地o既人生目標就係建立一個幸福家庭;同佢o地談戀愛,你會被佢o地o既母性打動,不過佢o地有好強o既嫉妒心同佔有慾,佢o地會想你無事無刻o向佢o地身邊,有時真係令人喘不過氣來。 |
| 獅子座 | 主管星:太陽 | 四象星:火 | 代表日:星期日 | 掌管身體:心臟,腎 | 珠寶:琥珀 |
| 金屬:黃金 | 幸運號碼:19 | 相合星座:1.人馬座,2.水瓶座,3.處女座 | 愛情吉日:1,10,19 |
| 性格:處處散發出陽光,熱情,大方同自信;天生擁有領導才能同組織力,不過過份自信則成自大,加上固執,反應誇張,有時令人唔知點應付;佢o地都有脆弱之時,就係當人唔在意佢o地o既睇法個時;佢o地絕唔能忍受平庸;佢o地係最識賺錢,但都係最愛花錢。 |
| 愛情態度:佢o地一旦談起戀愛就會熱情如火,但係一失戀,佢o地就比任何星座都更痛苦,一定要長時間先可以復原;佢o地由於太愛控制自己o既情人,所以造成雙方關係唔平衡;佢o地最愛就係讚美同有突如其來o既驚喜。 |
| 處女座 | 主管星:水星 | 四象性:土 | 代表日:星期三 | 掌管身體:腸,腹 | 珠寶:藍寶石 |
| 金屬:水銀 | 幸運號碼:7 | 相合星座:1.金牛座,2.巨蟹座,3.獅子座 | 愛情吉日:5,14,23 |
| 性格:樣樣追求完美,挑剔,神經質,吹毛求疵正係佢o地o既特性;大部份處女座o既人都好謙虛,踏實勤力而唔膚淺;佢o地o既人際關係認真麻麻,組織力差,冇信心,愛擔憂同悲觀;佢o地好鍾意忙,為人服務係佢o地人生目標。 |
| 愛情態度:害羞,妄自菲薄,完美,挑剔o既性格令佢o地對感情好含蓄,對於愛情佢o地會三思而行;佢o地最憎係對佢o地唔坦白,所以你一定唔可以俾佢o地知你講大話;佢o地最唔鍾意人駛錢冇節制同唔實際,咁樣你o向佢o地面前就千祈唔好大駛喇。 |
本 page o既 logo