Parrocchia san Nicolò vescovo

Le acque potabili esistenti vicino a Ortueri sono di tutta bontà, eccettuata quella piuttosto calcarea detta " Su zurumu " (spagn. "la zurumba", gobba, a causa della prominenza del terreno in cui è posta la fonte).

E' pure buona l'acqua della fonte dei Barbaricini.

Le sorgenti incanalate nel recente acquedotto sono: Furca de s'edera, Istezzi, Campu Maggiore e Suele (spagnolo "suelo ", cioè fontana del "territorio" presso l'abitato).

A setteghentos metros de artesa, in sa cussorgia de Mui Muscas du hada una pariga de funtanas de abba ‘ona. In fundu a su Parcu, indunu campizzinu, agataus sa funtana de Laccheddu de Adraule lumenada po s’abbundanza chi tenede, ca no si siccada mancu in s’istade. Calando a bidda, du est sa funtana de Campu Magiore: est connotta cumente sa mengius chi teneus. In s’antigoriu sa gente andaiada a nde oddie, ca a su chi nanta sanaiada sa malaria. A pagu trettu de cussa funtana du est Su Accu ‘e su Crecu chi calada a fili fili:
nd’essit da una rocca de perda dura

chi li faghet pius bonu su sapore:

est preziosa in tempus de calura

ca dispensat salude e bonumore.

Andando prus a giosso agataus su Zurru de Errilighe: un’abba ‘ona chi no est de mancu de is atteras. A innanti de su Parcu de Mui Muscas du hada una funtana lumenada, Salasi inue Ortueri allacanada a Neuneli, ma po chi no siat sa nosta, noso calaus a fura, indunu istruvinzu, friscu, e nde oddeus tottu su chi chereusu, torrando grazias ai neunelesos.

Battero funtanas e unu Zurru: una est sa Funtana de s’Accargiu, budanziosa in tottus is tempos de s’annu; s’attera poi est su Zurru ‘e Crocai chi est lumenada po essede sa menzusu de sa zona; Ghenna ‘e Nughe, S’Iscala e Mauros funti bonas e friscas chi faente prascere a nde buffae e bene a sa salude.

Tottus custas funtanas, funti palas a sole, nd’essinti de unu pedriargiu, in mesu de i suergios.

Sighindo su giru de is funtanas de abba ‘ona, apresu de Su Zurru de Crocai, aggattausu Sa funtana ‘e Murtas chi ‘nd’essidi de una pala pagu soliana.

Torrando conca a bidda, a pes de Trigu Lacorongiu, aggattausu Sa Funtana de Franchiscangelu: nd’esside de un’orrocca de granitu, budanziosa, ma no est ligera cumente sa Funtana ‘e Murtas.

In su fundu de is cungiaoso de Ascusu, in s’atza de s’orrosciale, du est Su Zurru de Caligheinu: est un’abba prus che bona, forzis sa menzus de S’Artu ‘e Giosso, a costau de Sa Tanca de is S’Olias, chi in su passau is massascioso andanta ande buffae e ande oddie a frascos, in tempus de messongiu e de innenna.

Andando a innanti agattausu atteras funtanas: Tratieri, Funtana ‘ona, Laddos de Oggastra e poi prus a giosso, a sa fine de is bingias, du est Sa Funtana de sa Figu Niedda, pagu abbundante, ma frisca e ligera prus de is atteras.

Atteras funtanas de abba ‘ona: Su Ciurru de filighes Crebinos in sa zona de Isforadas, Is Alinos in Peales, Sa Cheressia, Orroaiciulu, Ghentine de Usache, Sa Frissa e i Sa Menta, anzi duas apresu ‘e pare, in terrenu de Sorgono, ma de propriedade de ortueresos, a manu eretta in su stradone, funti menzus de is atteras chi hausu lumenau prima. In Sartu ‘e Sciosso agattaus: Pisiera, Erriu ‘e Fenugu, S’Appiu, Bau Ebbas e Su Ciurru ‘e Su Calavrigheddu, Cannas, Ziu Lisone, Su Illostre e Costa ‘e Molas. A sutta de sa ‘idda: Zuzurumu, Prochiles, Brabarighinos, Pranu ‘e Pontes e Masongiu ‘e Nie e a parte de sciosso, in s’istradone, sa Funtanedda de Sa Mela, abbundante e frisca tottu s’annu. Sa bona parte de custas funtanas, in custos annos passaos, da santa criccadas e postas a postu cun is vascas a fiancu e denanti.

Ortueri si podede narrede fotunau po tottu custas funtanas chi mudanta su logu e faente bene a sa salude.

Ninnicu Onali