Gereint fab Erbin
Llyfr Ddu Caerfyrddin XXII
Llyfr Coch Hergest XV

Rac gereint gelin kyftut. 
y gueleife meirch can crimrut. 
Agwidy gaur garv achlut 

Rac Gereint gelin dihad. 
gueleife meirch crimrut o kad. 
Aguydi gaur garu puyllad. 

Rac gereint gelin ormes. 
gueleif meirch can eucress. 
Aguydi gaurgarv achles. 

En llogborth ygueleife vitheint. 
ageloraur mvy nomeint. 
aguir rut rac ruthir gereint. 

En llogborth ygueleif egiminad. 
guirigrid aguaed am iad. 
rac gereint vaur mab ytad. 

En llogporth gueleife gottoev. 
Aguir nygilint rac gvaev. 
acyved gvin oguydir gloev. 

En llogporth y gueleife arwev 
guiraguyar in dinev. 
agvydi gaur garv atnev.

En llogporth ygueleife. 
y arthur guir deur kymynint adur. 
a meraudur llyw-A iaudir llawr. 

En llogporth y llaf y gereint. 
guir deur o odir diwneint. 
achin rillethid ve llatyffeint. 

Oet re rereint dan vortuid gereit 
garhirion graun guenith. 
Rution ruthir eririon blith. 

Oet rerent dan vortuid gereint. 
garhirio graun aebv. 
Rution ruthir eriron dv. 

Oet re rereint dan mortuid. 
garhirion graun boloch. 
Rution ruthir eriron coch. 

Oet rerereint dan mortuid gereint 
garhirion graun wehin. 
Rution ruthir eririon gvin. 

Oet rerereint dan vortuid gereint. 
garhirion grat hit. 
turuf goteith ar diffeith mynit. 

Oet re rereint dan vortuid gereint 
garhirion gran anchvant. 
Blaur blaen euraun inariant. 

Oet rerereint dan mortuid gereint 
garhirion graun adaf. 
Rution ruthir eryrion glas. 

Oet re rereint dan mortuid gereint. 
garhirion graun eu buyd. 
Rution ruthir eririon llvid. 

Ban aned gereint oet agored pirth new. 
rotei crift aarched prid 
mirein prydein wogoned.