News
Das hani jo widermou super härebrocht! Es isch gli März u nd i ha sit Ewigkeite nüt me do ine brösmelet. Jetz
chöiter aber under "chlini Gurke" es paar Chinderfotis vo mir go agüxle. Eifach nume dermit der xeet, d'Stef
het sech nid gross veränderet ;-). Mou luege wasi no witer do druf cha due, dermits nid gar zu längwilig wird,
weme die Site bsuecht!


 Ig bi heil und ganz wider zrüg cho und bi grad dranne, die Site mou wider chlei uf z'poliere. I luege, dasi nech de
do inne chli vo mim Trip nach Santa Barbara cha verzöue und Fotis zerzue cha zeige. Stay tuned....

Ig ha tatsächlech die Matur bestande, was jetz für mi bedütet, dasi für 11 Wuche uf Santa Barbara, CA. go! Am 27. Septämber isches de au scho sowit und ig flüge id Staate... Bi zwar im Momänt no chlei hi und här grisse, d.h. einersits fröimi mou öbis nöis z'lehrä könne, anderersits fauts mer extrem schwär mis Umfäud für 11 Wuche z'verloo. Es isch zwar nid sooo lang und doch wirdi d'Lüt mega vermisse...

Ig hamer aber scho überleit, wieni chönnt vorgoh, dermit mini Lüt do ir Schwiz mi glich vo Zit zu Zit "xee". Ig wirde versueche, mit mire Kamera so füu wie möglech fescht z'haute und die Fotis de do laufend uf die Site due!! Bis ig aber go, geits zum Glück no es paar Wücheli! Bis denn gniessi d'Zit mit de Kollege und dr Family..
 
 

1