Auso, do no es baar Facts über mi und mis Läbe. S'Steffeli isch am 25. Juli in Bärn uf d'Wäut cho und das im Johr 1984. De hani es baar Jöhrli spöter (2 1/2) no es närvigs Schwöschderli becho... hüt läbi zwar guet mit ihre. Thank god, si isch erwachse worde! :-) . 2003 hani uf ahieb und mit füu Glück d'Matur bestande und somit die schuelischi Zit abgschlosse! Es paar Wuche spöter bini de für 11 Wuche uf Santa Barbara, CA mini Änglischkenntniss no go ufpoliere. Aschliessend hani für chli meh aus es haubs Johr bire Firma chli Sackgäud verdient und de im Herbst 2004 in Lausanne ar EPFL afo Architektur studiere. Gli aber hani müesse erkönne, dass das nid mis Ding isch. Obwou interessant und füusitig, het mer d'Kreativität gfäut und derzue ischs mer zu mathematisch xi. Ig ha auso no vor dr Wiehnachte mit däm Studium abgschlosse und sueche jetz grad wider öbis nöis. Momentan versuechi grad ad ECAL z'cho, was auerdings zimli schwierig isch. Aber e Versuech isches alemal wärt, drum luege mer doch eifach, was jetz use chunnt....
Witers gits do no es paar Infos zu mir...
Stef und Friends müesse fasch i eim xeit wärde. Sit Johre isch das mini lieblings Sändig, unzähligi DVDs und Videos, Büecher und Poster ghöre zu mire Sammlig. Die 6 Lüts heitere mis Läbe stets uf und i cha ou nach 100 mou luege bi de jokes no lache. Drum do, FRIENDS....I'll be there for you ;-)
Mini grossi Lideschaft ghört jedoch em Tanze! Zwar bini nur zitewiis im Tanzkurs xi und ha gäng wider ungerbroche, aber mini Liebi ghört eifach däm Sport. Ig bi augemein sehr Musig verbunde und ha aues gärn, wosech um Musig dräit. Mini letschte tänzerische Aktivitäte hani mit LA Magic "verüebt". E Tanzgruppe us Lohn, wo doch ou scho diversi erfougrichi Ufdritte het gha...
Jo und wemer doch scho bir Musig si! Sit es paar Jöhrli bini im Chor vor Kanti Solothurn. Nach dr Matur de quasi der zwungnig Usdritt. Aber gli mou isch e Chor mit ehemalige Kantischüeler enstande, woni natürli wieder frisch fröhlech mit zwitschere. Ars cantus nennä mir üs und wärde scho gli mou üsi Gsangskünst unger bewies stöue. Es Foti vo üsem momentane Chörli existiert noni, aber do hani doch no es öuters, enstande uf üsere Chorreis nach Leipzig im 2003!
Südafrika. Kes anders Land het mi so beidruckt! Da mini Öutere es paar Johr dört gwohnt hei und mir und mire Schwo das Land im 2001 s'erscht mou chli zeigt hei, bini doch irgendwie sehr verbunde mit däm Ort. Mittlerwile simer es 2. mou dört unde xi und hei es 2. mou d'Wüudnis im Krüger National Park dörfe gniesse. Es isch eifach unbeschrieblech und drum wetti ou do garnid versueche, die Idrück i Wort z'fasse. I love South Africa...one day I'll return! 
Hm, witeri Infos zu mir. Wär mi könnt, weiss dasi mängisch e chli spinne. De hani öbbe die mini down-Fasene, wo eigetlech nie auzulang duure, aber de fäut mer aube chli d'Motivation und d'Läbesenergie. Sone Krise hani im früeche Früehlig 2003 ou gha und mi de derzue entschlosse, e scho lang existierende Gedanke i Tat lo umz'setzä. Es Tattoo het häre müesse! I ha mir das 1000 mou überleit und s'Motiv ou lang xuecht. Für mi chöme für settige ewige Körperschmuck sowieso nur Zeiche oder Symbol i Frog und mis Motiv hani de ou i derä Phase zimli schnäu gfunge gha. Chi....s'chinesische Zeiche für Läbesenergie. Sitem Mai 2003 schmückt das jetz mi Buch und isch mini Energiequelle.
Mis Troumoutöli...ig liebes eifach! Dr MiniCooper, aber bitte im Original! Ig has scho mängisch beduret, dasi nid 20 Johr früecher uf d'Wäut bi cho! Aber jetze... wird äue ou eine vo mine Tröim blibe... das Outo isch schliesslech nid ganz ungfährlech. Tja irgendwenn hoffi, dasi doch mou no zu somene Schätzi chume...und wenns nur fürne Tag isch!
Santa Barbara. Das mues do eifach ou no erwähnt wärde. 3 Mönet hani dört verbrocht und si hei mis ganze Läbe veränderet. Es isch e sone wahnsinnig intensivi, schöni Zit xi, dasi mi immer wider gärn dra erinnere und mängisch gärn wider dört hi zrüg wett. I vermisse d'Lüt und jeglichi Chlinigkeite, sigs Ässe oder Läde oder süsch öbis. Es paar Idrück vo derä Zyt...
ASPECT Santa Barbara
in San Francisco vor der Golden Gate Bridge
Yes! NHL Game; Los Angeles Kings vs. Dallas Stars im Staples Center, LA
Ig lischde do no es paar Sprüch uf, womer sehr gfaue und womer i füune Situatione aube ghoufe hei und hoffentlech no wärde häufe..
We regret more the things we didn't do
than the things we did do!
*****
Jede Tag geit d'Sunne uf!******
ich wünsche DIRdie GELASSENHEIT,
dinge hinzunehmen,
die du nicht ändern kannst,den MUT,
dinge zu ändern,
die du nicht länger ertragen kannstund die WEISHEIT,
das eine von dem anderen
zu unterscheiden.Franz von Assisi(1181-1226)
*****
Nur wer sich selbst liebt,
kann auch andere lieben.*****
Denke nicht so oft an das, was dir fehlt,
sondern an das, was du hast.
