或者係我中學讀女校既關係, 一路都識唔到男仔… (小學雖然讀男女校,但係個陣跟本就讀書讀到癲, 諗都唔敢諗識男仔呢樣野!) 但係到左 97 年既Lunar New Year, 我第一次接觸到 internet 呢樣野, 玩左 5 個幾鐘至識左個 3個男仔… 我開始沉迷玩呢樣野~ 因為我好鍾意識朋友.

　　一路上我識左好多好好既朋友, 雖然佢地成日蝦我白白地痴成日串我,但係我知道佢地都係玩下, 其實係我唔開心既時候佢地都可以係我身邊,所以我唔嬲佢地, 仲好鍾意同佢地一齊添! (好好彩我都冇乜點識到 net上面既壞人)

　　仲記唔記得上年 7 月興咩呢? 哈哈~ 咪又係 Leonardo 出品 (賣樣多過賣劇) 既Romeo + Juliet 囉! 個陣時我就用 Juliet 呢個名上 net, 咁橋就撞到當時叫Romeo, 17 歲但係冇讀書既 ‘佢’… 個陣佢對我好好架, 好關心我.我都唔知自己係咪鍾意佢 (個陣我仲未見過佢) 但係佢話俾我聽佢鍾意左我.唔知係唔係我傻啦~ 我應約上左佢 office 打機 + 上網,玩玩下佢就係後面攬住我鍚我, 就咁我就冇左我既 first kiss…當時我好驚, 有推開過佢, 但係唔知點解, 可能係好 enjoy 俾人鍚個種感覺,所以我慢慢就由得佢鍚. 我地鍚左好耐, 鍚到我嗌要走先至放…自此之後我就無啦啦做左佢女朋友. 佢開頭都對我好好架, 但係…其實我一路都知佢幾花心, 但係我只係唔出聲,因為我怕我自己誤會左發錯佢脾氣會唔係幾好.

　　有一次佢出去食 lunch, 我打佢手電搵佢, 點知聽到女仔聲; 我問佢, 佢話同個net-friend 飲野喎! 個女仔仲巴閉, {到搶左佢個電話同我講 ‘你係 Ruby 牙?哈哈~ 我係 Natalie 呀!!!’ 個陣我都估到咩事, 只係唔出聲由佢.自此之後佢對我就越黎越差, 表面上好似冇乜野, 但係我咩都知架! 冇幾耐,剛剛係我地係埋一齊一個月, 佢就係電話度提出左分手既要求. 我冇應佢, 好快就cut 左線…或者係我一早預左有咁既結局啦, 我只係喊左 3 分鐘! 而我亦都同自己講:‘俾心機讀書好過啦!’ 但係可惜, 我做唔到…一直以黎都有唔少 net 上面既男仔話鍾意我, 但係我都唔知點算好, 我唔敢再試,我唔理佢地係玩我定係真, 我全部都拖住, 甚至直接拒絕… (有 D 人都唔係 X架, 講就講到天花龍鳳, 睇完相之後喎… 扮唔識我喇!)

　　我衰過一次,唔想有第二次呀!唔知係咪緣份, 俾我識到三更…我都唔知點解佢會有我既 ICQ UIN, 佢亦都答唔出 — 佢話唔記得左喎! 冇呀,初初識佢覺得佢份人冇乜野, 同佢傾左個幾鐘, 覺得佢幾串, 但係其實又好好人,咁咪諗住同佢做 friend 囉! 佢日日都叫我第二日要打俾佢喎, 我咪打囉!其實我冇乜點架, 或者有少少好感但係不至於鍾意佢掛! 話晒三唔識七…可能係我個人既表達能力唔好, 又或者太 ‘真情流露’ 都唔知啦,竟然俾誤|左我 — 佢以為我以為佢鍾意我喎!!! 哈~ 就係咁佢 send 左一大渣msg 黎俾我同我講得好清好楚… 個晚, 我都覺得自己或者真係鍾意佢…但係我真係冇諗過佢鍾意我! 所以我好嬲, 好唔開心,因為估唔到自己俾人既感覺係咁 cheap!而個排同佢傾電話, 又成日俾佢話我低能話我白痴… 我真係好難堪!個陣我決定唔再搵佢, 因為我唔想再做人地心目中一個咁 cheap 既女仔!

　　但係個晚又俾佢解釋解釋咁整到我冇咁唔開心…但係我就好唔多覺意地話左俾佢聽我有少少鍾意佢…好無啦啦咁佢又話覺得有少少鍾意我… (其實個陣我地都未見過對方~ 哈哈!)一日又一日咁過, 到而家為止我識左佢都不過係幾日,但係我同佢既感情就一日俾一日好, 我亦都發覺得越黎越鍾意佢 —我已經唔可以冇左佢! 但係我真係好驚好怕… 就係因為我唔可以冇左佢,我唔敢鍾意佢, 我怕有朝一日佢唔再鍾意我既時候我真係一定會去自殺!

　　因為我 Hurt 過一次喇, 我真係唔想有下一次… 我知道冇開始就唔會有終結…但係我真係好鍾意佢我唔想放棄佢! 其實我同佢係埋一齊, 真係付出左好大勇氣~我真係好辛苦先拎得出個份勇氣, 因為我知道自己玩唔起, 輸唔起!!!呢排我仲要為左應付黎緊野 Inter School Athletics Meet 我谷得自己好行,俾左好大壓力自己, 因為我練得咁辛苦練左大半年都係為左個 3 日比賽,我唔可以輸架! 而且我又真係好怕失去五更, 因為我係屋企同學校都唔開心,佢係我唯一既記託… 我知自己根本唔應該用情咁深, 但係我就係一個咁既人 —真係冇用!

　　呢排我又夜訓又成日諗埋一邊, 搞到自己真係好唔開心. 為左三更,我迫自己做好多野, 因為我睇得見五更佢都為我做左好多野…有時我真係好嬲佢有好多過去既野都瞞住我… 但係唔講係佢既權利,我又唔想迫佢. 而我就揀左講晒我以前既野俾佢聽, 因為我唔想瞞佢;我知道佢聽到之後個心好唔舒服, 但係我唔想呃任何人… 真係唔想!