其實你唔搵我，我已經知道係咩事！但係我始終想你親自對我講清楚，唔該你似返個男仔啦！你唔細架啦，廿幾歲仔唔好咁得唔得呀？唔搵唔得，唔聲唔聲，你估咁就得咩！雖然我地係一齊唔係好耐，但係始終你對我應該有個交代！根本我就冇辦法聯絡到你！其實最幼稚個係你！我好想好想鬧你，但係．．．．．．我又好掛住你，你知嘛，我成日等你電話，點解你唔打比我？你怕的咩？

　　你記唔記得第一次同你出街？你連去邊度食飯都遲遲做唔到決定，最後等我話你做男他都咁婆媽，你話唔係婆媽係尊重我！我當時冇出聲，心諗，問我咁多次，唔係尊重得咁緊要呀！

　　之後食完飯我地去左Ｂａｒ飲野，我同你講我唔係你睇咁堅強，可能我笑笑口講你唔為意啦！但係我好想你知道我係一個好懦弱既女仔，只不過我唔係你面前懦弱者！你唔再搵我，但係點解當初你應承跟我開始？

　　你又話過會對我好，係咪你所講的一切都係大話，就算係大話，只要係你講，我都鍾意聽，只係要你繼續呃我，我就會甘心比你呃落去，甚至乎呃一世！我知我好傻，但係我情願做一個傻女都唔願做個清醒的女仔！我要講既都差唔多啦，我唔希望係呢度講太多，始終係我地兩個人既事，希望你會搵我講清楚．

琪琪