每當我想搵你講清楚，你都會刻意咁避開我。又當我上追上黎，你又故意拖住另外一個人，無聲無息咁離開。其實你知我玩田徑的目的架，一切全係為o左你。我身邊的朋友都話你係花花公子，係度玩緊我。不過我唔相信，因為係一次偶然的機會下，我係公園見到你同埋一個女仔。我同你地保持一段距離，你亦冇察覺到，我隱約聽到佢同你提出分手，而睇你動作係o係度極力挽留。但好可惜，佢仍然好決絕咁離開。你冇去追，只留係原地低聲喊.o國一幕令我鍾意o左你。

之後的日子，我留長頭髮，為o既係想更似返個女仔。而家我已經留到佢咁長o勒，但係點解你對我好似仍無動於衷咁o既？其實你一直知道你一日未對我講出答案，我都係唔會死心o架，點解你偏偏不發一言？

最近我的同班同學向我表白，佢知我鍾意你，所以佢同我講會等我。當時我好感動，然後我係屋企諗o左成晚：究竟無了期等你值唔值得？最終我覺得唔值得，因為你根本冇忘記o國國女仔。但我仍然唔甘心，於是我剪o左o的頭髮，不過我留返一條尾。呢條尾有含意o架，佢o既含意係『最後希望』。我自己定o左一個期限，半年內你仲未能夠同我一齊o既話，我會將o國條尾剪去，因為我決定放棄.但我會繼續努力，用我o既真心去感動你。

我唔知半年後o國國男仔仲會唔會等我，我唔知係o國半年內會唔會鍾意o左o國個男仔，亦唔知半年後係咪仲咁鍾意你。不過我仲係好鍾意你，我仍會遵守自己的承諾。就算你半年後仍然唔接受我，我都唔會覺得遺憾,因為我已經盡晒力，再唔會後悔。