公告：因為天氣惡劣，拍攝工作日順延至二日及五日，本人本年度生日週將在工作中渡過，所有朋友晚飯／雀局／唱Ｋ通告全部取消。唉。
工作多年，週末週日公眾假期要照常上班早已視為等閒事，惟獨希望每年生日可以放上兩天假。朋友們對我這個「失蹤人口」早有怨言，生日假期已成為一個定時聚舊的好日子；再加上近年認識了一班水瓶座的豬朋好友，生日假期日逐漸演變為生日假期雙週，好讓我與那群怨聲載道的朋友們見見面。
（阿妹，約你食飯幾個月都未食到，過埋呢幾日一定去到食飯。）
（W，好彩你份手信唔食得，唔係一定發哂霉，下星期一定約到食飯。）
（Viv，唉，又係成幾個月約極都約唔到，下星期去食飯呀。）
（VT，呵呵，打牌打牌，講左年幾都未上你屋企，新年雀局預埋我。）
（小J，我今年無得同你一齊過生日唱K呀﹗）
（V，我地今年個台灣之旅要幾時先有得起行呀？）
（D，你係惟一我要屈你食生日飯既人，過多幾日一定搵你．．．）
（JOCA仝人，下星期我一定會上黎同你地死過，哈哈哈﹗）
上天保佑希望本週拍攝能順利完成，好讓我下星期去盡情玩樂。
