早陣子修理好的頭髮一下子又長起來，討厭。
好懷念從前清爽的短髮，不過一來本人相當討厭被錯認作男兒身，二來要打理短髮的時間實在不比長髮少，所以就此作罷。
忽然想起從前的瑣事。
話說香港人的GAYDAR（i.e. gay radar）極度不發達，對女同性戀者的印象只流於表象，舉凡外表粗魯、愛穿格仔恤、蓄短髮男人頭的女子，即被打入TB（tomboy）一族，永不超生。
而有一段時間我的造型也與地道的TB相當接近。
坦白說，早年的我惶恐被人點破身份，也不願朋友蒙上不白之怨，所以每次外出時，我都會表現出相當程度的拘謹。
（唔．．．所謂「拘謹」當然是相對平日不分男女愛與朋友們攬頭攬頸的我而言。）
情況總有例外，尤其是遇上某幾位相當頑皮的好朋友，外出時她們總愛繞著我的手臂不放：
「喂﹗唔好喇﹗俾人地誤會就唔係幾好喇﹗」
「哇﹗咩？我都唔介意你介意？」
「小姐呀，我費時你阻我搵食咋．．．」（其實呢句至係重點）
「車﹗我而家好失禮你咩？我肯拖你出街你執到喇真係﹗」
「．．．．．」
（對住呢班又直又寸又牙尖嘴利又識左好多年又知道哂我D衰野既靚女朋友們，我仲可以駁嘴咩？）
