早上趕到油麻地耳鼻喉專科診所應診。
循例的先登記候診，先做一個約20-30分鐘的聽力測試，後見主診醫生做檢查。
滿頭白髮的主診醫生叔叔一看我交上的醫生轉介信，眉頭一縐。
「封信上面寫既NKDA點解？」
（咦？你問我呀？我點知喎？）
我笑看信上幾個難明的短寫，搖頭不語。
醫生叔叔沉吟了一會後，致電給發信的醫生。
「喂？阿鄭醫生呀？我收到你一個係六月一日轉介過黎既病人，究竟封轉介信上面寫既NKDA點解？」
「下？即係No Known Drugs Allergy（無已知藥物過敏反應）？唔該你下次可唔可次寫全句呀．．．」
電話說畢，醫生叔叔仍在嘮叨不休。
「而家D新醫生真係，自己作埋D人地睇唔明既短寫，阿邊個邊個醫生又係咁，俾我話過好多次架．．．」（下刪三千字）
看著這個相信已行醫多年、經驗豐富的醫生叔叔在發難的樣子，我不禁莞爾一笑。
又一輪檢查後，卒之查出病源。
「冇野既，你個鼻裡面生緊D肉，所以搞到鼻咽喉發炎．．．」
「下？」
「好少事之嘛，最多做下電療就無事，下星期等化驗報告喇．．．」
想起剛才插進鼻管那根又長又冰凍的內窺鏡，心底打了一個冷震。
「唔好嚇我喎醫生．．．」
不擔心病情輕重，只擔心肉體所受的苦難。
唉。
（平時叫我睇醫生就等如叫我去死一樣，今次仲唔係一鋪過還哂俾個天？）
惟有多等一星期，看過化驗報告才再作打算。
