Penziere mieje
Penziere mieje, levàteve sti
panne,
stracciàtev' 'a cammisa e ascite annuro.
Si nun tenite n'abito sicuro,
tanta vestite che n'avit' 'a fà?
Menateve spugliate mmiez' 'a via,
e si facite folla, cammenate.
Si sentite strillà, nun ve fermate:
nu penziero spugliato 'a folla fà.
Currite ncopp' 'a cimma 'e na muntagna,
e quanno 'e piede se sò cunzumate:
un'ànema e curaggio, e ve menate...
nzerranno ll'uocchie, primm' 'e ve menà!
Ca ve trovano annuro? Nun fa niente.
Ce sta sempe nu tizio canosciuto,
ca nun 'o ddice...ca rimmane muto...
e ca ve veste, primm' 'e v'atterrà.
L'ammore ched'è?
" Scusate, sapite
l'ammore ched'è? "
- L'ammor'è na cosa
c'addora di rosa...
ca rosa nun è ...
nduvina ched'è? -
" E' rosa?...E scusate, sapite pecchè? "
" E' rosa 'o culore
che serve p' 'ammore.
L'ammore nun c'è
si rosa nunn'è. "
" L'addore che c'entra... si rosa nunn'è? "
" Pecché dinto maggio,
se piglia curaggio.
Sentenno l'addore
te nasce l'ammore. "
" A maggio sultanto?...E sapite pecchè? "
" E' maggio pè n'anno
pè chille c' 'o sanno.
Pè chi nun vò bene
stu mese nun vene. "
" E senza l'addore l'ammore nun c'è? "
" Nun c'è...pecché 'ammore
è forte delore,
ca pare na cosa
c'addora di rosa."
torna alla
pagina iniziale dedicata al Teatro.
Tutti i diritti sono riservati . Vietata ogni riproduzione.
© Ginevra 1997