文︰YY & Billdyke

叉足11個鐘頭電，飽晒!! 在酒店食過早餐，再行左陣地下街等到12:30去取車車!! 點解要book 12:30？因為計過係日本租車完整24小時當一日係最抵的，如果唔係逐個鐘要計錢！因我預計還車時食埋早餐起程返車行時間剛好，所以咪揀左12:30囉！今次都係預先係香港上網book定車，揀左TOYOTA Ractis，1,300c.c.車仔內籠算幾闊落，兩個人坐OK啦！

不過有少少阻滯，因為預計高山會有雪，所以租車公司強烈要求我地要有Tire Chain以防萬一，我地都唔敢搏，但間公司又無準備定俾我地，所以要等 (都唔知佢地係咪去買？因為後來佢比我地的是全新的！?職員都唔識用，攪到身水身汗先試到比我睇！)，咁我地惟有改少少行程，先駕車到名古屋市內的"大須觀音"參觀，去到發現原來其實無乜好睇，結果只係在"大須觀音"附近的商店街行左一陣，順便食埋晏，食左Soba同魚生飯，呢度餐餐都有D有一pat咁，好似叫乜野"tororo"的新鮮山芋茸，據講好有益，有助消除疲勞咁話！撈飯食，okay唔難食咁囉!

終於有tire chain喇，真正向高山進發!!!
行Highway車程大約三小時，又要靠晒衛星導航啦! 同之前一樣，通常經過中途站我地會停車抖抖，wee一個再繼續!!點知繼銀杏樹之後，我地又在中途站發現紅bokbok的紅葉呀!!雖然唔係一大遍，但真係喜出望外呀!!梗係要影下相啦!!呵呵呵!!

由於掛住影同掛住買^_^，遲左出發，去到高山的Hida Hotel Plaza時已經天黑晒了!!
安頓好之後，出左去高山"馬尺"附近行下兼買手信，不經不覺已經係時間回酒店食mum mum!!
高山最出名係乜? 咪就係飛驒牛肉同樸葉miso囉!!
就係由呢餐起，我地亦開始左牛肉之旅?!!!
其實飛驒牛肉真係好好味，肉味好香，不過記得唔可以燒過籠，否則會好韌，我呢個天才小廚神，好快就學曉點樣控制燒牛肉的火候喇!!!hoohoohoo!!