文︰YY & Billdyke

今日好早起身(因為晏左無早餐食！)，今朝揀日式早餐，嘻!!食我喜歡的納豆撈飯!!納豆臭臭地，好味!!!
食飽飽就按計劃，check out高山的酒店後，先上雪山之後再去今晚入住的平湯民宿。
開車去搭ropeway新穗高登山纜車的路上，越來越多雪，路面亦結霜，危機處處，開車要非常小心!!
尤其係我地住在沒有雪的地方，極少雪地開車經驗!!
好不容易，去到纜車站，點知!!!!!!!纜車因為維修，4號同5號(即今日)休運中!!!!Oh No!!纜車休運中，我地就「運吉中」!!!無偈，惟有明天請早!!

無得上雪山，去左熊牧場，d黑熊唔可愛又好懶，不過有野食的時候，佢地都會乖乖企起身"迎接"食物!!

由於天氣好凍，又無乜地方好去，未夠三點，已經去到平湯溫泉鄉，不過未可以Check-in，放低行李在車，在平湯溫泉街諗住搵野食。唔知係咪因為天氣凍又落雪，加上是平日，好多店都無開，人影都唔多隻!!行左好耐，都搵唔到食店，雪又越落越大，我地兩個雙腳凍到冰晒，真係有d求助無門的感覺。但係天無絕之路，終於搵到一間日式西廳餐(Cafe Mustache)未閂門，梗係第一時間走入去啦。嘻!!記得上一次旅行，又係周圍搵唔到野食的時候，就俾我地搵到間日式西餐廳，d野食仲出奇地好味添!!我食左一個好特別的kimchi炒面撈飯，honey食左咖喱漢堡飯，加杯熱辣辣的朱古力添!!好味!

食完飯終於夠鐘Check-in喇，旅館TSUYUKUSA呢晚得我地兩個客人，店東兩公婆都好好人，個露天家族風呂，仲任我地用添!!第一次落住雪浸露天溫泉!!!又凍又熱，好刺激啊!!