文︰YY & Billdyke

日本人真係好早起身，七點半就要食早餐，結果七點鐘就要起身，好在尋晚早睡，都okay!
食過早餐，九點鐘，再向新穗高登山纜車站出發!!今次實有得搭喇卦!
到達車站，已經有大批公公婆婆在等纜車。
纜車分兩層，非常穩定。因為天氣凍，窗門仲結左唔少雪花，不同的pattern形成獨特的暗花設計，好靚呀!!沿途風景亦超靚，因為有好多好高的松樹(似聖誕樹果d)都舖滿白雪，真係超靚呀!!!好開心!!

上到雪山，得零下七度咋，雖然好凍，但亦都好興奮，因為d白雪實在太靚喇，加埋耀眼的太陽，真係隨手影一張相，都似足聖誕咭封面咁，加埋honey的技術，就梗係靚爆鏡啦!!!
上到觀景台，仲只得零下11度，honey掛住影靚相，我就掛住玩雪，都唔係幾覺凍!!哈哈!!我都幾鍾意剷雪架!!好玩!!
在雪山上，第一次食wasabi雪糕，超"攻"鼻啊!!仲食左wasabi腸添!!(呢個係落錯order所以食，嘻!!)

坐番纜車落山，跟住就開車番高山，因為雪好大，路面結霜但又未積雪，路好跣但又未可以落tire chain，結果在落山的一個彎位跣胎，仲要係有d失控，跣左去對面行車線，兩邊都係山崖，好在最後honey都控制番到個"車太"盤，如果跌落山一定無得剩!!
(其實我當時坐司機位隔離，我都唔感到咁危險，係honey事後講番話當時個"車太"盤已經係空晒，完全不受控，我先至知驚!!不過，我地福大命大，吉人天相!!!)

到左高山幾日，除左在酒店食過飛驒牛，都未真正在街店食過，返到高山市，就去左老細提議的專門店"燒肉之匠家"食飛驒牛，d牛牛原來分好多級，仲要分好多部位，結果我地叫左一個A5(最高級)的牛肉set同一個海鮮set，加一份飛驒牛刺身!!食過之後，先至明白點解飛驒牛係呢度的招牌!!d牛肉真係好嫩好味呀!!

飲飽食醉之後，就開車去下一站:下呂!!
下呂原來唔單止仲有好多紅葉，呢度溫泉街仲好靚，不過我地到達時已經將近天黑，稍事休息，換左和服著埋屐出街行左陣，就要番去食晚飯喇。雅亭酒店的露天溫泉都好靚，池邊仲有楓樹，黃色紅色的楓葉隨隨飄落黎，好浪漫啊!!!