KINKI DAY 3 - 上山下海白浜遊  

 撰文 : CHAKRA

HOME         CAMBODIA         KYUSHU         EGYPT         LINK

駕車沿海岸線行駛，無意中經過超靚的白良浜沙灘，由於係冬天，所以無mud人，但藍天白雲加埋水清沙幼，實在唔捨得要蹓蹥一陣!!我仲忍唔住除鞋落水玩tim!!Hee!!(有車自由行真係好，可以去多好多地方!!)   玩完水、浸埋免費的足浴之後，就開車去附近的月島，個島中間有個窿架!! 如果就正時間，仲可以影到咁得意咁靚的日落景!!(不過我地去到時尚早!!)   白浜有個ToreTore魚市場，線報話中午時份其中一檔會即席”當刂”大條吞拿魚再切件賣，不過我地12點前去到，都已經”當刂”完咯!! 買左八百幾一大舊的吞拿魚生、再加個海膽飯，就係我們的午餐了!!(仲用900買左一大袋超級好味的柑呀!!夠我地食足一個禮拜)

食飽飽，試下駕車上山搵紅葉!! 和歌山部分地區已經有紅葉了，不過白浜一帶就唔係咁多。睇地圖搵到奇絕峽(呢度係出名睇紅葉的地方之一)，只得 一兩 棵紅葉，不過已經好靚!!   再沿山上駛去，經過紀州備長炭紀念公園、同熊野古道(呢個地方報稱係和歌山縣唯一仍未受污染的古道，全長幾百公里，我地梗係無行啦！嘻嘻)，沿途雖然紅葉唔多(其實我地睇紅葉的主攻地點係京都!!!)，但沿途連綿的青葱山景，加埋藍天碧海，感覺已經非常好，真係精神爽利，好relax啊!!

回程去左千疊敷睇千層岩石，D懸崖峭壁都幾俏!唔係，係幾峭!! 嘻! 又係將近四點，坐左0係岩石上，又對住個一望無際0既太平洋睇日落!! (今日天色有D唔同，好多雲，但日落又有另一番景象啊!!!   回酒店浸過溫泉後，去左銀座通食「八両」和歌山拉面 (佢claim自己好出名，都okay喎!)(仲發現附近有間100丹店! 0係咁鄉郊地方竟然24hours年中無休喎!!)