KINKI DAY
9 - 天橋立~羅友要向天！
撰文 : CHAKRA
今日繼續落雨天，起身執好行李就攞車出發去天橋立，今次的朋友號(Toyota
Bb)係臨時加插0既，因為有人駕過番尋味，而我又可以舒舒服服坐車，舉腳贊成!!hee...(由大阪去到天橋立車程大約兩小時，沿途都一路落下雨咁)
到左天橋立，纜車停開! 點知，原來坐吊椅(佢地叫lift)仲好玩，腳fingfing咁上山，都幾得意。上到山，見到個個都gut起patpat，點解呢? 嘻，其實呢個景點據講係要咁樣倒轉睇，就會見到好似天上再有一條橋咁，亦即係「天橋立」囉!!大家可能會話:「車!咁影完張相倒轉睇咪得囉!」的確係，之但係，你地有無情趣架，this
is fun!! Heehee...
天橋立係一個沖積而成的天然長灘，我地行了一會繼在靜峽後又再一次見到彩虹、之後到旅館松月checkin，小睡片刻就差唔多六點了，由於無訂到在旅館用餐(錯誤的決定！)，所以要出外醫肚。點知!!!出面黑媽媽、幾乎伸手不見五指呀!!
d舖頭閂晒咁滯。得番一間勁貴0既魚生店(貴都係其次，問題係入面一個客都無)! 我就諗住食杯麵算架喇，但honey就話駕車去附近搵野食，結果在附近兜左一圈，似乎都無mud食肆(真係黑到好似半夜兩三點0既鄉郊咁)。最後搵到差唔多係唯一一間貌似正正常常的日本西餐廳，食左個set，竟然出乎意料之外咁抵食同好味!!
每人一千YEN咁上下就食到有湯有主菜有餐飲有甜品的西餐，總算不枉此「行」!
