撰文 : CHAKRA
有人唔記得搞國際車牌，所以跟左LOCAL TOUR去遊地獄~~~別府著名的八個地獄溫泉!不過個導遊好似趕鴨仔咁，想影多陣相都唔得，咪講話買手信啦！全團得十個人坐架大巴、八個係公公婆婆...好悶呢!! 最好笑係有人的日文半桶水，以為導遊話2點返車集合點知原來人地係話2點有溫泉噴水睇！趕頭趕命走返去車，個導遊就好緊張咁指手劃腳話仲唔去睇就無得睇架啦！真係瘀！
探完地獄之後，就梗係要捐獻D金錢俾當地人還下神啦，我在地獄度咁百厭，一陣D鬼鬼跟我「番來」點算...於是去左酒店附近一間UNIQLO Warehouse去洗錢，一行就幾個鐘！其實買左都唔夠二千蚊港紙，但D Sales幫我地計完數之後，竟然大叫全場ARIGATO然後再向我地鞠躬!!好有滿足感哦！我上次在東京買BEAMS BOY買得仲多啦，都唔係咁0既!
