文︰YY

Day3 秋保>>花見山>>那須(Trick Art Museum)

吃過早餐，浸過一個早晨溫泉，就離開秋保的岩沼屋，驅車去花見山公園睇櫻花。
Honey之前做左功課，花見山公園有櫻花展，呢度有不同種類的櫻花同梅花，其實有啲似一個花市，因為d花都幾人工咁放喺度，有d仲係賣嘅。

不過整齊咁排成一列，又可以一次過睇晒咁多花，加埋仲有我至愛的油菜花，都okay啦!!

睇完花，就去下一站那須，我地今晚會住那須。一入到那須，成個區的感覺都好唔同，大部分建築都好西式，以深色木為主，加埋周圍好多好高的杉樹，好外國、好渡假feel，都幾鍾意。

我地開車入那須，仲見到沿途好多museum，除咗我地plan好要去的Trick Art Museum，仲有好多得意嘅野，仲竟然俾我地無意中發現一個Teddy Bear Museum，本來熊熊館無乜特別，但令我驚喜到大叫出來的，係咁啱館內正有Lisa et Gaspard嘅展覽呢。發現呢個館時，已經係下晝四點幾，已經閉館，由於我地無諗過那須咁多野玩，所以只係訂左一晚酒店，同埋去到都晏，好多地方都閂左，唯有諗住第二朝去啦，但發現佢門口個牌話逢周二休息，唉…失望到谷底。後黎諗諗下，都係唔甘心，番轉頭敲佢門問個姐姐仔聽日係咪唔開。
點知，原來係開架!!哈哈，都不枉我地冒雨驣黎驣去…

講番去Trick Art Museum，區內原來有好多類似的museum，去入到小貓三四隻，都唔知佢地點維生。平時睇d相，都知道係視覺效果造成，不過未親身去過，都未必想像到點樣影出黎。睇下我地，玩到傻左就知有幾好玩啦!!哈哈，兩個大細路!!