| TOHOKU DAY 4 - 橫風橫雨，好彩有車!! |
文︰YY |
|||||
| HOME | ITINERARY | LINK | ||||
Day4 那須>>日光 一早起身，爭取早d去睇Lisa et Gaspard!!哈哈，人地開館無耐我地就入去喇!! 好多Lisa好多Gaspard呀!!!嘩，好大隻呀!!!哈哈哈…好開心!!仲差d又買左個大公仔番香港，後尾都忍到手，影張相算啦!!(我幾乖!!) |
||||||
|
||||||
雖然話那須好多野玩，但我地時間有限，加上成朝都落住好密嘅雨，又好凍，真係心情都麻麻。本來諗住去士多啤梨園，都因為大雨唔多想去。但最後在honey堅持下，都係去左。呵，又有驚喜喎!! 新鮮擇的士多啤梨真係十個好味架!!無論色、香、味，都滿分!!鍾意邊粒就剪邊粒!! 1500yen30分鐘任食，都唔駛十分鐘就食到好飽喇!!抵到爛!! 本來規定d士多啤梨係唔可以帶走嘅，但係我曳，其實係佢地太吸引喇，我偷偷地放左十粒喺我件褸袋，在路上慢慢食…哈哈!! |
||||||
|
||||||
擇完士多啤梨就要起程去日光了。途中去左東照宮、二荒神社! 都係好傳統既日本建築啦！又係落大雨，又係好凍，都好多旅行團黎，入去每一度都要放低遮除鞋，好煩！後來仲要俾人偷埋把遮添!! 好彩仲有一把!! (其實把遮係喺酒店攞既！) |
||||||
|
||||||
跟住去左中禪寺湖，不過天氣好差，超凍、仲落埋飄雪，人影都唔多隻，係咁易影左幾張相就去醫肚，車都唔肯落!! 但係，真係唔知點解，上次旅行喺平湯又係超凍時搵唔到野食，差d流落街頭，今次都不遑多讓!! 果度明明係旅遊區，但可能未到旅遊季節，所以幾乎全部食肆同舖頭都無開門。結果，又係同上次一樣…最終搵到間西式café容身!! cafe對正湖畔，望住半月山，個view一流!!點左cheese toast、意粉、hot cocoa、coffee。野食就一般啦!!食完暖完身，剛好開始出太陽了!! (笑話一則︰ 離開café時，我先出門口，開車門攞相機影相，但發現放喺車頭的相機唔見左，想探頭入去搵下放左喺邊，點知喺café入面俾緊錢嘅honey突然大叫，問我做乜，我都唔知佢做乜問我做乜，原來….架車唔係我地果架黎架!!哈哈!我開左人地架車，仲差d上左車添!!....車!!邊個叫佢唔鎖車喎!!:P) |
 |
|||||
|
||||||
|
||||||
|
離開好凍的中禪寺湖，就去我地今晚入住的星之宿旅館喇，honey記錯咗，以為星之宿係酒店，所以當衛星導航話我地知已經到「莫deckki」時，我地都係搵唔到間酒店。最後兜左一圈，至發現原來係一間好有特色的小旅館。好有家的感覺。 小館安排的西式晚餐仲好有特色，全部有機野之餘，仲既睇得又食得，超健康又超好味喎，好有高級西餐風範。真係唔錯!!店東Kono San雖然coolcool地，但其實好nice!!旅館有兩個家族風呂(即係可以閂埋門一家人浸嗰啲)叫星之湯，我地兩個都浸晒!!
|
|
|||||
