Ĉu ankaŭ vi malŝatas, stari en vico?

Foje, pro diversaj kialoj, povas daŭri ĝene longe, ĝis oni ekhavas iun TTT-paĝon. Ĉu pro ecoj de via maŝino, via "provizanto", la lineoj, premhoro... Ĝene. Tre ĝene. Se ankaŭ ĝenas vin, legu ĉi tion.

Tamen, ne necesas stari en vico. Preskaŭ ĉion oni povas ekhavi per skribado de e-letereto. La petita afero alvenos post kelkaj minutoj (ofte se temas pri TTT-paĝo), horoj aŭ tagoj (se temas pri granda FTP-dosiero). Dependas. Sed via maŝino ne bezonas intertempe ligon kun la reto (telefon- kaj abon-kostoj! - por dufoje la minimuma telefontarifo oni povas havigi plurajn TTT-paĝojn).

TTT-paĝoj perletere:

Unu limigo: temas pri la teksto kaj la ligoj. Ne pri bildoj (sed vidu poste), filmoj, sonoj, ktp. Kaj la teksto havu malpli ol 5000 liniojn.

Ekzistas pluraj robotoj "agora", kiuj prizorgas transsendon de TTT-paĝoj laŭ e-poŝta mendo. Tamen ne ĉiuj servas same. Iuj, ekzemple, ne kapablas trakti signojn "super 127", do ankaŭ ne la Esperantajn supersignitajn literojn laŭ Latin3. Aliaj tre strange enpaĝigas la tekstojn. Bona servilo laŭ mia sperto estas:
agora@info.lanic.utexas.edu

Ŝajnas, ke la Teksasa "agora" ne por ĉiuj funkcias.
Jen iuj aliaj:
<agora@capri.mi.mss.co.jp>
<agora@dna.affrc.go.jp>
tiuj funkcias simile, la dua pli bele enpĝigas kaj indikas kursivon kaj grason per _xxx_, sed ambaŭ fuŝas supersignitajn literojn.

<w3mail@gmd.de>
Ĝi donas sufiĉe bele aranĝitan paĝon, kun ligoj en la teksto, post peto per: get -a http://.... (Por pliaj eblecoj, sendu help se vi komprenas anglan.)

<webmail@www.ucc.ie>
Ĉi tiu akceptas nur po unu peto en unu letero, kaj uzas SEND por teksto (bele enpaĝigita, sed sen piednotoj por la hiperligoj!) kaj GET por HTML; krome GO por ambau samtempe. Se enestas specialaj literoj, ĝi sendas ĉion kiel aldonaĵon. Ĝi ne sendas bildojn, zip-itajn dosierojn k.s, kaj ne funkcias por ftp. Kaj krome ĝi estas konsiderinde pli malrapida.

Kiel funkcias? Unue vi devas ekscii la adreson (URL) de la paĝo. Ekzemple:

http://geocities.datacellar.net/Paris/9231/esperant.htm

Tiam sendu e-letereton al: agora@info.lanic.utexas.edu kun jena simpla enhavo:

send http://geocities.datacellar.net/Paris/9231/esperant.htm

Jen ĉio. En la temlinion vi povas meti ajnaĵon, se via poŝtilo tie ion postulas.
Post (por mi mirige) mallonga tempo post sendo de tiu letereto, vi ricevos la petitan tekston en via leterkesto. Kaj je ĝia fino troviĝas listo kun plenaj URL-adresoj de ĉiuj "ligoj" el tiu paĝo.

Anstataŭe, vi povas skribi:

source http://geocities.datacellar.net/Paris/9231/esperant.htm

Tiam vi ricevos la "fonto"-dokumenton: la HTML-koditan tekston, el kiu TTT-paĝoj estas farataj. Ĝin vi povos vidigi kiel ajnan alian TTT-paĝon surdiskigitan.

En tia surdiska TTT-paĝo la ligoj al foraj paĝoj (http://....) kaj la ligoj en la paĝo (#....) normale funkcias. Ligoj al alia paĝo en la sama TTT-ejo tamen ne. Tial mi faras jene: Mi sendas duoblan peton (la peto povas havi kvin liniojn maksimume):

send http://geocities.datacellar.net/Paris/9231/esperant.htm
source http://geocities.datacellar.net/Paris/9231/esperant.htm

La fonto-dokumenton mi rigardas TTT-e. Kaj, se mi volas utiligi iun ligon, mi kopias ĝin el la ligo-listo en la teksto-versio. (Kompreneble mi rapide forigas la nebezonatajn partojn, pro daŭra spaco-manko...)

Problemetoj:

Rekta surdiskigo de la ricevita fonto-teksto el la poŝtilo, almenaŭ per nia poŝtilo, ne bone funkcias. Nia poŝtilo enmetas ekstrajn liniofinojn, kiuj en la TTT-paĝo kaŭzas nebezonatajn spacetojn meze en vortoj. Mi do (per "tondado kaj gluado") kopias la poŝte ricevitan tekston al tekstilo, kaj el tiu skribigas ĝin al la disko en "ascii/dos/nurteksta" formato, kun finaĵo .htm (por vi eble .html).

Kvankam tiu Teksasa "agora" mem bone traktas (pli bone dirite: ne provas trakti mem) la super-127-ajn kodojn de supersignitaj literoj, tio ne signifas, ke ĉiuj poŝtiloj bone konservas ilin. Se ĉe via poŝtilo eblas instali ion, instalu, ke ĝi ne traduku karaktrojn. (Ĉar eble ĝi pensas, ke Esperanto-[ĝ] estas Dana trastrekita o, kaj anstataŭigas ĝin per o, kaj ke Esperanto-[ŭ] estas supersignita y, kaj anstataŭigas ĝin per y...)

Ankaŭ bildojn kaj aliajn ne-tekstajn aferojn vi povas sendigi. Sed ili alvenos "uu-koditaj". Vi do bezonas "uu-malkodilon". Sed eĉ tiun vi povas retpoŝte ekhavi. (Sed provu, ĉu la bildo ne tamen venis nekodita!)

Por informoj pri tio, kaj pri kromaj eblecoj: komencu per - perpoŝta - peto pri RetumiRetpoŝte. Do, ne kliku, sed sendu al la Teksasa "agora" e-letereton kun la teksto sur unu linio:

send http://www.cs.chalmers.se/~martinw/esperanto/retumi-retposxte.txt

kaj vi tre baldaŭ ricevos priskribon en Esperanto de multaj aliaj eblecoj de retumado per retpoŝto.

Se vi povas legi la Anglan, aldonu sur aparta linio:

help

kaj vi krome ricevos la propran helpdokumenton de tiu "agora".

FTP-dosieroj perletere:

Ekzistas pluraj perpoŝtaj FTP-sendo-robotoj. Mi preferas uzi:

ftpmail@ftpmail.ramona.vix.com (la iama "dec"-roboto)

Kiam vi volas havi dosieron el iu FTP-ejo, skribu al tiu roboto e-letereton jene:

connect nomo-de-la-ftp-ejo
reply via-retpoŝta-adreso
get .../.../.../.../............
quit

(Tamen, ankaŭ per "agora" eblas ekhavi ftp-aĵojn. Eĉ multe pli rapide. Sed ili estu "malpli longaj ol 5000 linioj". La teksto tiam estu:
send ftp://............)

lasta modifo: 1996-09-17