Vulpo-libroj

lingvo: Esperanto

lasta modifo: 1997-08-28

Chi tiu pagho uzas Eo-literojn lau Latin3. Se via mashino ne povas montri tiujn, jen [CX].

Sur ĉi tiu paĝo troviĝos priskriboj de eldonaĵoj de eldonejo Vulpo-libroj, eble kun fragmentoj el ili. Ankaŭ mencioj de iuj lokoj, de kie oni iujn el tiuj tekstoj povas sendigi. (Mendu la librojn ĉe libroservo.)

Tondaĵoj / Knipsels / Wycinanki. Wouter F. Pilger. Pola versio: Janina Pilger-Bugaj. 1978. 26p. 21cm.
Bildoj de papertondaĵoj kun versaĵoj trilingvaj: Esperanta, Nederlanda, Pola.
Vi trovos elektronikan version pere de: W F Pilger/PPL

Ribela saĝo. Multatuli [=Eduard Douwes Dekker]. Tradukis el la Nederlanda: Wouter F. Pilger. 1977. 36p. 21cm.
Rakontoj kaj paraboloj, i.a. ĉiuj "Historioj pri aŭtoritato", kaj multaj aforismoj de ĉi tiu "plej granda aŭtoro de la 19a jarcento".

Unu rakonto (LATIN3), "Naua historio pri autoritato" au "La daktiloj de Hasan" troviĝas ĉi tie.

La Noktmeza Kortumo. Brian Merriman. Cuirt an mhean-oiche. Tradukis el la Irlanda: Albert Goodheir. 1980. 36p. 21cm.
Poemo pri kortumo de feinoj, kiuj enketas pri mistraktado de virinoj fare de viroj.

Provizora Privata Listo de komunlingvaj nomoj de plantoj de nordokcidenta Eŭropo. [PPL-Plantoj]. W.F. Pilger. 1982. 72p. 21cm. (Elĉerpita ĉe la eldonejo.)
"Precizaj komunlingvaj nomoj" por pli ol 2000 sovaĝaj florplantoj. "Popolaj nomoj" (ofte ne precizaj) por multaj el ili.

Provizora Privata Listo de nomoj de bestoj. Mamuloj. [PPL-Mamuloj]. Wouter F. Pilger. 1992. 72p. 21cm. ilustrita.
"Precizaj komunlingvaj nomoj" por ĉ. 900 (grupoj de) mambestoj el la tuta mondo. "Popolaj nomoj" (ofte ne precizaj) por multaj el ili.
vi povas legi HTML-version pere de: W F Pilger/PPL

Provizora Privata Listo de nomoj de bestoj. Insektoj. [PPL-Insektoj]. Wouter F. Pilger. Ne preta, ne eldonita. "Precizaj komunlingvaj nomoj" por ĉ. 1000 (grupoj de) insektoj el la tuta mondo. "Popolaj nomoj" (ofte ne precizaj) por multaj el ili.
vi povas legi HTML-version pere de: W F Pilger/PPL

Pli simpla versio de ĉi tiuj du listoj: mamuloj kaj insektoj, sen ilustraĵoj, sen indekso, estas havebla, en zipita formo (40k), ĉi tie.

Provizora Privata Listo de nomoj de legomoj en Nord-Okcidenta Eŭropo. [PPL-Legomoj]. Wouter F. Pilger.
ANKORAŬ NE ELDONITA!!!
Nomoj por ĉ. 140 (grupoj de) legomoj manĝataj en N.Okc. Eŭropo, sed devenantaj de la tuta mondo. Kun la scienca nomo de la planto, skizo pri la aspekto, indiko pri la uzo, kaj mencio pri la deveno.
Vi trovos HTML-version (L3 aŭ CX) pere de: W F Pilger/PPL

Tiel do. Rakontoj por malgrandaj infanoj. Rudyard Kipling. Just So Stories. Tradukis kaj adaptis por Esperanto, el la Angla: Wouter F. Pilger. 1992. 64p. 21cm. ilustrita de la aŭtoro.
Nova kaj freŝa Esperanta versio de kvin el la monde famaj Kipling-rakontoj. Tre taŭgaj por laŭtlegado al malgrandaj infanoj, sed ne nur por tiuj! "Infanlibro de la jaro 1992" (nedividita premio).
Enhavo: Kiel la baleno ekhavis sian gorĝon. Kiel la kamelo ekhavis sian ĝibon. Kiel la rinocero ekhavis sian haŭton. Kiel la unua letero estis skribata. Kiel la alfabeto estis farata.
Unu rakonto (LATIN3), sen la ilustraĵoj kaj la komentoj al tiuj, troviĝas ĉi tie.

Pruva ekzemplo de kvin sonetoj, en kiuj laŭvice estas ellasitaj la kvin vokaloj aŭ sonantoj. A.F. [=Alb. Frese]. tradukis el la Nederlanda originalo de 1784: Wouter F. Pilger. 1996. 16p. 21cm.
Precize tio, kion diras la titolo.
La unua soneto (LATIN3) troviĝas ĉi tie.

Provizora Privata Listo de Slango kaj Ĵargono (kaj aliaj ne-PIV-aj vortsignifoj).
(Inter aliaj: esprimoj auditaj dum IJK, UK, en CO de UEA, k.s.)
ANKORAŬ NE ELDONITA!!!
Sed vi jam povas (dum limigita periodo!) legi HTML-version de jena unika verko de... Wouter F. Pilger.
pere de: W F Pilger/PPL

Francisko Viljono (Francois Villon): PLENA VERKARO
"La Testamento", "Poemoj Diversaj", "La Legacoj" kaj eĉ "Poemoj Slangaj" en Esperanto-traduko de Francois Gaulthier, troviĝas en la reto. Pri tio legu ĉi tie.

E-mail/E-poŝto/E-post

Mendu la librojn ĉe via kutima libroservo

paĝo preparata

pagina in voorbereiding

strona nie gotowa

page not yet ready

Seite nicht fertig

page en construction

fam. Pilger