Welcome To
A Moment Of My Life

The Happest Day of My Life ..'Fourth Of July'..


..And The Sadest Day Of My Life...'Valentine's Day'..





Kev Hlub Ploj Zus 



  Ua ibzaug neej, leej twg los yeej xav kom tau txhoj
  kev hlub tshaws li lubsiab nyiam, thiab txhoj kev ntshaw,
  tiam sis qhov kev npau suav ntawd tsis paub xyov yuav
  tos txog thaum twg mam li tig los txog..


Ua lub neej tsis muaj tug,
      Nplooj siab dai dhuas li lub hnub twb yuav poob puag tim qab ntug.
Txoj kev sib hlub yuav ploj zuj zus,
tam li tus dlej yuav tsis muaj hnub tig rov mus!
Yuav tsis muaj txoj hauv kev,
Vim lub siab tuav tsis tau kom ntev

Txoj kev sib hlub koj puas tsheem nco txog..?
Ntshe nws twb tsis muaj nqi lawm, puas yog..?
Cas kuv tsheem nyob tos koj rov qab los
Tiam sis koj yeej tsis nco qab hnov
Txhawm tias kuv tos koj tam ntua li nkauj hnub tos
txhiv nraug hli.,los kuv yeej yuav tos koj mus tag ib txhis

Koj zoo tam ntua kuv tus npau suav yuav ploj mus tag ib txhis
Yuav tos txhog thaum twg mam rov ua npau suav nrib koj li hmo i
Kuv txhawm yuav tos koj pis tshawg lub hnub, 
tuaj rov pis tshawg lub hli los kuv twb 
tsis hnov koj ib tshab sov li..
Lub hnub qaij zus twb yuab ploj, 
txoj kev hlub dai dhuas li nyob lawm ob peb phab toj,
ncav tes npaum cas los ncav tes tsis cuag koj..
Puas muaj hnub koj yuav los hais ib los lus rau kuv luag ntxhi
Saib puas yuav ua rau kuv nploojsiab kaj lawm ib me nris. 

Lub hli tuaj lawm tiag...ci tas ibsim 
Kuv txoj kev hlub zoo tam li tshev plooj hmab
plooj ntoos yuav zeeg mus tas lawm ib cim.
Tshev Paj hmab, paj ntoos ruas yog tawg ibcim
Txoj kevhlub thiaj li yuav nyob tau mus lawm ibsim. 
Txhawm hais tias kuv tos koj txog hnub tsis muaj lub ntiaj
teb no lawm los kuv yuav tsis chim... 

Zoo li kuv no, 
Tsis muaj ib tus neeg yuav los hlub txog
Tsuas yog nyob raws txoj kev nco 
Kuv hniaj hnub nyob tos, txoj kev hlub ruas yog ploj zus mus, 
Tsis muaj hnub yuav tig rov qab los...



======> Author's Notes <======

Ua neej nyob, leej twg los yeej muaj txoj kev nyuaj siab thiab
chimsiab, thiab ua lub neej nyob khovsiab khuav yog tias tsis
muaj tus hlub. Tabsis kev hlub ruas yog nyob ntawm yuslubsiab
thiab txoj hmoo. Yog tias koj hlubleejtwg lawm, yuav tshumhlub
tiag..,tuav txoj kev hlub kom zoo thiaj tsis plam mus rau lwm tus.


Tus Sau:


Tou C. Thao


Jan. 1998

 Lubsiab muab cog rau Koj"


Click HereTo Main Page