Eibar: kantutegia - Jaietakoak eta Gabonetakoak

Hasierako orrira / kantutegia (aurkibidea)

Eibarko kantutegia:
Gabon kantak / Jaietakoak

GABON KANTAK
- Ai au gabaren
- Atozte danok lenbait len
- Gabon astekoa: Gabon gabonete
- Gabon egunekoa: Agillando, agillando
- Eibartarren "gabon abestia" ("Hator hator mutil"-en aldaera bat)
- Urtebarrikoak (2 bertsio)
- Errege egunekoa
- Gabonetakoa: Biba Manuel txistu
JAIETAKOAK
- Santa Ageda
- Santa-eskean: Kura-parroko mondongo
- Aratostiak: Ardurabakuak
- Armeruen zortzikoa
- Garizuma
- San Juan soñua
- Andres Doneari (Eibarko zaindari Andres Donearen ereserkia)

AI AU GABAREN!

Testua. Elgoibarko ola-gizonena / Musika: R.M. Azkueren "Cancionero"-an


Ai au gabaren preziosoa!
Jesus jaio da Belenen
Etxe honetan sartu ote dan
billa gabiltza beronen

Erdiok gara olagizonak
beste erdiok arotzak
limosnatxo bat egitekotzat
bigundu bediz bihotzak

Ama gureak bere beiari
kaikua esne bildurik,
epel-epelik, giro-girorik,
hartu baleio gustorik

Hor goitik eta beraiñokoak
artzain zaharraren saltoak,
bildots handia lepoan duela
altxa ezinik orpoak

Belaunbikoka joan ginaden
Nazaretikan Belena,
geuk adoratu behar dugula
Jesus Maisua lehenena

Atozte danok lenbait len

Testua: Juan San Martinek jasoa / Musika: Aita Gandiagak jasoa


Atozte danok lenbait len,
Jesus jaio da Belenen (bis)
Ikustera danok guazen
zer ote dan ba gertatzen (bis)
Jaungoikua zerutik jetxi-eta
askatxoan dago jarria (bis)
Gloria, gloria Jaunari
gloria Jesus Haurrari,
eta lurrak gizonari
ondasuk pillak ugari.
Goazen, goazen, goazen Belenera
Jaun hau adoratzera,
Jaun hau adoratzera
goazen Belenera.
Hantxen dago portalepian
Ama Birjiñaren aldamenian
Ama Birjiñaren aldamenian.
Goazen, goazen, goazen Belenera.

GABON ASTEKOA: Gabon gabonete

Gabon Gabonete
errez errezete
Jesus jaio da ta
jo daigun krixkete

GABON EGUNEKOA: Agillando agillando

Agillando, agillando,
bizkaitarrak(k) Durango(n)
aingeruak gara,
zerutik gatoz,
boltzia badogu,
eskian gatoz.

EIBARTARREN "GABON ABESTIA"

Hator-Hator-en bertsio bat, Eibarren jasotakoa


Arzak, arzak mutill pitxer erdi ardau
guazen polliki polliki etxer
Gabon gaba zelebratzera (igarotzera)
aitaren da amaren onduan
ikusiko dek ama barrez da
aita ere bai txit kontentuz.
Baita nik ere zelango tragua (txurruta)
lelengo esan da Jesus...
lelengo esan da Jesus...
Bixigu erriaren azurra ondo txupatuko (garbituko) dogu.

Eragixok mutill, eragixok mutill
aurreko danbolin orri
gaztañak erre artian
gaztañak erre artian
tirrin-tarran, tirrin-tarran
plin, plaun, plust!
Pasau (euki) deigun Gabon gaba kontentuz...
pasau deigun Gabon gaba kontentuz.

URTE BARRIA


Urte barri eguna
ezta egun txarra:
kortara jausi jaku
gure zagi zaharra (sapai zarra).


:::::::::::::::

URTEBARRI

Urtebarri, barri
txarri belarri,
daukanak ez daukanari
zaria bete madari.

ERREGE egunekoa


Erregen, Erregen,
Mari montaña,
zazpi intxaur ta iru gaztaña.

GABONETAKOA: Biba Manuel txistu


Astelena, martitzena,
eguaztenian,
zozuak kantatzen dau
Manueltxonian.
Ogixa jan ta hil,
artua jan ta piztu,
biba Manuel, txistu!

SANTA AGEDA

Bertsoak: Kepa Enbeita, Urretxindorra

Santa-eskean: Kura-parroko mondongo

Testua: San Martinek jasoa


Kura-parroko mondongo
ik ez dok asko emongo
ik emondako limosniakin
ez juago asko edango.

ARATOSTIAK: ARDURABAKUAK


Kanta berri batzuek
ditugu atara,
aitzen emoten gatoz
herri honetara;
Aeroplanuan juateko
asmuetan gara,
bihar urtetzen dogu
Ameriketara

Polo Norten ei dagoz
hain parje baltzak,
harako egin dituguz
aproposko galtzak;
Eskuetan harturik
galtzairuzko lantzak;
ez gaitezan han galdu
hotzak edo artzak

Aparatugiñan eiñ dogu
urte bixan lana,
hortan gastatu dogu
geure diru dana;
oin berriz biderako
bihar dogu jana,
horregatik eskatzen dogu
errialtxo bana.

ZORTZIKO (armeruena)


Taller honetan lagun ugari
hasi gerade lanian
zer egiten den ikusitzera
etorri nahi dezunian
Gerria makurtuta nekatzen
egoten gerade astian
jaia heltzeko desiatzen
pasatzeko umore onian.

Etxian ondo ikusi nahirik
eta faltatu ez dein jana,
horregatikan egiten dogu
izardiz beterik lana
Aste pasatuta guk etxean
ematen dugu pozgarria
esanaz: ì amatxo maitia
hauxe da nik irabaziaî.

GARIZUMA


Garizuma zazpi asteko
barau gogorrak parte;
zuri, alantxe izateko...
datorren urtera arte!

SAN JUAN SOÑUA

EIBARKO ZAINDARI ANDRES DONEARI ERESERKIA