MIDI Ar ais Back
Oíche Dé Sathairn sa Seaintí Tadhg Ó Muiris, 1999
Oíche Dé Sathairn i gciúnas an tseaintí 'S tá na fir óga sa sráidbhaile ag ól Iarrtar ormsa teacht leo gach seachtain Ach ní rachads' ar spraoithe níos mó. Curfá: Stróicfidh na gaoithe mé, ciapfaidh an fuacht mé Brisfear mo dhroimse ó mhaidin go hoích' Is clúdach na gcrann os mo chionnsa dom' chosaint Ar chuimhne na spéirmhná ná feicfead arís. Is annamh a théimse amach leis na buachaillí Ach ar filleadh ar ais dom bíonn buidéal nó dhó D'fhonn seanduine dóite a spreagadh chun scéalta A insint faoi laethanta m'óig'. Bhí lá ann is mise chomh croíúil libh féin, ó Im rógaire meidhreach 's mé súgach gan ghruaim Is cailíní óga ag ól is ag damhs' liom Nó gur tharla dhom an ainnir dheas rua. Scaoil mé mo rún léi le véarsaí 's le rósaí 'Sé dúirt sí go rabhasa i gceartlár a cléibh Ach tháinig na taibhsí go tubaisteach eadrainn Is fágadh im thaibhse féin mé. Anois i mo thaibhse 'sea shiúlaim an domhan Im scáth, im mo scamall, im sciathán dubh mé Gan dóchas, gan eagla, gan stair is gan todhchaí Gan í nó go rachad sa chré.