Verir kalbe safa gülzar-ı Tevhid
Ne hoştur nefha-i ezhar-ı tevhid

Müreccah oldu gülzar-ı cinane
Safa-yı gülşen-i ferbar-ı tevhid

Cila ve çeşm-i kalbe nur-u Hakla
Görünsün ta göze asar-ı tevhid

İki gözle biri gözler muvahhid
Eder ahvel olan inkar-ı tevhid

Kilid-i aşkile kalbe açılsın
Der-i gencine-i esrar-ı tevhid

Rahik-i sırrı zata uçsa ruhun
Dili pürnur eder envar-ı tevhid

Kelim-i kalbe bir nur-u Hüdadır 
Yakar hep masivayı nar-ı tevhid

Satan bu nefsini Allah'ı aldı
Ne hoştur LÜTFİ bu pazar-ı tevhid