Dia nanao sacrifice ny raiamandreny handefa an'i leiry hianatra tany 
Antananarivo. Na dia marani-tsaina aza i leiry, sahirana ihany tany 
Antananarivo satria bonaika loatra. Na izany aza, azony ny bacc, vita ny licence ary vita ny maitrise. 

Dia nanambady i leiry ary tsotra dia tsotra ny fety (satria moa ny raiamandreny tambanivohitra mahantra). Tany Antananarivo no natao ny raharaha. Rehefa izany dia nangataka ny raiamandreniny mba any an-tanana no hanao volantantely. Dia nanaiky izy mivady. 

Ny fomban'ny olona any amin'io tanana ambanivohitra be io, rehefa misakafo, dia miray lovia ny vehivavy ary miray lovia ny lehilahy. Nazavaina an-damatoa vady moa izany, dia tsy nampaninona azy. 

Rehefa lasa natory izy mivady zanaka dia velom-panontaniana izy mivady hoe: 

- O rainy a! Isika anie tsy nisy fotoana 
  nifampiresahana tamin'i Hery e! Tsy afaka 
  nanoro hevitra azy. Indreto izy ireto hanao 
  volantantely kanefa manahy ihany aho rainy 
  sao tsy mahavita azy ity zanakao.

- Marina ny anao reniny, inona no atao? Ry 
  zareo ity efa lasa natory. Ndao hoe tsikilovina 
  inona no ataon'i leiry fa manahy aho hoe ho 
  afa-baraka ao ny zanatsika tsy mahay raha. 

Dia lasa tokoa izy mivady nitsikilo teo amin'ny lavaky ny lakile. Rangahy no nitsikilo. 

- Inona no mitranga rainy. 

- Io no efa nahiako. Mipetraka miresaka eo an- 
  tongo-pandriana fotsiny ry zareo. Afa-baraka 
  marina. Tena bonaika be ny zanakao e. Raha 
  izaho io efa notolomiko tahak'izay. 

- 'ty vavanao e. 

- Tsy mifampikitika akory ry zareo, tsy 
  mifampitositosy. Afa-baraka marina. 

- De ahoana? 

- Andraso aloha. Io kosa ny anao fa manomboka 
  mandray ny tanany. Izay vao sahy ny zanakao. 
  Io fa miara-midaboka eo am-pandriana. 

Dia nitantara ny zava-nitranga rangahy. Ramatoa etsy andaniny liana ny hitsikilo ihany koa, nefa rangahy midongy. 

Tsy tapitapitr'izay dia nihoraka rangahy rainy: 

- F'inona ity ataon'i leity? Mamoa-doza. Tsy 
  hiaraka hiray lovia amin'ialahy intsony aho 
  manomboka anio.