Resulta que pa MS-Dos, anque ye verdá que d´una manera menos cómoda
qu´en Windows, puen camudase las fontes qu´emplegamos pa escribir. Las
fontes encargadas d´ésto tienen estensión .fnt y trátase de cargalas
en memoria enantes de ponese a escribir. Ésto tamién val pal emulador
de MS-Dos que vién con Windows 95/98/NT pero hai qu´executalo nel mou
pantalla completa, sinón nun furrula...
Entós, si camudamos nuna fonte d´esas .fnt (igual que facemos colas
fontes TrueType en Windows) los símbolos: $,&,|,# pola "ch"
vaqueira minúscula y mayúscula y la "h" aspirada, al cargala en
memoria y calcar las teclas correspuendientes, obtenemos las nuesas
lletras.
Equí déixote una fonte camudada col programa FUENTES, couriera.fnt,
pa que la pruebes si te peta. Pa cargala en memoria ties qu´executar
el programa que s´acompaña: USAFONT.EXE.
Descarga Usafont.zip
Ésto
yía lo que ties que facer:
Dempués
d´ésto ya pues emplegar el programa Edit pa facer un documentu .txt,
eso sí pa poder velo outra vegada, tendrás que volver cargar las
fontes enantes.
Pa descargar las fontes de memoria y volver a la situación "normal"
de MS-Dos, basta poner:
C:>Mode 80
o
C:>exit
Si quies camudar tú outras fontes, pues atopar el programa
FUENTES na Web de BASSSOFTWARE:
El programa yía mui cenciellu d´emplegar ya vién con muitas fontes
ensin camudar. Amás, ellí pues alcontrar más información d´esti tipu
fontes (.fnt) ya outros programas (recomiéndote La Escoba).
USAFONT.EXE ye un programa n´Asturianu xentileza de Luis
Aguilar. Gracias mozu.
