Tula ng Prep '65 Reunion 2001

                                        parang nakikinita ko na
                                        reunion natin sa Canada
                                        luluwa ang ating mata
                                        sa pagtitig  nang walang sawa
                                        sa Talon ng Niagara

                                        higit na maganda kayang talaga
                                        ang tanaw sa gawi ng Canada?
                                        dapat yata tingnan rin natin
                                        sa gawi ng Amerika
                                        upang sa gayon
                                        patas ang ating maging husga

                                        tiyak,sa muling pagkikita
                                        nakabibinging tilian
                                        malulutong na tawanan
                                        daldalang walang katapusan

                                        mahahabang libot, lakad
                                        puwedeng-puwede
                                        pagka't kung dumilim
                                        alas-nuwebe na nang gabi
                                        ganoon doon
                                        sa North Pole
                                        malapit na kasi

                                        paki-dugtungan ito
                                        upang ang ibang walang kibo
                                        lalo pang ma-inganyo
                                        mas masaya tayo
                                        kung lahat ay dadalo

sige na, payag na
sama na kayo
ano pa bang ganyak
ang magagawa ko
para kayo'y mapa-OO?

magsabi na
ngayon na
nang si Mila'y di malito
sa dami ng aayusin, kakausapin
at planong bubuuin

napakaraming tanong
kulit, sa kanya'y dumarating
kaya't tuwing e-mail
nag-iiba ang balakin

sige na, punta na
sali na kayo
kahit pa singkuwenta
dolyar sa piso

Niagara
tanyag na
honeymoon sitio
kaya nga
asawa isama
muling pulut-gata kayo
kaya pa, hindi ba?
aamin bang 'di na?

magbaon Viagra
upang sigurado na
huwag bitin
honeymoon sa Niagara
kung ako nga lang ba
ang may asawa
baka pa manganak
kahit operada na

sana ay makuha
oo ni'yo dito sa tula
ewan ba kung bakit
ako ay may tiyaga
kayo ay kulitin
nang walang sawa
sana ay huwag nawa
kayong masuya

kung ating mai-inganyo
na sa Niagara baliktipon ay dumalo
mga magdiriwang ng kaarawan
sa buwan ng Mayo
darami lalo tayo
maging sa bus
magsi-siksikan pa tayo
ano'ng saya! ano'ng gulo!
kaya sali na kayo!

tingnan ni'yo website na ito
maidofthemist.com sa browser ninyo
para sa kaalaman ninyo
tayo ay sasakay dito

bababa ng elevator
sa burol na pangalan ay Clifton
magsusuot kapoteng asul
upang 'di mabasa ng saboy
paglapit sa tubig ng talon

ang talon maliwanag sa gabi
may ilaw alas nuwebe ang sindi
kaya si Elmer 'yan ang mungkahi
na sa Skylon tayo mag-unang gabi

tulad ba o mas higit  pa
sa rangya ng EPCOT o Vegas kaya
ipikit man ang mga mata
malinaw na nakikita
sa balintataw marikit na eksena
 
 

<< back to homepage

<< back to poems archive

<< March 2001 poems

>> May 2001 poems