<<心情記事薄>>
11/02/2001
唉~~~呢排真係多瘀事!!自從上次PE堂玩跳馬成個人LOOK 左落馬, 令全場大笑(包括我自己)之外, 又搭錯訕喎!!認錯左以為佢係阿牛小學同學,仲懶叻咁:"HI!!阿牛小學同學".......阿牛同比我認錯果條友都十分之愕然, 然後就大笑起來啦~~~哈哈.....真係臭!!!
仲有,最近都為左出電話0既事煩左好耐~~~~~!!希望可以快D有電話用啦, 真係好唔方便~~~~
另外, 係呢度嚴重警告你班友仔唔好再跟我講"O 啟"
04/02/2001
因為唔見左家姐部電話, 所以一直好內疚, 唔係好敢同我家姐講野!!今日同阿媽講話叫佢出返部電話啦, 點知, 又係鬧交, 話我咁唔小心又乜又物, 鬧到忍唔住0係條街喊!真係醜怪!有時我覺得佢真係唔明白我,成日淨係識得話我, 鬧我, 我真係唔知佢想我點囉!!好唔開心!!
跟住,約左老豆食飯!!!阿哥講起d 親戚!!我一直都唔鐘意同d 親戚交涉, 覺得佢地好多是非!!尤其是我d 表哥啦, 個人又臭串, 我大舅父成家都無個好人嫁!!我知佢地一直睇少我地屋企, d人又懶叻!!仲話我地屋企欠佢乜乜乜!!正如阿哥咁講: 你睇小我, 我都唔會睇大你~~仲記得有一次去佢地屋企食飯, 仲好單打咁講:"阿恩乜升到中六咁叻呀?!" .......呢d人真係虛偽~~
我就要爭氣比你班人睇......睇死我升唔到大學丫na!!我仲有時間, 今次一定唔衰得呀!!!
03/02/2001
今日真係黑上加黑@.@
首先, 就係見到個ON居仔啦, SIDE 左我錢又SIDE 我時間, 唉~~~~
仲有就係0係旺角唔見左部電話!!果時真係好徬徨, 真係想搵人黎打, 仲要果部電話係我家姐TIM , 同佢交換第一日就唔見左,真係想死~唯有第一時間打比家姐阿哥求救啦, 然後去smartone cut 左張card!今次都係要比人鬧啦, 剷到我上天花板啦!!唉~搭車返屋企果時個人已經十分之亂,唯有自己嘔錢啦, 唉~~~~~~!!希望已後d人有d品, 執到野就比返人啦, 我都知道唔見左野果種感覺, 真係好驚嫁!!
02/02/2001
唉....點解會咁?!又唔知醒返學!!好辛苦呀, 因為今日病左!又喉嚨痛又洗鼻水喎...!!
好啦!今日我黃阿B下定決心,要開始努力讀書啦!!講真, 咁耐以黎, 我都好似無乜點試過正正經經咁溫過一個鐘頭書, 長此落去, 就真係唔係辦法啦!!嶺南都無得我入啦(雖然我唔希罕)...既然宜家ICQ 又唔好玩, newsgroup 又話要執, 真係唔捨得, 咁我都唔會再always 上網啦!!反正同我熟0既netfriend 數埋數埋都唔知有冇2, 3個, 咁就算囉!!其他有過幾句0既netfriend 都係fade out 嫁啦!!!!
中史已經教左差唔多成本書啦,我要努力咁追返先得啦~雖然宜家我無一個朝代係熟0既!!
世史比阿"痴媽LEE"教到亂鬼晒, 上堂唔係訓覺就發夢, 呢科靠佢都係死嫁啦, 唯有自己慢慢睇返D notes 啦!!如果世史比我D到, 我已經開心啦!!
BS 我諗係我暫時最唔知點讀0既一科!不過都開始有D眉目啦. 呢科都係靠老吹嫁啦!
文化: 除左"情與中國文化"呢一課有D聽書之外 , 其他科文好似睇都未睇過!!功課又唔交~~唯今之計就係努力啦!肥左呢科就真係摺埋嫁啦~~
英文雖然無靠補習, 上堂又無乜幫助, 都係自己黎嫁啦!!!不過我覺得自己Listening 比較弱, 希望有所改善啦!!
30/01/2001
今日放完假要返學..點知~~~又唔知醒,無返半日!!
發覺自己仍然好有holiday mood,其實由開學到宜家, 自己都係十分心散!功課做得求其,有時更遲遲無得交, 上堂又發夢, 成日唔想返學!!我真係唔知自己想點~~~~~今日阿牛話佢要開始發力, 仲有一個月就mock exam la, 我有時真係諗, 究竟讀中六係唔係一個錯0既選擇,我自己根本唔鐘意呢d咁0既生活,每一日返學都返得好唔情願,又覺得好大壓力,講真, 如果真係考唔到大學, 我都唔知點算好!!!其實好似阿喵咁讀IVE都幾好丫, 咁free , 遲到唔返都唔會有人理你,又唔洗考public exam!!唉~~~
不過都好慶幸我自己無拍拖,宜家已經為左讀書而好心煩, 如果拍埋拖, 咪煩上加煩!??!況且我自己又唔係真係咁hungry, 都係唔好攪咁多野啦~!!
27/01/2001
今日,同阿喵出左旺角, 又撞埋阿牛同埋佢d表姐表妹!!之後, 因為等睇戲,諗住去食下野啦, 可怕大家的荷包裡的錢已經所淨無幾!!跟住就買左外賣pizza食, 又怕怕醜醜咁唔知0係邊度食好喎,經過一番繞讓之後, 就拍埋岸求其搵個地方企0係度食啦!!發覺比平時0係pizza hut 裡面食更加好味嫁,原來窮困果時有0既野食係特別美味嫁~~
今日終於睇到Cast Away 啦!不過都係勁多人丫, 我第一次要同阿喵坐前後位咋~~真係抵死!!我覺得套戲都幾好睇呀, 其實若果我自己真係一個人留0係荒島,或者我無咁堅強可以生落黎啦!
唉, 不過返屋企先慘呀!!因為唔記得帶key,所以要去大興花園搵我家姐啦!!點知, 架N260 唔經果頭, 仲要等我由鳴琴行去石排, 再由石排行去大興花園!途中鬼影唔多隻, 又凍又落雨!!真係即刻覺得自己似Tom Hanks 呀!唉~~~~(天氣真係好凍, 比三個寒佢啦)
26/01/2001
估唔到今日會凍得咁交關呀!!話咁快就年初三啦, 就快要返學啦, 唉!!諗住今日做下功課啦, 點知......都無乜都無掂過!我諗今次個new year holiday planning 都係完成唔到嫁啦~真係有心無力呀!!唯有寄望聽日去自修室做多d功課啦~!!
25/1/2001
今日係年初二!!唉, 新年都悶鬼死我呀,年初一, 二, 三枕住都無年拜, 真係悶暈~~~仲要年初一得一丁友食飯!!今日終於頂唔順, 搵左阿喵諗住話去睇Cast Away啦, 點知~~~~~~~多人到死呀!!淨返D死角位, 即係就頭一行, 真係寧願唔睇呀~!!根住就好豪咁影左好多貼紙相, 無聊到極!!0係條街度行又唔知做乜好喎~~~~咁就返左屋企啦!!!!!!!仲有呀, 返屋企0個陣真係凍到死呀, 又落雨喎!!!~~~好掛住屋企張床~~
22/1/2001
今晚我訓覺果時忽然間諗起葉仲昇, 佢係我一個netfriend 黎嫁!!不過佢差唔多一年前去左Seattle 讀書啦~我諗住呢個人已經fade out 左, 但係有時都會無啦啦諗起佢ka!我成日覺得佢係一個有型0既板仔!!~~又有錢啦~~~仲有呀,佢都介紹左好多band 比我識 ,我地以前都有交換md 嫁!!佢record 比我d md 仲0係度tim~~~不過自從佢去左讀書就無左contact lu!!~~~我諗佢都唔記得我嫁啦~不過都好開心識到佢~
我的info 我的朋友 我的相薄 My Favourite Things
