bangko sa lilim ng langit
saksi sa ating pag-ibig
pwestong di ipagpapalit
bangko sa lilim ng langit

duyang walang tinag
anyaya'y sinag at liwanag
sa hinaharap at pangarap
ng dalawang magkapalad

sa pagbalot ng takipsilim
alay ay panalangin
bangko'y wag sanang kunin
yan lang ang tanging hiling

paano nang mga pangako?
ang pag-asang di magbabago?
mga taong bibilangin
ang pag-asa ba'y hahanapin?

bangko sa lilim ng langit
saksi sa ating pag-ibig
itinakdang maging haplos sa himig
bangko sa lilim ng langit.