ANILAN 'NY TIANA

Ny alina zary mazava
Ny andro diavolana lava
Ny rehetra mitondra hafaliana
Rehefa eo anilan'ny tiana
Na inona zava-manjo
Izy eo anilan'ny fo
Tsy misy ny zavatra ahiana
Rehefa eo anilan' ny tiana

Ny ririnina misy hafanana
Ny haizina misy hazavana
Na ora-mikija na rivo-mifolo
Fitiavan'ny tiana tsy miofo
Fahavaratra na lohataona
Na inona eo manoloana
Dia tsikitsiky tsy lany hamamiana
Rehefa eo anilan' ny tiana

Ny tetika fandrava laka
Ny hasomparana toeran-tsy zaka
Vao miha manamafy ny diana
Rehefa eo anilan'ny tiana
Ny olana azy sy ahy
Zakaina iaraha-mamaha
No zary hasambarana zina
Rehefa eo anilan' ny tiana
Na dia be aza ny fahavalo
Ny tiana tsy mety hatakalo
Fa andry hiankinana tsy mba mikoro
Andry mahintsy fijoro
Fahavaratra na lohataona
Na inona eo manoloana
Dia tsikitsiky tsy lany hamamiana
Rehefa eo anilan'ny tiana

Texte et Musique: ROSSY