AKARATRA MIDONGY

Mitaratara-bolo
Akaratra midongy
Ny maso izay mijery
Varivarin' alahelo
Manembonembona ê !
Ladiladin-kira
Teraka hariva
Ka vetso no mirongatra
Misidina any ho any
Any ambadika any 
Ny fitia
Ny lamban' ny fitia
Mivolon' andro mody
Ny lavitr'olon-tiana
Olon-kendry azon' ody

Satriko hametsovetso anao
Mba hijalian' ny fitia
Ny fitia ê !
Fa ny jaly ao anaty ao
No mamaritra ny dia
Voady mamy, dina vaovao
Mivatofantsika ao am-poko
Tiako ianao, tiako tsy voafetra
Homba, homban' ny androko rehetra.

NY RAILOVY